الطير مايجوف

[بوعبودالتميمي]

السلام عليكم
ياجماعه الخير عندي حر شلته من المقيض ودعيته اسبوعين وكان مافي شي وفجأه الطير تعب وصار مايجوف ادعيه من مسافه 100 متر مايشوف ولا يجي الدعو واذا قربت له جا بس طيار ضعيف وديته وفحصت الطير قالوا فيه نقصه فتامين a وفتمين بي 1 وقالي الكتور عطه زيت كبد الحوت وعطاني كورس ابر

بس الطير صار له اربع ايام من العلاج ولحين مافي نتيجة

حد يقدر يفيدني في شي

[عابر الموج]

اخوي استمر على العلاج وباذن من الله رايح يتعافى لكن من فوق خمسة عشر يوم تشوف الطير يتغير اربعة ايام غير كافيه والفتامين مايضر استمر بس تأكد بان الفتامين أ وياليت تعطيه كبود دجاج لاحتوائه على الفتامين المذكور تقبل تحياتي

[سنجااار]

عابر الموج افادك

الله يبيض وجه استمر بالعلاج

[عواد الشمري2]

مع الفتمين الي عطوك خل علف الطير جراذي وجرابيع وان شاء الله يتعفا الطير وتزين اموره

[راكان1000]

اذا الطير ما يشوف يمكن فيه تسمم حاد فى الدم افحص على دم الطير يمكن من حمامه او من صيد مرمى بندق الحق طير ك قبل يروح والدم يبين لك كل شى ويتشافى ان شاء الله

[راكان1000]

وهذى حصلت معى فى حر قرناس هوى فجأه ما يشوف وحصلت فيه تسمم فى الدم والفحص الدم انواع فيه التهاب الدم وفحص الرصاص فى الدم عندنا فى قطر اما اذا انت من السعوديه يمكن تحصله فى مستشفى الامير فهد سلطان