لاهل الخبره

[عقاب الحوم]

السلام عليكم ورحمة الله وبركاته

وش الدبره في الطير اللي ياكل كفوفه ؟؟؟؟؟؟؟؟

[الشامخ عرعر]

عقاب الحوم ياكل كفوفه اذا وحش طبيعي يبي يفك الاسبوق بس انتبهله واذا جرح نفسه در بالك عليه لاتهاون فيه نصيحه في علاجات دهوون للجروح بس منت موضح ياكل من كفوفه!!! اكل والا يعض ساقه

[عقاب الحوم]

يعض كفه لين ادمى عالفه تقول وده يقطعه

[.راعي الطير]

وعليكم السلام ورحمة الله وبركاته اخوي عقاب الحوم فيه في المحلات يبيعون برقع يغطي منسر الطير وان شاءالله يفيدك
اخوك/ راعي الطير

[حشّار]

صباح الخير
اخوي مثل ماقال راع الطير وان ماحصلت انت تقدر تسوي خذ البرقع وخط عليه جلده او لزقها على فتحة المنسر بالبرقع ولا تهاون فيه تراه يبي يضر نفسه

[عواد الشمري2]

متى صارت السالفه بطير ...؟ وكم له عندك اذا هي جديده هسالفه تفقد كف الطير او بين مخالبه فيه شي

[عقاب الحوم]

الله لا يهينكم على المرور
جبت له البرقع اللي يغطي المنسر بس المشكله من يوم تفرع بالطير رجع على كفه والطير عاده وحش
السوال هل هذا طبع والا فيه مشكله في كفه

[أحمد الشمري1]

هي شيهانه وحش؟؟؟

يبيلك تبرقعه بالبرقع اللي يغطي المنسر.. وابدى دهل الطير ولا تخليه كذا لأن الطير راح يعيب نفسة .

تقبل تحياتي.

[حشّار]

لا هاذا ماهو طبع بس انت متأكد ان الطير وحش
ترا الوحش مايسويها
ماياكل كفه الا التفريخ

[صيت النشاما]

تاكد لايكون في كف الطير شوكه اوشي متعبه....

[ريف المسايير]

تاكد انه ماحوله نمل يدبي ع اكفووفه الوحش ماياكل الاوهو مبرقع اما اذا الطير ياكل اكفوفه وهو مفرع الطير فيه بلا..