بخصوص تنك الماء

[الارطل]

مرحبا للجميع
اتمنى من الاخوان ان يفيدوني عن تنك الماء للجيب جكس ار 2009 ابي التنك داخلي وش اللي يناسب سيارتي من حيث الوزن والحجم وعدد اللترات والنوعيه واي الصناعات افظل
وهل من الضروري تلبيس ارضيه الجيب ببلاستك داخلي ولا التنك امن ولا فيه تهريبات
وفي اي محل احصله في حفر الباطن وهل فيه حد يفصل
انا لقيت بلاستك وحديد والمنيوم البلاستك رخيص واعجبني بس انا ما اعرف شي بالتوانق
وللجميع الشكر

[أبوفاطمة]

جربت خزان الوادي على جيب 2009 GXR بعد ما شلت المرتبه الخلفيه وهو أكبر الخزانات حجم يشيل تقريباً 145 لتر طبعاً بلاستك وله مشدات تربط مكان شد الكراسي الخلفية وسويت له توصيله عند محل البتار في الدمام ولله الحمد له عندي من 2006 كان على جيب شيروكي ولليوم ما أشتكي منه شي
وميزته أنه أكبر حجم من خزانات الوطني

[الارطل]

بس ما تحس انه مثقل على الموتر ولا ادري عن الريحه اتوقع بالشاي والقهوه مو مضبوط يطعم فيها ولا انا غلطان

[ابورايف]

مرحبا للجميع




اتمنى من الاخوان ان يفيدوني عن تنك الماء للجيب جكس ار 2009 ابي التنك داخلي وش اللي يناسب سيارتي من حيث الوزن والحجم وعدد اللترات والنوعيه واي الصناعات افظل
وهل من الضروري تلبيس ارضيه الجيب ببلاستك داخلي ولا التنك امن ولا فيه تهريبات
وفي اي محل احصله في حفر الباطن وهل فيه حد يفصل
انا لقيت بلاستك وحديد والمنيوم البلاستك رخيص واعجبني بس انا ما اعرف شي بالتوانق


وللجميع الشكر



بس ما تحس انه مثقل على الموتر ولا ادري عن الريحه اتوقع بالشاي والقهوه مو مضبوط يطعم فيها ولا انا غلطان


حياك الله


أستخر ربك أولاً


تانكي الفير رائع جداً وخفيف وتوجد منه عده مقاسات


وسعره مناسب وبالأمكان وضعه بالسياره بكل سهوله


وهذا رابط للأستفاده

http://www.mekshat.com/vb/showthread.php?t=518800

أتمنى أني قدمت مايفيدك

تقبل مني كل تحيه عطره

[الارطل]

مشكور على التفاعل لكن ما فهمت معنى الفير شركه ولا قصدك الفايبر


انا لقيت الوطني البولي اثلين وش رايك بوه

[أبوفاطمة]

بس ما تحس انه مثقل على الموتر ولا ادري عن الريحه اتوقع بالشاي والقهوه مو مضبوط يطعم فيها ولا انا غلطان


الموتر يتحمل خاصتاً إن مكان الخزان على المحاور الخلفية لكن بسبب وزن الأغراض في الطلعات من خيام و غيره غيرت اليايات الخلفية في البداية وصار الموتر أبد ما ينزل و تحمسة :) وغيرة كل الطقم مساعدات و يايات لكن الياي الخلفي يكفي و لا يطلع ريحة و لا طعم في الماء
مع العلم إني نطلته في البر عند العزبه مدة سنة و الماي فيه ولا أحتاج ألى غسيل بالكلور مره وحده

[ابورايف]

مشكور على التفاعل لكن ما فهمت معنى الفير شركه ولا قصدك الفايبر



انا لقيت الوطني البولي اثلين وش رايك بوه



هلا والله
الوطني هو الفيبر

رائع ويفي بالغرض ولدي واحد وكما ذكر سعره مناسب
وخفيف ويوجد منه عده مقاسات
تقبل مروري وردي

[مهنا-715]

عزيزي الألمينيوم هوالحل خفيف ولا ريحه ولا طعم بالماء لويجلس المافيه عشر سنين
شوري لك مر السنيدي تلقاه جاهز عندهم مطربل والمقاس الي تبي ورا المرتبه الثانيه والا الثالثه
عندي واحد مكمل الحين 6 سنين ماشاء الله زي الحلاوه

[الارطل]

اخ مهنا كم مقاس التنك اللي اخذته وكم السعر
بصراحه كلامك شدني صوب الالمنيوم
لكن انا لقيته مطربل طربال السنيدي ب 750 وقول اي مقاس
فودي اعرف مقاس التنك اللي اخذت

[الارطل]

هلا والله

الوطني هو الفيبر


رائع ويفي بالغرض ولدي واحد وكما ذكر سعره مناسب
وخفيف ويوجد منه عده مقاسات

تقبل مروري وردي






بس ريحة الماء بالشاي بالتحديد طبيعيه
انا ابي التنك خاص بماء حلو وبتاع كلو للشرب والغسيل
ابي افهم هل يتغير طعم الماء او ريحته
زي ما قلت لك ابيه خاص بالماء الحلو وابي القهوه والشاي منه
يعني
مهم ان لا يكون هناك ريح او طعم
ومشكوووووور على التفاعل

[الارطل]

من اعماق القلب
مشكورين على التفاعل
و انتظر الجديد من الردود

[ابورايف]

بس ريحة الماء بالشاي بالتحديد طبيعيه
انا ابي التنك خاص بماء حلو وبتاع كلو للشرب والغسيل
ابي افهم هل يتغير طعم الماء او ريحته
زي ما قلت لك ابيه خاص بالماء الحلو وابي القهوه والشاي منه
يعني
مهم ان لا يكون هناك ريح او طعم

ومشكوووووور على التفاعل


حياك الله

بالنسبه لي أستخدمه للشاهي والقهوه لكن ليس بأستمرار

فالطعم يختفي بعد الغسيل

أنا أستخدمه كثيراً للغسيل

أنتظر الأخوان

تقبل مروري وردي

[راعي الوايت]

خزان الوادي لا طعم ولا رائحه

4 سنوات من الاستخدام ولا اروع

[ابورايف]

بأمكانك زياره هذا الموضوع

http://www.mekshat.com/vb/showthread.php?t=518800

شكراً لك