علق دبل المفخره مايفصل وش الحل "هل مررتم بمثل هذا "

[قناص مزاجي]

السلام عليكم ورحمة الله وبركاته

علق دبل الجيب " مفخرة الارض " وش الحل الان المبه حق الدبل مضائه

قالو لنا افصل البطاريه مدة ساعه وجربنا ولازالت مضائه وقلنا نفصل البطارية مدة 24 ساعة ونفس الشي لم تنطفئ اللمبه

ماهو الحل هل مر عليكم هذا الشئ .

[قاهر البدن]

شف الفيوز يمكن منه

[ابوقاسم]

جرب ترجع ريوس بالسيارة يمكن يفصل

[sgl2002]

هل اللمبة بس اللي معلقه والا الدبل


اذا الدبل هو اللي ماعاد فصل فالله يعينك وهذي مشكلة معروفه باللاند الجديد اللي هي دينمو الدبل

دينمو الدبل عندك معلق والوكالة دايم تقول غيره وقيمته ب٢٥٠٠

لاتستعجل حاول تفصله من الفيش حق الدينمو تحت

[hilux2002]

اخي العزيز
سيارات الدفع الرباعي تحتاج لمسافة 16 تقريبا شغال الدبل بعدها مايعلق معك الدبل
عدم تشغيل الدبل او تركة يسبب تعليقات من واقع تجربة سيارتي سيكويا

اتمنى اني افدتك.

[Jeep 2005]

جرب .. كأنك بتشغل الدبل من جديد .. وافصله ان فصل

ولا جرب شغله من جديد وشغل الدبل الثقيل وامش فيه مسافه ثم افصله

الجيب الجديد دبله حساس

لا جيت تفصل الدبل لازم توقف تماماً

[قناص مزاجي]

مرحبا اخواني

السياره جديده ولم تتحرك كثير وممشى السياره 40 الف كيلو فقط

الدبل تم تشغيله في بايكة المنزل من دون تحريك السياره هذا اولا

2- تم فصل الدبل والم تنطفي اللمبة ثم قمت بارجاع السياره الى الخلف كي تنطفي وهذي هي الطريقه الصحيحة عند استخدام اي ديل ولم تنطفي .

3- تم فصل اصبع البطارية (+الموجب عن السيارة مدة ساعة ) وبعدها تم تركيب الموجب قلنا لعلها تتبرمج ولم تنطفي

4- قمنا بتحريك السياره داخل الحي والدبل شغال واللمبة شغاله ولم تنطفي

5- قمنا يعدها بفصل البطارية مدة 24 ساعة ولم تنطفي ايضاً

6- تم التشيك على الفيوزات وجميعها سليمة 100%

بعدها تم الاتصال بمن لهم خبره ومن يملكون المفخره بجميع انحاء المملكه وكل واحد يعطينا حل ولم يفلحو بالحل جميعهم



للعلم يا اخوان السياره عرفنا العله التي بها بس حبيت اشوف هل مر عليكم هذا العطل وكم تكلفة اصلاحه

[عاشق الشعبيات]

أعتقد المشكلة عندك في الدينمو

[sgl2002]

دينمو الدبل

[قصيمي.]

وعليكم السلام

المشكله هذي مرت علي انا وشخص علق علينا الدبل الثقيل ..

المشكله من دينمو الدبل .. مكانه تحت واضح لكن قبله صاجه لازم تفكها وبعدها تفك الدينمو ( له اربع مسامير بمفك مربع بس تسحب الغطاء حقه وراح تشوف ..
اذا كان الدبل الثقيل معلق تحصل حديده عريضه طالعه لقدام ماعليك الا تدفها بيدك وترجعها لورا كذا راح يفصل معاك الدبل الثقيل

عموما اذا ماعرفت له فيه ورشه اسمها العثمان في صناعية الرواف بمنطقه القصيم في بريده متخصص في ها المشاكل انا مره صلحت الدينمو عنده ب 300 ريال وصاحبي كان محترق الدينمو حقه ومايتصلح وغيره ب 2000 وشوي كذا

الدنمو له اتجاهين اللي من الجهه اللي فوق هذا للدبل الخفيف واللي تحت هذا يخص الدبل الثقيل

[4800VTC]

حدث معي نفس مشكلتك
بس انا مو ف البيت

كنت ف البر على مسافة 80كيلو:(
طبعا اللمبة طفت مع كثر المحاولات
ولكن الدبل باقي شغال:mad:
كنت عارف ان المشكلة ف الدينمو
ومشيت على السيارة الين وصلت المدينة الي انا فيها (السرعة60):no:
ورحت ل كهربائي ممتاز وفك الدينمو حصل وده من النحاسات متاكلة
و غيرها و صار الدبل تمام100%:good2:

