قزاز الاكسبديشن ما يمشي مع الرطوبة .. وش الحل ..

[عود رمث]

السلام عليكم
سبق أني طرحت الموضوع وأرشدني أحد الخبراء إلى تشحيم المجرى الحديد ... شحمته لكن المشكلة مازالت ..

القصة وما فيها .. قزاز أبواب قدام - السائق والراكب - إذا كان الجو رطب يصير تسكير القزازة صعب .. ثقيل جدا .. تمشي بالبطيء .. أما الفتح عادي مافيه مشكلة .

أما إذا جاهن المطر أو غسلت السيارة وفتحتهن .. ما يتسكرن إلا بمساعدة باليد .. يعني لازم أرفع القزازة بيدي والزر باليد الثانية ..

من مرت عليه المشكلة ؟؟ أو عنده حل .. او يتوقع حل :)

وسلامتكم

[hsdt]

هلا ابو عبدالرحمن المشكلة من
الكهرب ضعيف اللي يصل الي دينمو القزاز وهذا الاقرب
او نفس الدينمو ضعيف يبي تنظيف وفحمات
واذكر بعض الكهربائيين يصلحون الدينمو بدل ما تشتري جديد وغالي او من التشليح مستهلك

خبرنا وش يصير عليك
موفق خير

[العابر2222]

هلابك اخوووي

اذا سيارتك عليها تغييمه شلها وجرب بعدها

الحركه هذي تصير من التغييمه دايم تمسك في الربله

[عود رمث]

هلا ابو عبدالرحمن المشكلة من
الكهرب ضعيف اللي يصل الي دينمو القزاز وهذا الاقرب
او نفس الدينمو ضعيف يبي تنظيف وفحمات
واذكر بعض الكهربائيين يصلحون الدينمو بدل ما تشتري جديد وغالي او من التشليح مستهلك

خبرنا وش يصير عليك
موفق خير

يا هلا بك ..

قد يكون صحيح .. خاصة إني إذا طفيت السيارة تكون حركتهن أثقل ..

لكن وش دخل الرطوبة بالموضوع إذا كان من الكهرب ؟؟

مشكور ورايك في عين الاعتبار .. وسأجعل تغيير الدينمو آخر الحلول ..

[hsdt]

يا هلا بك ..

قد يكون صحيح .. خاصة إني إذا طفيت السيارة تكون حركتهن أثقل ..

لكن وش دخل الرطوبة بالموضوع إذا كان من الكهرب ؟؟

مشكور ورايك في عين الاعتبار .. وسأجعل تغيير الدينمو آخر الحلول ..

قد قد يكون التصاق الزجاج بالربل مع الرطوبة اقوى اتوقع
لك رسالة على الخاص
موفق خير

[عود رمث]

هلابك اخوووي

اذا سيارتك عليها تغييمه شلها وجرب بعدها

الحركه هذي تصير من التغييمه دايم تمسك في الربله


السلام عليكم

نعم القزاز عليه تغييمة ( تظليلة ) لكن نفس السؤال ليش المشكلة مع الرطوبة والماء ؟؟

خاصة إن التغييمة بالوجه الداخلي من القزاز والماء يجي على الوجه الخارجي ؟؟

وللمعلومية التظليلة لها ست سنوات .. والمشكلة صارت عندي من العام الماضي .. يعني تقريبا سنة واحدة ..

ولا مشكلة من التجربة سأحاول إزالتها وأنظر النتيجة ..

الله يوفقك للخير

[العابر2222]

انا اتوقع وبنسبه كبيره من التضليله

لان كلها تجاريه وفتره وتخرب وتحترق من الشمس

بعض التغييمات سيئه جدا من اول ما تركبها ما يتحرك القزاز يجمد حتى بدون رطوبه

والرطوبه مالها دخل خارجي او داخلي اذا الجو رطوبه راح يوصل لكل جزء في السياره

انا حصلت لي نفس السالفه في النيسان طالع من الرياض للشرقيه اول ما دخلت الشرقيه كان الجو فيه رطوبه

قزازة السايق معاد تتحرك وحقت الراكب وقفت على النص

شلة التغييمه ونظفت الدرايش وضبط

[ترنزام 1972]

اخوي خلي مجاري السيارة ناشفة ما يكون عليها رطوبة وروح اقرب بنشر وانفخ بالهواء مجاري القزاز حتى تتاكد انها نظيفة جدا اشتري بخاخ دبليو٤٠ معروف بخ المجرا من كل مكان حصلت معايا نفس المشكلة في الجمس وانحلت مع الوقت والاجواء جلود القزاز عبارة عن قماش مضغوط يقوم بتجميع الاتربة و الاوساخ لازم ينظف بأستمرار مع مراعاة انة ممكن يكون ماطور الزجاج تعبان

[الورشاني]

غير علبة التحكم ازرار القزاز لان الي جاي لاسفل مكربن ولازم جديد