طبق للفتك

[google-999-]

السلام عليكم ورحمة الله وبركاته ,,
آخواني ابي استشيركم في الطبق للباترول
وش رايكم في الطبق الي عند السنيدي او الجاهز الموجود في محلات العددد ,
وانا ودي افصل لآني ابي افصل شي معلق وفيه مكان للثلاجه لكن رحت للكشاته وقالي بعد العيد وانا ودي به الحين العده منتثره في الجيب وابي ارتبها
بشوف كان فيه غيره يفصل وشغله نظيف تعلمونا عنه وجزاكم الله خير
الله اكبر الله اكبر ولله الحمد الله اكبر الله اكبر لا اله الا الله ..

[حيهلا]

الله يوفقنا وأياك أنا فصلت كبق معلق بالرس قبل أسبوع وممتاز كلف 250 ريال بس ماتحصل تفصيل الابعدالعيد
والمعلق افضل من ابورجلين حق السنيدي يضيق عليك مجربه أنا وعندي صور المعلق أغدين ارفعهن لك غدآ أن شاء الله

[google-999-]

حيهلا بيض الله وجهك ولاهنت ياليت رقم الورشه يابعدي وحنا بانتظار الصور

[حيهلا]

http://im27.gulfup.com/NntR1.jpg (http://www.gulfup.com/?p7GbJa)
http://im27.gulfup.com/Sf163.jpg (http://www.gulfup.com/?pigApZ)
http://im27.gulfup.com/B22k4.jpg (http://www.gulfup.com/?tBuvhK)

[حيهلا]

http://im27.gulfup.com/B22k4.jpg (http://www.gulfup.com/?tBuvhK)
http://im27.gulfup.com/Q1TA5.jpg (http://www.gulfup.com/?CB70cl)
http://im27.gulfup.com/Kxg26.jpg (http://www.gulfup.com/?3fDS92)

[حيهلا]

http://im27.gulfup.com/AGML8.jpg (http://www.gulfup.com/?kKjWdj)
http://im19.gulfup.com/W4WQ1.jpg (http://www.gulfup.com/?wAQ4eU)

[حيهلا]

السلام عليكم ورحمة الله وبركاته هذا صور الطبق بس أنا طلبت منه يفصل لي طبق وبعدين قال تعال بعد أسبوع وجيت لمه بعد أسبوع وجلس يركبه وياخذ المقاسات زمن التركيب ثلاث ساعات..وفيه ملاحضة قال لي رقب خشب أندنوسي 18 مم هذا زين الي سطحة عليه طبقة سوداء قال لي الخشب عند المنجرة الي بجنبي ورحت للمنجرة وقال الخشب يكلف 250ريال نهائي وتركته وهجيت من عنده هجة بعير من ذياب عوني ..وركبته بعنيزة نفس الخشب ب120ريال وسالمتكم وأسف ع الاطالة

[PATHFINDER 4]

هلا اخوي موتري باثفندر 2005 والطبق اللي اخذته قبل شهرين من السنيدي وسعره 260
يركب للباثفندر ويركب للفتك ومتاكد من هالمعلومة 100%

الطبق مشكلته في الرجول صدقني بتتعبك في التحميل والتنزيل وبتضيق عليك كثير
الحل اللي سويته فكيت رجل وحده وارتحت في تحميل وتنزيل الاغراض كثيييير
وهذي رسمة تقريبية للوضع اذا فتحت الشنطه (قبل وبعد)

قبل

...I.....I...

وبعد

.........I...


وترا فكها مايحتاج قص وتلحيم بس فرّ الرجل وتطلع معك

وبخصوص الجاهز مايجي مكان للثلاجة مالك الا تفصل
اذا تبي شوري اشتر طبق السنيدي ومش فيه امورك في هالاجازة ووالله مب حسوفه واذا تبي مكان للثلاجة فصل عليه ولا راح يكلفك كثير ابد ابد

(وترا خامته ممتازه خصوصا الرجول ترفيعها وتنزيلها فرّ مب مسمار برق الحيا ولازم تشيل العفش)

طبق السنيدي افضل من برق الحيا بكثير وارخص

والله يوفقك ويكتب لك مافيه الخير يابوي

[V.T.C]

يا راعي الفتك منوين فصلت هالطبق انا معي لاندكروزر وابي مثله

[هارون97]

رقم الورشة والوصف لو تكرمت

[google-999-]

آخوي حيهلا بيض الله وجهك ماقصررت والله يجزاك خير , ياليت ترسل لي رقم الورشه
آخوي باثفندر , وش وضع الطبق بالبطانيج وفي النفود ثابت ولا يتحرك .؟
وجزاكم الله الف خير

[حيهلا]

حي الله الجميع الورشة بصناعية الرس بس ماعرف وصفة زين وهذارقم المعلم أسمه بشير وهوقديم يشتغل بالتوانك والطبوق وشفت عنده توانك المنيوم ومعدن حديد وستيل هذا الرقم بعد أذن الادارة 0509495411

[حيهلا]

بس نصيحتي لاحد يركب خشب من المحلات الي حولهم رحت لنجارعادي وطاح أكثر من ستين أوسبعين بالمية من قيمة الخشب وبعدين تلبس الجميع ع حسب الرغبة والي يبي صورة خشب الطبق يعلمن أصورة وأرسل له الصور

[مهنا-715]

نصيحة لأخواني اللي يبي يركبون طبق من مجرب أي طبق له رجول سواً السنيدي أوا غيره لاتخسر فلوسك وآخرها ترميه للأسباب التالية :
1- طقطقه بالديكور وازعاج بالمسحيات
2- تتكسر الرجول وكل شوي رايح تلحمها
3- الرجول تضايقك عند تصفيف العفش وتحوسك تحت الطبق

أما بالنسبه للطبق المعلق قوه ومتانه مهما حطيت فوقه يتحمل والاطفال يتركون المراتب ويتكون فيه أنواع اللعب والوناسه
وأهم شي مافيه إزعاج لوتطرد وأنت مركبه مادريت وأعرف شباب من أخويانا مركبينه لهم أكثر من ثمان سنين ولا يشتكي من شي
العيب الوحيد والذي لايعتبر عيب السعر وهذا دليل على الجوده

ملخص السعر بعد تركيبي للطبق :
250 ريال حديد الطبق
25 ريال تلبيس للحديد عند حقين التنجيد
250 ريال خشب أندونيسي أسود
100 ريال تلبيس الخشب عند محلات الرحلات
المجموع :625 ريال ولاكن الطيب حقه فيه


أرجو أن تعم الفائدة ون تجربتي المتواضعة

[google-999-]

بارك الله فيك آخوي مهنا , وان شاء الله يستفيدون الاخوان من تجربتك

[فياض الشمال]

يا شباب يا ليت تضعون صور للطبق