تكفون ياعضاء مكشات لدى مشكله

[abuwafi99]

الاعضاء الافاضل
السلام عليكم ورحمة الله وبركاته
عندي مشكله وبعد استفحالها لجيت الى الله ثم لكم

المشكله
عندي لندكروزر v x r مديل 1996 بخاخ تماتيك والسياره نضيفه جداً ولكن فيها مشكله كبيره
هي حراره الشكمان والعادم مثل لهب النار ومن زود الحراره الديكور من عند القير والدبل يولع نار وحراره المكينه طبيعيه تصل مع المكيف الربع او تزود فوقه شوي
وكثر كلام اصحاب الورش ومنهم من يقول شف اصحاب محلات الشكمانات ومنهم من يقول
الراس واصحاب الشكمانات يقولون الشكمان تمام علماً بان الشكمان شد بلد من وكالته وكثر الكلام بدون فايده ارجو من الله ثم منكم توزيده بمعلومه تفيدني والله يحفضكم من مكروه ولكم تحياتي

[sgl2002]

عندك احتمالين

اما ان العازل اللي يجي فوق الشكمان وهو مشتت الحرارة شكله مفكوك

او احد العوازل في السيارة منزوعه اللي من جهة القير

[abuwafi99]

لا اخوى المشكله بدت من قريب والسياره لها مده معي ولاحركت اي شى فيها والعازل موجود

[Jeep 2005]

ارفع الموتر .. وتتبع مجرى الشكمان .. من عند القزوز وانت نازل

ولاحظ العازل الي راكب على بدي الموتر .. هل فيه شقوق .. اوطايح

وفقك ربي

[ls1.5700]

اكثر ظني ان المشكله من الديلكو مسكر عليه
حاول توزن الديلكو عند واحد فاهم
يفتح عليه شوي وان شاءالله يضبط معك

[قناص مهداوي]

والله ياخوي نفس المشكله عندي بس مدري وش فيه بس اليوم لاحظته شي غريب من اسفل جهة السواق خلف دعاسته الفرامل فيه مكان يدخل معه نفس العصا اللي فيها الطاره وأحسنها حاره بس بكره بتاكد منها

[abuwafi99]

الله يعافيكم جميعاء
والله جيت ورش كثير ولاحد شخص المشكله لاكن الله كريم واملى بالكشاته ان شاء الله عندكم العلم

[الشششششمالي]

اخوي شيك الشكمان كويس وخاصه يجي بالشكمان من الداخل ماده رصاص عازله يعرفونها حقين الشكمان خاصه اذا كن شد بلد مع طول الاستخدام تخرب الماده وممكن تطلع صوت او حراره لانها صارت عند. واحد من الشباب اهم شي ان مشكلتك بالشكمان شف واحد خبير يعرف سالفه الماده الي داخله وان شا الله اكون اني افدتك.

[abuwafi99]

اهلا اخوي حقين الشكامين يقول الشكمان تمام خاصه ان السياره مديل قديم ولايوجد فيها فلتر من الرصاص وياليت لو تفيدني اكثر عن نوعيه سيارة خويك ومديلها ونوع المشكله وحلها كيف كان ولك الشكر والعرفان

[شعيب المسمى]

والله نفس المشكلة حرارة اسفل الدواسات وانتم بكرامه حتى زادت ووصلت لديكور القير

[abuwafi99]

للرفع للرفع

[محمد النيساني]

شوف الله يطول عمرك احتمال كبير عندك الدبه الكبيره الي تحت السواق منسده بحيث ما تمرر الهوا للخارج
اذا تبي تتاكد منها اذا سخن الشكمان المس بيدك على خفيف الشكمان من قبل الدبه وبعد الدبه اذا الحراره متساويه من الجهتين ما عندك مشكله
والاحتمال الثاني شيك على مجاري الهوا لا يكون مسدوده ابتدا من فلتر الهوا لان السياره يمكن مايجيها هوا كافي الاحتمالات واجد انت شيك ورد لنا

[abuwafi99]

اهلا فيك اخوى محمد امس بدلت الدبه الكبيره والصغيره ولاكن دون فائده المشكله احتمال تكون بالمكينه ولاكن من يعرف العطل المسبب لذلك ،،،،،،، ولك تحياتي

[abuwafi99]

للرفع ياكريم

[abuwafi99]

للرفع رفع الله مقداركم

[ashaleell]

قالك أحد الأعضاء الديلكو يبغاله وزن ومعروفه الديلكو إذا ما كان موزون يضعف العزم ويرفع الحرارة

[abuwafi99]

وين الشقرديه

[abuwafi99]

وين النشاما

[abuwafi99]

للرفع للرفع

[abuwafi99]

للرفع وين الشقرديه