المساعد الشخصي الرقمي

مشاهدة النسخة كاملة : استفسار عن طريق الرياض الامارات(عن طريق الاحساء)


@نايف@
09/08/2006, 02:05 PM
السلام عليكم ورحمه الله وبركاته



مساكم الله بالخير جميعا

اخواني استفسار وارجو منكم افادتي


انا ناوي ان شاء الله انا والاهل السفر ان شاء الله السفر الى الامارات وبالتحديد الى دبي بالسيارة (برا) طبعا انا من سكان الرياض.
وانا الصراحه ماااقد سافرت برا فاول مره ان شاء الله راح تكون لدبي وبالسيارة

انا سمعت من اكثر من واحد ان انه في طريقين الطريق الاول عن طريق حرض والطريق على حسب ماااسمعت انه مره تعبان وفيه مقطعه وسيد واحد, وفيه طريق ثاني افضل بكثير من طريق حرض وهو طريق الاحساء فياليت احد يبيني لي هالطريق وهل الطريق امن وكم سيد وهل فيه مقطعه وهي في الطريق خدمات ومحطات وبالضبط كم كيلو من الرياض الى دبي وانا انشاء بروح انا واهلي فهل فيه خطورة او لا وياليت توضح بالتفصيل عن هالطريق ويوصفه لي يعني كيف اروحله وتقيمك بشكل عام للطريق ولكم مني جزيل الشكر والتقدير...


ودمتم................
@نايف@
10/08/2006, 02:43 PM
افا 22 زياره ولا واحد رد افا.............
القبقب
10/08/2006, 02:55 PM
وعليكم السلام ياخوى نايف
بالنسبة لطريق الحساء الى الى الحدود الاماراتية (مركز الغويفات)
الطريق ماعليه كلام ممتاز وخط سريع وتوجد أستراحة قبل مركز الحدود وبالنسبة للبترول عبي فل من الحساء ولاتحاتي بالنسبة للطريق من مركز الامارات الى أبوظبي أيضا طريق ممتاز ومن بوظبي الى دبي طريق دولي كل طريق أربع مسارات . وحياك الله
@نايف@
10/08/2006, 08:19 PM
الف شى الف شكر للك اخوي على ردك الجميل وياليت برضو تجاوبني على هالاستفسارت

1- كم كيلو بين الرياض ودبي بالضبط على طريق الاحساء


2-الطريق هذا طريق الاحساء كيف الخدمات فيه من محطات وخلافه


3-وصف الطريق من الرياض الى دبي...




اكرر شكري للك وانتضرك











ودمتم........................
مسافر1
10/08/2006, 08:24 PM
أخي نايف ..
طريق حرض اسرع وأسهل بإذن الله ..
خذا هالرابط لعلك تجيد فيه ماتريد ..
http://www.mekshat.com/vb/showthread.php?t=53238
@نايف@
10/08/2006, 08:31 PM
الف شكر للك اخوةي بس للاسف طريق حرض سى جدا جدا واحد من الشاب جاي قبل كم يوم وحرم يجي معه ثاني مره ...لا ويقول وانا في الطريق فيه عائله اماراتيه في الطريق منقلبين لاحول ولا قوة الا بالله





الف شكر للك اذا عندك معلومات عن طريق الاحساء اكون شاكر............
القبقب
10/08/2006, 09:15 PM
السلام عليكم ياخوى نايف حاب أقولك أنا مهب من سكان الرياض
بس طريق الحسا أطول من طريق الخرج تقريبا ب 120 كيلو
ولكن طريق الحسا فيه ألامان أكثر . ودمت سالم
الباهي
12/08/2006, 01:13 PM
طريق الحسا افضل وفيه محطات بنزين واستراحات واهم شي انه الان صار سايدين يعني خطين رايح وجاي

بدال ماكان خط واحد المسافه من الاحساء الى دبي 730 كيلو ومن الحسا الى البطحاء المركز السعودي 250 كيلو

والمسافه من الرياض الى الاحساء 330 كيلو يعني المسافه من الرياض الى دبي 1060 كيلو بالتمام

