ماهي افضل ثلاجه حالياً؟

[مشوت الذيب]

اليوم الثلاثاء 1433/12/7

اتصلت قبل اسبوع على خبير الثلاجات بالقصيم ابو راكان
واغلب اهل الثلاجات يعرفون ذاك الرجال لانه رجال حبيب
ونصوح وصادق في تعامله وفاهم في ثلاجات السيارات
وسألته عن افضل الثلاجات حالياً لاني كنت ناوي اشتريلي
ثلاجه فقال :
اذا تبي مقاس 40 لتر خذ الطمره ام فرار وسعرها بحدود
3500تقريباً
قلت ابي حدود50 لتر او 60 لتر
قال خذ ثلاجة الرميح اللي لونها بيج كمبرسر الماني
والخارجي تايوان لكن سمكه تقريباً 5سم
بينما الطمره تقريباً3سم بمعنا ثلاجة الرميح تحتفض بالبروده اكثر
واتصلت على الرميح قال موجوده 50 لتر ب3000 وضمان سنه
وفعلاً اخذتها وجربتها جداً ممتازه وتبرد بسرعه وداخلها ستيل
حتى سحبها للكهرب ممتاز
اول ماتشتغل تسحب من 40 الى 45 واط
وبعد ماتبرد ينخفض السحب الى 35 واط

وللامانه سألته عن اغلب الثلاجات المشهورات(بدون ذكر اسماء)
قالي لا تتعدا ثلاجة الرميح

هذا ماحصل لي والله على ما اقول شهيد ولا يضن احد اني اسوي دعايه
او اعيب بعض السلع اللي في السوق ، لا والله
لكن اللي خلاني اكتب هالموضوع انه فيه ناس مثلي
يبغون يشترون ثلاجه ومحتارين فقلت لعلي افزع لهالناس المحتاره

والسلام عليكم ورحمة الله وبركاته

[aziz66]

الحقيقة يوجد مبالغة في الأسعار بصورة خيالية!!!!

3500 ريال تشتري فيها ثلاجة منزلية من الحجم الكبير لك وللزمن

[الحيا]

الحقيقة يوجد مبالغة في الأسعار بصورة خيالية!!!!

3500 ريال تشتري فيها ثلاجة منزلية من الحجم الكبير لك وللزمن
:good2::good2::good::good::good2::good2:

[مشوت الذيب]

اخوي عزيز واخوي الحيا

كلامكم عين الصواب
مع انه فيه منافسه من كذا شركه ومن كذا وكيل
وقس عليها اجهزة الملاحه القارمن ٢٧٦ وصل سعره فوق ٤٠٠٠ ريال!!!!!

اشكركم ع مروركم

[تميم2222]

تبي الصراحه .. تستاهل وانا اشوف اللي بالغو فيها الطمره .ز

[مشوت الذيب]

فعلاً الطمره وصلوا سعرها الى السماء
لكن ماكان فيه غيرها
اما الآن ففيه لها منافس

وعموماً مثل ماقالو الاخوان اسعار ثلاجات السياره
بصراحه مبالغ فيها جداً ومافيها ذاك التقنيه عشان توصل الى ماوصلت اليه

اخوي تميم اقدر لك مرورك وحياك

[علي بوعبدالله]

اخوي مشوت الذيب
وين مكان بيع ثلاجة الرميح في الرياض

[مشوت الذيب]

حياك الله علي بوعبدالله

عند محلات الرميح ولهم كم فرع بالرياض
ومركزهم الرأيسي بالملز
وممكن تبحث عن رقمهم بقوقل

تحياتي اخوي

[بريمي]

حاليا الويكو ما عليها كلام
واسمع جايه ثلاجة بريموس
كثرة وتنوع العرض من صالحنا كمستهلكين :good2:

[مشوت الذيب]

ثلاجة بريمس لنا شهرين وحنا ننتضرها
وما شفنا شي

والمشكله حتى مع تعدد الانواع ما زالت الاسعار من ٢٥٠٠ وطالع

[ALKKKK]

معلومة ثلاجة الرميح كان سعرها 2200

ونزل واحد من الشباب موضوع عنها وصار اقبال عليها بعد ما شاف الرميح

الناس مقبلين عليها قطعها فترة تقريبا شهرين

بعدين نزلها بسعر 3000

هذا ربط الموضوع لخونا عاشق الدهنا
http://www.mekshat.com/vb/showthread.php?t=435288

فما هو رايكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟?????????????????????? ?????????????????????

