ماهو أفضل ماطور في البر ؟؟!!

[شقرااااوي]

السلام عليكم ورحمة الله وبركاته


أسعد الله صباحكم بكل خير


ابغا مشورتكم يالغالين لاهنتوا


ابي ماطور كهرب يشغل لي مثلا تلفزيون وبلايستيشن بالبر ، او اقدر اشبك عليه شاحن جوال مثلا
ودي يكون الماطور سهل الحمل ويكون قوي في تشغيل الاجهزة خصوصا للي ذكرته وسعره معقول مب غالي مره مره



ابي رايكم واقتراحاتكم ، وياليت الي يقترح علي بشي يقولي كم سعره وين يباع واذا امكن يحط صورة له


علما أنني من سككان الرياض وجزاكم الله خير

[الموظف]

يفيدونك الاخوان انشا الله

[شقرااااوي]

يفيدونك الاخوان انشا الله

ماقصرت على الحضور

والاخوان فيهم خير وبركة

[اطلق واحد]

[SIZE="5"]خذلك ماطور هوندا وراح يطربكSIZE]

[ابوماجدد]

انا اشتريت ماطور هوندا 2200 شمعة جديد بكرتونة اخذتة ياباني تجميع هندي بعد نصيحة كثير من الشباب ما يميز ماطور هوندا هو انه غير مزعج وهذا نقطة مهمة جداً بالنسبة لي ولبعض الناس وانا بصراحة ماجربتة اكثر من عشر دقائق اي تجربتي له قليلة

[tabtab055]

نصيحه ونا خوك خذ هوندا ياباني كاتم فيه واحد كيلو واثنين كيلو الاحمر يجي مثل الشنطه تلقاه عند الوكيل شركه عبدالله هاشم هوندا جوده وتحمل وكد ومد وسهل الحمل............ومنت خسران وان دفعت الكثير ولكن لك وللزمن ان حافظت عليه...
انا املك واحد كيلوا مستعمل للبيع ان جاز لك على الرابط التالي بعد اذن الاداره
http://www.mekshat.com/vb/showthread.php?t=516117&page=1

وان ماجاز لك دور مستعمل نظيف او خذ جديد

[تربة الشمال]

بالنسبه لي جربت ماطور الهونداء افضل شي

[asd6244]

إذا كان ما عندك إلا هذه الأجهزة التلفزيون والبلايستيشن بالبر وشاحن الجوال
فعندك محول الكهرب من بطارية السيارة صغير و سعره رخيص و يقوم بالمهمة

[tabtab055]

اخوي شوف الرابط ذا http://www.mekshat.com/vb/showthread.php?t=386030

[tabtab055]

إذا كان ما عندك إلا هذه الأجهزة التلفزيون والبلايستيشن بالبر وشاحن الجوال
فعندك محول الكهرب من بطارية السيارة صغير و سعره رخيص و يقوم بالمهمة
ماراح يكون مثل الماطور لان محول الكهرب ممكن يخرب البطاريه خصوصا اذا كان قوه الواط 1000 فما فوق وتقوم بتشغيل بلايستيشن وتلفزيون ورسيفر ولمبات ووقت التشغيل يكون طويل يمتد الى ساعات وخصوصا اذا كنت في البر وخربت البطاريه بسبب ذلك انا ارى ان الماطور لابد منه في هذه الحال