يا الربع الطير مستنكر ؟؟؟؟

[ابن قرمله]

السلام عليكم
يا اخواني الطير مستنكرني بعد ما طلع من الربطه وش الحل في رايكم اشنذره ولا اقصر عليه في العلف

[محمد ابن سعود]

ارحب يابو تركي الطيور كلها من تطلع من الربطه لابد انها تستنكر الا ماندر وكثر من نقل الطير واقصر في علفه اما الشنذره ماانصحك فيها لان الجو حار ويمكن يموت الطير ويفيدونك اخواني الاعضاء ،،،،،،

[حشّار]

السلام عليكم
اخوي فيه أشياء المفروض ما يسأل عنها الصقار لانها ماره عليه كثير ويعرفها بالفطره انا شفت اسأله بالمنتدى غريبه جداً
ولكن عندي سؤال لك الحين طيرك كم لك مطلعه من المربط
اذا توّك مطلع الطير طبيعي جداً اقصر بالعلف على الطير وانقله ويرجع على طبعه اللي انت خابر
اما الشناذر لا انصح فيها الحين والطير صنيع
نزل الطير وبعدين شنذره
والله يوفقك

[القوبعي]

مع اخوي الي قبلي حشار في كلامه
لكن اخالفه في انك تضعف الطير وتشنذره
اقصر على طيرك وانقله لين يدهل وينقز وتدعيه
ثم ارفعه اصنعه شوي
ودق الشناذره في قلبه ��

[حشّار]

مع اخوي الي قبلي حشار في كلامه
لكن اخالفه في انك تضعف الطير وتشنذره
اقصر على طيرك وانقله لين يدهل وينقز وتدعيه
ثم ارفعه اصنعه شوي
ودق الشناذره في قلبه 😃

تسلم القوبعي ولكن انا اقول اقصر ماهو ضعف
يعني لايكون صنيع ولا هزيل حتى يكون مفعولها وتعطيك نتيجه

[نجم404]

الاخوان ماقصرو اما بالنسبةللشنذرة لاتستعجل عليها وعلى قولة المثل اخر العلاج الكي

[سنجااار]

الطير كان مافيه التهاب بالمعلف ولاقلاع شنذره ولاعليه الحين معطينا الله مكيفات وبرادات اللهم لك الحمد ع النعمه

الطير لا يكون ضعيف وولا صنيع يكون وزنت هدد

الحباري متحركه وكل يهد لاترحمه دايم

وتوكل على الله قبل كل شي ولايشنذره الا رجال خبير ×

موفق يالنشمي

[ابن قرمله]

جزاكم الله خير وبيض الله وجيهكم وجمل الله حالكم عزالله ما قصرتو