تعديل مقطورة ... همتكم :)

[سلفستر001]

السلام عليكم ورحمة الله وبركاته ...

أسعد الله ايامكم بكل خير ...

اخواني انا عندي مقطورة عادية مثل اللي بالاسفل ولكن بدون غطاء ( اعتذر من صاحب المقطورة على استخدامها للشرح )
http://www.mekshat.com/pix/upload/images47/mk48353_img_4134.jpg

طبعا ارغب بالتعديل عليها كالآتي :

إضافة تانكي ماء بنصف المقطورة .
اضافة مكان للخيمة و معداتها بالنصف الاخر .
بجانب المقطورة اضافة عمود متحرك ( للسلخ )
في اسفل المقطورة اضافة تانكي بنزين ( للماطور )
كم هو السعر المتخيل لهذا التعديل ....
كما ارحب بآرائكم ومقترحاتكم حول ذلك ....


أعذب التحايا لكم ..

[mohannadAs]

و عليكم السلام و رحمة الله و بركاته
حبيت بس أوضح شغلة مهمة دامك ناوي على تعديل المقطورة اللي عندك
اول شي اكمل جميع المعلومات عشان الفايدة تكون قابلة للتطبيق مثال حجم خزان الماي و الوقود و صورة فعلية للمقطورة مع أبعادها اللي عندك عشان الاخوان يقدرو يفيدوك على المقطورة نفسها و اهم شي السلامة
نصيحتي لك اي اوزان ثقيلة خليها بالاسفل مع مراعاة تصفيح اسفل المقطورة مثل الخزانات اذا كانت كبيرة سواء ماي او وقود عشان مركز ثقل المقطورة يكون اقرب للارض فيعطيك ثبات عند اللفات و المناورة او بجانب المقطورة اذا كانت جراكل لتوفير مساحات تخزين و انتبه ان خلوص المقطورة يكون مساوي او اكبر من خلوص السيارة اللي تجر ( الخلوص = ارتفاع السيارة او المقطورة عن الارض ) اذا استخدامها للبر
نقطة مهمة الناس تعتقد انها شكل جمالي بس هي لها فايدة عظيمة ان جنوط و كفرات المقطورة تكون نفس موديل السيارة بالضبط فيصبح عندك 3 ستيبنات على اقل تقدير واحد بالسيارة و اثنين اللي راكبين عالمقطورة في حالات انسلاخ كفر السيارة و الطوارئ
انتبه ان المقطورة انواع حسب استعمالك في مقطورة للديرة و السفر بدون دخول بر و في مقطورة تدخل بر و اعتقد هذا اللي تبيه و اسمحلي احطلك صور لافكار ممكن تفيدك


لاحظ جراكل الماي او الوقود عالجسم الخارجي للمقطورة

http://i51.photobucket.com/albums/f374/nicwillman/Moab%205-26-08/DSC04640.jpg


لاحظ الاضاءة للريويس و الفرامل و عجلات نفس عجلات السيارة اللي تجر و ارتفاع ممتاز عن الارض

http://expeditionportal.com/mscott/Users/mattscott/september/trailerfeature/attrailer11.jpg


صور لمقطورة مجهزة

http://www.ajeepthing.com/images/offroadtrailer.gif

http://www.ajeepthing.com/images/fulltrailer.jpg

كفرات و جنوط مقطورة من نفس النوع
http://www.wildyoats.com/images/trailer/trailer%20050.jpg

و هذا فيديو قد يفيدك عن المقطورة و تجهيزها و اتذكر ان الموضوع حاجة
اللي لك حاجة فيه سويه و اللي مالك حاجة فيه ما تبي مصاريفه انا مثلا كشتاتي بالشتا ما احتاج ثلاجة لا اجيبها و لا اسويلها حساب مكان و هكذا
انمنى اكون افدتك و سامحني على القصور
بس اطلبك طلب لو تصور تجهيزك و تحطه في مكشات عشان الجميع يستفيد و بنفس الوقت نولد شعور عند الاعضاء ان اي موضوع سهل اذا اندرس و طبق صح
اسف عالاطالة الله يهنيك فيها مقدما

dee-w_l8nKI

[بدوي جنوبي]

بالنسبه للتوانك أهم شيئ تكون موزعه على حوض المقطوره بصورة صحيحه
عشان توزان المقطوره
مثل تانكى الماء مثل ما ذكرت يكون في الوسط ،، او يكون التانكي على الحوض كامل على أساس التوازن
هذا اللى حبيت انبه عليه
بالتوفيق

[الأحوذ]

وفقك الله ، عمل رائع ، و لو تجهزها بكشافات للجلسه مع تمديد كهرب و بطارية يكون ممتاز ، و حاول ان الغطاء يكون عليه شبك تستفيد من التحميل عليه مثل الحطب و غيره...

[سلفستر001]

الله يعطيكم العافية ... :)

مقترحاتكم انارة فكرتي ، وتم اخذها بعين الاعتبار ...

بإذن الله سأوافيكم فور الابتداء بالعمل ...

[مهاجر للشمال]

السلام عليكم
انا عندي مقطوره سويت عليها التعديلات التالية
1-اضفت تانكي ماء وسط المقطورة(خزان الوطني) وثبته بحدايد لجل يتماسك وخليته بوسط المقطوره
2- صناديق جانبية لجل احط فيها اغراضي او العدة صندوقين واحد يمين وواحد يسار
3- شبك امامي(في المثلث اللي قدام)
4-قاعدة لدبة الغاز
5-تسليك للماء وبزبوزين واحد يمين وواحد يسار
6-دبلت العوارض اللي تحت المقطورة لجل تتحمل الوزن
7-اربع قواعد على جنب المقطوره (لجل اضع فيها عمود الكهرب او عمود حق الصلخ)
8-صبغ كل ماذكرته سابقا بنفس لون المقطوره

كلفتني 1700 ريال عند ورشة الفراج
وشغلهم زين و راعي الورشة شاب سعودي يشتغل مع العمال ورجال ناصح ومتفهم ومايقصر، بس عيبهم انهم مزحومين بشكل كبير جدا، انا جبت لهم المقطوره في بداية رمضان ما قدروا يشتغلون فيها الا بداية شهر 10 وستلمتها نهاية شهر 10.

http://www.alfarraj-ws.com/