وش الحل يالربع

[صقار مبتدى]

السلام عليكم ورحمه الله وبركاته
يالريع اليوم وانا فالسياره الطير قام يكفخ وهي مهيب عاددته وانكسرت وحده من ريش الذنيبات ولا ادري اخليها ماتضره ولا اوديه للعويدي يوسرها ارجو انكم تفيدوني
انا ودي انزل صوره للريشه عشان تشوفونها وتتاكدون هي كسره كايده ولا ماتضره
الي عنده واتساب يحط رقمه وانا ارسلها له

[برق المغيب]

هلا يالصقار حاول انك توسرها لا يتكسر ريش الذنيبا الباقية وبعدين ما ذكرت الطير مبرقع والا مفرع اذا مبرقع يمكن احتر الطير وزهق وقام يكافخ هاذي معروفة في الشياهين اذا حست بالحرارة واذا الطير مفرع أكيد شاف له شئ وطلبه ،،،، والاخوان بيعطونك ما عندهم جزاهم الله خير

[الامل بالله]

الله يحفظه لك و يبارك لك

[صقار الأسياح]

اخوي اذا الطير ماهي عاده له المكافخه اما شايف شي او صنيع وبالنسبه للريشه ماراح تضر بالطيار بس ممكن تسهل ان الريشه اللي تحتها تنسكر

[Mr_6r]

مرحبا اخوي ..
كما افادوك الربع يفضل انك توسر الريشه حتى ماتكسر الي جنبها وتضر بطيرك