سفر سعيد وتركد على الخط واي خدمه حاضر

اخوك
الباهي
@نايف@
12/08/2006, 04:11 PM
الف شكر اخوي الباهي بس ممكن وصف الطريق من الرياض الى دبي على طريق الاحساء واكون شاكر ومقدر للك
الباهي
12/08/2006, 04:26 PM
هلا بك اخوي لا شكر على واجب انت تامر

بالنسبه للطريق من الرياض الى دبي مرورا بالاحساء

طبعا تطلع على طريق الدمام الرياض السريع وفيه طريقين اما من كبري سعد المؤدي الى خريص

او تكمل المسير على السريع وتتعدا سعد وبعدها بمسافه ليست بالقصيره تمر بهجره جوده بعدها

بيجيك كوبري عريعره تسلكه ياتجاه اليمين والخط سايدين من كبري عريعره الا الاحساء وزين

لكنه ابعد من طريق خريص ان كان ممشاك بالنهار افضل ان تجي على طريق خريص لكنه خط واحد

ولا يصلح المرور به ليلا علشان الابل وتمر بهجره خريص وتستمر بالسير من خريص الى الاحساء

تقريبا ميه وخمسين او تزيد قليلا ولما تقرب من الاحساء بيجيك كبري لا تروح طوالي لقف يمين معه

ولا تخاف فيه لوحات ارشاديه واول ماتوصل الاحساء اول اشاره لا تروح سيده لانك بتدخل داخل المدينه

مع اول اشاره لف يمين وهو الخط الدائري يطلععلى طريق قطر وهو طريق الامارات يعني تمشي معه

من عشره الى 15 كيلو مو بعيد لين تطلع على طريق قطر تروح مع اول دوار طوالي وبيجيك ثاني دوار

تروح يسار وثالث دوار طوالي رابع دوار عليه خط قطر لف يمين وتوكل على الله تراه سهل وفيه لوحات

والامور سهله ولا يهمك شي واي خدمه تراي موجود بالحسا وابرك الساعات

اخوك
الباهي
بدون لوحات
14/08/2006, 06:55 PM
تصل با لسلامه ومن الرياض الطرقين ليس بينهما فرق يذكر حوالى خمسةعشر كم ( لكن الافضل هوطريق حرض)
بدون لوحات
14/08/2006, 06:59 PM
طريق حرض افضل بكثير وممتع وكلها نفس المسا فه
الباهي
14/08/2006, 07:56 PM
بس طريق حرض مقطوع وموحش ولا فيه خدمات ومحطات وبعدين خط ولا حد رايح جاي

واالرمل مغطي اجزاء كبيره من الطريق بالعربي مايصلح
راعي المقانيص
14/08/2006, 08:29 PM
أخي الكريم @نايف@ (http://www.mekshat.com/vb/member.php?u=32071)<SCRIPT type=text/javascript> vbmenu_register("postmenu_455984", true); </SCRIPT>

هذه خريطة متواضعه قمت بتصميمها أثناء رحلتي العام الماضي لدبي وجميع الحسابات دقيقة بالكيلو متر وقمت بمقياسها بواسطة طبلون السيارة الألكتروني

http://www.mekshat.com/pix/upload/images18/mk13197_r=d.jpg



http://www.mekshat.com/pix/upload/images18/mk13197_r=d2.jpg
إجمالي الرحلة 1105 كم

