الطير ما يشرب الماء

[صقار الهدادي]

السلام عليكم

عندي جير شاهين توني مطلعه من المربط ولا يشرب الما مع اني اخليه مفرع وقت طويل بس بالليل ابرقعه ...
صار لي كم يوم وانا اشربه عن طريق (مرش الما )أو(رشاش الما) أما بنفسه ماهو راضي يشرب .. شوفولنا حل الله لا يهينكم

[نجم404]

مشكلة غريبة والاخوان مايقصرون

[ريف المسايير]

طيب وين المشكله مهو بلازم يشرب الما انت قلت جير الله يسلمك مهو بوحش شاهين...وتراه يحن عمره اكثر منك ولو. انه عطشان كان شرب...ماعليك من الما واذا في خاطرك تسقيه افتح ثمه وبخ في ثمه ودير بالك ترشه بقوه

[صقار الهدادي]

طيب وين المشكله مهو بلازم يشرب الما انت قلت جير الله يسلمك مهو بوحش شاهين...وتراه يحن عمره اكثر منك ولو. انه عطشان كان شرب...ماعليك من الما واذا في خاطرك تسقيه افتح ثمه وبخ في ثمه ودير بالك ترشه بقوه

يعني كم يتحمل بدون ماء يوم او يومين ؟
واذا رشيت الما بقوه وش يأثر ؟
وإذا جا شوي من الما على منسره هل يأثر عليه؟

المشكله احاتي الطير لا يجيه شي . كيف اعرف انه عطشان ؟

[عواد الشمري2]

رش على منسره من تحت بس لا يخش الما بمنخره

[صقار الهدادي]

رش على منسره من تحت بس لا يخش الما بمنخره

واذا جاه شوي في منخره .(لازم شوي يجيه . ما يسلم منخره)

وهل يصير ارش له بقوه ؟ واذا كان يضر وش الضرر الي يضره

[ابرق الحرار]

ماشالله على ها المعلومات المفيدة