اتمنى اني افدتك ب الي حصل معي

[محب الثويرات]

الحل سهل جدا
لا تفك الصاجة ولا تروح ورشة
الحل بنفس الغمارة
فك الفرار او الزر حق الدبل الثقيل
وانزعه واخرجه من القاعدة
تلقي قطعة مكسورة فرها وحركها
ابدا حرك يدوي بالابهام والسبابة
حتي يفصل الدبل
لانه كثر من السيارات الجديدة
ينكسر بالداخل وانت تحسبه مكسور
×

[الودعاني711]

محب الثويرات مع احترامي حل غير مقنع

انا شخصيا صارت معي في فكسار 2008 وصارت معي في جي اكس 2011
من ناحية الفكسار2008 تحط القير على وضع الــN والسويك مفتووح وتفصل البطاريه خلال ساعه او نص ساعه والمحاوله الثانيه بدون فصل البطاريه على وضح الN وتطفي السياره وتشغله
وصارت معي في الجي اكس 2011 ورحت لكهربائي وتم فك الدينمو ومكانه تحت واضح لكن قبله صاجه لازم تفكها وبعدها تفك الدينمو مثل ماتفضل اخوي ( قصيمي )له اربع مسامير بمفك مربع بس تسحب الغطاء حقه بعد ما يتم الفك تحصل تروس فيه شحم واكيد وصخه بتحصل فيها تراب يتم تنظيفه وتشحيمها
وركب وبإذن الله يضبط اتمنىى اني قدرت افيدك باللي قدرت عليه
واسف ع الاطاله

[بدوي جنوبي]

المشكله نعانى منها في الامريكي في الجموس والشفر
والان عندكم يا أصحاب الجيوب الله يعينكم
مشكلة دبل الدينمو أصلاحها مكلف

[المنيعي1]

حصل مع أثنين من الشباب
واحد معه 2008 قير عايدي وطلع الدينموخربان وغيرة وكالة بـ 2500
والثاني على 2009 قيرتماتيك 6سلندر وطلع أصلاح دينمو وصلحه بـ 500 ريال

[صدى الاطلال]

طيب وين الحل الله لايهينك
لازلنا منتظرينك

[ابو ســــاره]

الديمنوم الي يحرك الدبل صيني ورديء جداُ سبق وحصلت معي وكنت مسافر وتبهذلت .
عبارة عن نحاسات مثل المشط ثلاث سنن تلتف داخل علبة يحركها دينمو صغير ويدفع بذلك الهلال ليحرك الترس.

الشكلة :تحدث من احد رؤس هاذه النحاست ينعطب ومن ثم لا يتوصل الكهرب فيتوقف الهلا في مكانة .

الحل : في حال انه توقف او علق عليك الدبل الخفيف تفتح الجهة اليمنى من الدينو واذا كان الثقيل افتح الجهة اليسرى لان كل وظعية لها غرفة مستقلة .

وتقوم بدفع الماصوة السننة الي الداخل حتى تحرر الهلال .

هذا هو الدينمو المحرك لتروس الدبل الخفيف والثقيل وان صح التعبير فالسيارة دفع رباعي مستمر والمقصود بالخفيف هو تغيير في الية التروس بحيث يتحول جزء من جهد المحرك من الخلف الي الامام لذلك اكبر مشكلة واجهتها بالمشي على الاسفلت بهاذه الوضعية عند الدوران بالسياة تلاحض جهد في الكفرات الخلفية والكفرات الامامية كانها تدور الي الخلف تفاحط مع اهتزاز شديد بالسيارة بشكل كامل

http://www.mekshat.com/vb/../pix/upload05/images222/mk5592_2.jpg

هنا صورة تبين انه من المكن التحكم بالدبل الخفيف والثقيل بعد ازالة الدينمو بشكل كامل وسهل جدا ازالته مجرد اربعة مسامير 14 ومسامير سغيرة بمفك مثله لتفكيك ازاء الدينمو حتى يظهر بهاذا الشكل
وعند العصا العلوية الي الداخل تحرر الدبل الخفي ومن ثم الثقيل عند تحريره الي المام يتحرر
http://www.mekshat.com/vb/../pix/upload05/images222/mk5592_3.jpg