أرجو أن تكون واضحه ولو فيه شي غامض عليك ابشر ياغالي حاضر لاي استفسار تطلبه

وابي اعطيك ملاحظه

حاول انك تصرف عملة إماراتية ( درهم ) من هنا وخذ معك أقل شي 500 درهم لانك راح تواجه مشكله في صرف العملة على المنافذ بالإضافة راح تحصل الي يصرف لك العملة هنود وبنجلاديشيين ويستغلون حاجتك بالصرف ويخصمون من المبلغ لأن بداخل الامارات مايقبلون العملة السعودية
ماشي في حالي
15/08/2006, 05:42 AM
.................السلام عليكم ورحمة الله...................
بالنسبة للمسافه الاخوان ماقصرو .........
اما عن محاط البنزين
1. قبل ماتفرق من شارع الدمام الرياض السريع متجهاً الى الاحساء احرص على ان يكون لديك وفرة من البنزين لأن لايوجد محطة بنزين هناك الا قبل الاحساء ب20كيلو تقريباً . وفي واحده بالمنتصف لاكنها جديدة ومااظن انها فتحت
2.من الاحساء الى البطحاء.
1.تجيك الله يسلمك لمى تعدي الاحساء ب15 كيلو محطة الغرافة وبعدها ب2كيلو تجي محطة القدس والثانية اقل زحمه (هما افضل محطتين ) لاكن قبلهم في الكثير من المحطات مثل الخاتم والعجاجي والدلجيه... الخ المحطات العدله تجيك بعد دوار الدليجيه الذي فيه المحطه السابق ذكرها( يميز هذه المحطه المطعم الممتاز الذي يوجد بها)
2بعد ماتعدي الاحساء ب90 كيلو تقريبا تجي محطة هجرة تماني (القنيصه يدخلون قبلها يمين على بالفرايس . واذا عندك جيب ادخل 10 كيلو وشب لك من حطيبات الرمث الزينه واذا تبي الغضى تراه 20ك عن الهجره يسار )
3.قبل مفرق البطحاء 10ك تجيك محطة ساكو (لاانصح بها قديمه والحمامات اعزكم الله قذره)بعدها تجيك قبل مفرق البطحاء مباشره محطه كبيره ونظيفه جداً وتعد افظل محطه على الطريق مادمت بالسعوديه
4.قبل مفرق شيبه تجيك واحده صغيرة (طريقنا للمقناص .حياك الله معانا الشتويه الجايه اذاحبيت )
5.قبل البطحاء تجيك محاط زينه انصحك تعبي فل قبل ماتطلع من السعوديه لأن بنزينهم سعره اغلى منا بثلاث مرات
من البطحاء الى ابوظبي
1.بعد ماتعدي الجمارك ب30 ك اواقل( ماذكر بالضبط بس اذكر انها بعيده) تجيك محطه كبيره لادنوك ممتازه جداً مع مرتبة الشرف وفيها يقع مطعم الدجاج الجنوبي وهوممتاز ايضاً .وستتوالى عليك المحطات كل 80 ك تقريباً محطه
من ابو ظبي الدبي
1. اول ماتفرق تجيك محطه
2.بعدها تجيك محطه كبيره لأدنوك(كبر ابليس )وفيها مجمع تجاري ومطاعم كثيره مثل برجر كنج ودومنز بيتزا (يوجد للمحطه نسخه مطابقه في الشارع المقابل)وتجيك كم محطه بعدها لين ماتوصل دبي (ترى دخلت دبي ماتنتفوت بالذات العماير الجديده الي بعداوقبل جبل علي .لاتخلي احد يرقد)
..............................وفي الختام توصل بالسلامه...............................
aboasem3
30/06/2007, 06:57 AM
السلام عليكم
شكرا للجميع على المعلومات المفيده والمساعده
طيب يا اخوان هذا الكلام كان العام الماضي سنة 1427
طيب ايش فيه جديد هذه السنه 1428
والسؤال الاهم/
1- هل طريق الرياض الهفوف مزدوج (سيدين) ام مسار واحد

2-ولماذا الاخ
راعي المقانيص (http://mekshat.com/vb/member.php?u=13197)
شرح الطريق ان نسلك طريق الرياض الدمام السريع ثم بعد مسافة 255 كبلو نفرق الى الهفوف بمسافة 90 كياو
طيب ليش ما اروح عن طريق الرياض الهفوف مباشره
وشكرا vbmenu_register("postmenu_460193", true);
aboasem3
01/07/2007, 08:21 AM
الووووووووووووووووووووووووو
ياشاب وينكم
شكل الشباب كلهم كاشتين بصلاله ولا فيه احد يرد
الووووووووووووووووووووووووووووووووووووووووووووووو