[عالي الكيف]

رفع الرميح لسعر ثلاجته غير مبرر ابدآ

يعني بعد اول تقرير يمدحها يرفع السعر من 2200 الى 3000 وش اللي رفع السعر يالرميح . . ؟

لا تغير شي بالثلاجه ولا مراكز خدمه تبرر الرفع.

اقول الله يوفق السنيدي اللي مافتح اثمه مثل غيره وهو اللي عنده اطيب ثلاجه (ويكو )

[مشوت الذيب]

فعلاً الفضل يعود لله ثم اخونا عاشق الدهنا هو اللي عرفنا بهالثلاجه
وزادنا اعجاب بالثلاجه عندما زكاها اخونا ابو راكان
لكن كان موضوع عاشق الدهنا قبل سنه تقريباً وحبيت اجدد التوصيه على هذي الثلاجه

وانا سألت احد الباعه اللي عند الرميح ليش رفعتو سعرها ؟
قال : انه الثلاجه زاد فيها مروحه وفلتر للمروحه
قلتله : المروحه والفلتر ماتجي بخمسين ريال وانتم زودتو 800 ريال
اسكت ولا رد علي

اخوي عالي الكيف
مع احترامي وتقديري لاخواننا في السنيدي آخذين حقهم وزياده اجل الويكو40لتر 3490؟
مافيه مجال انهم يرفعون السعر
ولو يجي من (الويكو )فرار 50 لتر او 60 لتر او 80لتر كان ماتاخذها بأقل من 4500ريال
يعني بعد ماصارت تجي اكترونيه قل الطلب عليها شوي ( في وجهت نضري)

عموماً الاختلاف في الرأي لا يفسد للود قضيه

سررت بمروركم جميعاً
جعلنا الله اخواناً على سرر متقابلين

[معانق]

السعر يقصم الظهر ..
أجل ثلاجة ب 3500 و 4000 !!!!!!!

أنا معي ثلاجة شاريها من أكثر من ثلاث سنوات .. عن طريق أحد الزملاء يستوردهن من الصين .. ب 1900 ريال 40 لتر ..
ولله الحمد تأدي على أفضل حال .. وعلى أعلى مستوى ..
ابحثوا عن البديل ياجماعة .. والله ان تشوف التجار بكرة يحبون راسك علشان تشري منهم بسعر التكلفة .. أو بخسارة بعد ..
وفق الله الجميع ..

[ابن عكاش]

انا عندي ثلاجة الأسكا 40 جابها لي احد اعضاء مكشات من الكوي ب1650 ريال تثليج زينه وقاضية لزومي عيبها ماتثلج بسرعه لكن عزلها ممتاز

[الهواوي 1]

ويكو لاتاخذ غيرها

[موسى الشنور]

افضل ثلاجة لسيارة تنصحوني بها وافضل مقاس

[procession]

جد الان كثر الاختيارات ولكن من صالح المستهلك ولله الحمد

[ناصح]

ويكو لاتاخذ غيرها

حاليا لا يوحد أي ثلاجة كمبروسر الماني فقد استحوذ على شركة دانفوس شركة صينية اسمها سيكوب
فأي ثلاجة سيارة �� كمبرسها سيكوب فهو مثل الدانفوس

أفضل الثلاجات هي التي تتبع الماركات العريقة ولها وكيل معتمد
مثل ثلاجة ARB

[مطر وسم]

الأفضل تشتري فريزر خربان اصغر مقاس أو ثلاجه صغيره اقل من متر يفضل يكون الجرم نظيف وتشيل عنها كل اغراضها الكمبرسر والاسلاك وباقي الحديد حقها وركب له مقابض لحملها وتطلع عندك افضل ثلاجه للثلج عزلها قوي يجلس الثلج ظ£ إلى ظ¤ أيام أحسن من ثلاجة السياره وتكلفتهم الغاليه ومشاكلهم الدائمه
مجرد رأي
انا مسويها ومرتاح