للموضوع بقية انضروني قريبا


http://www.mekshat.com/vb/../pix/upload05/images222/mk5592_3.jpg


هنا يتبين الية عمل تروس الدبل من خلا ل دفع الهلالات التي تحرك الترس ولو تلاحضون فيه مسمار يربط الهلال بالماصورة الي تحرك الهلال هذا هو البلا الكبير لازم ينفك هذا المسمار وعشان كذا فكو الدبل

http://www.mekshat.com/vb/../pix/upload05/images222/mk5592_4.jpg

http://www.mekshat.com/vb/../pix/upload05/images222/mk5592_11.jpg

http://www.mekshat.com/vb/../pix/upload05/images222/mk5592_22.jpg
http://www.mekshat.com/vb/../pix/upload05/images222/mk5592_33.jpg
هنا يتضح الدينمو وهو مفكوك ويتبين انه على شكل غرفتين يمين ويسار وفي الوسط فاصل لكل غرفة دينمو صغير يحرك الماصورة الي الامام والخلف
http://www.mekshat.com/vb/../pix/upload05/images222/mk5592_6.jpg


http://www.mekshat.com/vb/../pix/upload05/images222/mk5592_6.jpg

http://www.mekshat.com/vb/../pix/upload05/images222/mk5592_9.jpg http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=7011314)

[ابو ســــاره]

حدث معي نفس مشكلتك
بس انا مو ف البيت

كنت ف البر على مسافة 80كيلو:(
طبعا اللمبة طفت مع كثر المحاولات
ولكن الدبل باقي شغال:mad:
كنت عارف ان المشكلة ف الدينمو
ومشيت على السيارة الين وصلت المدينة الي انا فيها (السرعة60):no:
ورحت ل كهربائي ممتاز وفك الدينمو حصل وده من النحاسات متاكلة
و غيرها و صار الدبل تمام100%:good2:

اتمنى اني افدتك ب الي حصل معي

ماشالله عليك
توفقت بكهربائي فنان .
انا رحت الوكالة وقالو لي يبي يغيرون الدنمو كامل وما ذكرو لي ان النحاسات تباع لحالها وطلعته وغيرت الدنمو في ورشة .

ممكن تدلني عليه لان المشكلة رجعت واحتاج كهربائي يغير النحاسات بس .

[الصخرة]

وش صار وين الحل بارك الله فيكم

[صدى الاطلال]

مرحبا اخواني

السياره جديده ولم تتحرك كثير وممشى السياره 40 الف كيلو فقط

الدبل تم تشغيله في بايكة المنزل من دون تحريك السياره هذا اولا

2- تم فصل الدبل والم تنطفي اللمبة ثم قمت بارجاع السياره الى الخلف كي تنطفي وهذي هي الطريقه الصحيحة عند استخدام اي ديل ولم تنطفي .

3- تم فصل اصبع البطارية (+الموجب عن السيارة مدة ساعة ) وبعدها تم تركيب الموجب قلنا لعلها تتبرمج ولم تنطفي

4- قمنا بتحريك السياره داخل الحي والدبل شغال واللمبة شغاله ولم تنطفي

5- قمنا يعدها بفصل البطارية مدة 24 ساعة ولم تنطفي ايضاً

6- تم التشيك على الفيوزات وجميعها سليمة 100%

بعدها تم الاتصال بمن لهم خبره ومن يملكون المفخره بجميع انحاء المملكه وكل واحد يعطينا حل ولم يفلحو بالحل جميعهم



للعلم يا اخوان السياره عرفنا العله التي بها بس حبيت اشوف هل مر عليكم هذا العطل وكم تكلفة اصلاحه







اسعفنا بالحل لاهنت؟

[رحال الجنوب 7]

والله حرام والمشكله سعره الغالي جدا وانا اقول ليش مرتفعه اسعار ٢٠٠٧ وتحت لان بعضها لايطلب الا قطع استهلاكيه ويكد الليل والنهار ولكن السؤال ليش ياصاحب الموضوع ماتوديه الوكاله على الضمان والعن خيرهم

[قناص مزاجي]

هلا اخوانا الاعزاء

وشكرا لمن ارسل رساله على الخاص

اذا علق الدبل عليك فيه حل مؤقت

وهو فصل اصبع البطاريه لمدة 24 ساعه اذا لم تنفع معك

هو تغير قطع في الدبل كهربائيه تكلف تقريبا 2000 -- 2500

هذا ما فعلناه

[عبدالله العقل]

يوجدورشة الرياض