أعذروني على السؤال هل الكراوين تأكل من الجيف وتأكل الخنافس

[مكرم الضيف]

كما ورد بالعنوان وماهو ألطعام المفضل للكروان والحباري

[stewrd]

بالنسبه للكراوين تحب الخنافس والدود اللي على الجيف ولو ماهي طريده ممتعه للصقاره والله ما في واحد ياكلها

[مكرم الضيف]

أكلتها الكراوين لكن عفتها بعد ماسمعت عن وجباتها

[مكرم الضيف]

هل من الممكن تربيتها ونعطيها الطعام اللي نعرفه

[عواد الشمري2]

الكروان محد يصيده بس الناس يوم عرفت ان راعي الطير يدوره غلي عليهم وبنسبه للكله دود الولايش
والحبارا كذالك تاكل الديبان الصغار والخنافس ووووو

[مكرم الضيف]

أجل المفروض يتركونها لراعي الطير يهد عليها طيره ولا ياكلونهن مادام هاذي وجباتهن المفضلة

[llonely]

بدري تو الناس

[مكرم الضيف]

بدري تو الناس

هههههههههههه تلحقوا الباقي اذا فيه شي

[عزوز العصامي]

وذا اكلت الخنافس وش المشكله حتا الخروف البربري ياكل الخنافس وحنا ناكل منه الكباب واوصال اللحم والهمبرقر كله بربري مستورد

[بدر العتيبي2]

دجاجنا البلدي وش ياكل مثله مثل الكروان ينظف الارض

[اسلي نفسي]

تبون الصدق انا امسك الكراوين بالليل عشان اعلم طيوري واحيانا اعطي اخوياي الي يبون يعلمون
مالقا الكراوين الا على الجيف مثل الاغنام الميته البقر الحمير اعزكم الله اي كائن ميته ووالله ريحتها تلوع الكبد
بس انا استمتع بالهدد عليها اما اكلها تحرمني

[سلطان 1]

عاااادي الحبارا والكرواااان يااااكلن الدوووود
وبالعكس يزيد فيهن طعم عجيييييب وغريييب
لعااااااااد تدورونهااااا نصيحه انحااااااااشو.

[نواف الحارثي]

شوف اخوي الكروان يأكل زي ما قالوا الشباب لاكن اذا كان الارض الي فيها الكروان ربيع وعشب طبعا ما يأكل الجيف لانه شبعان من الخضرة الي في الارض لاكن اذا الديرة قحط وفي وقت الهجرة ما يمديه يتمتع بأكل الجيف ساع وصل من ديرة لان ديرة الي جداً منها نظيفة يعني ولا احلى اكله ونت مطمئن لاكن اذا طول في ديارنا مراح يلاقي عشب راح يدور البديل والبديل الجيف الميته اما بخصوص الحبارى زي الكروان احلى اكله عندها العقرب والخنافس والحباري قليله محد يركز على الي تأكله ما يصدقون يلاقونها وهي ألذ من الكروان لحم صيد وله طعم ( اذا تبي الكروان يظبط عليك بلمويه الحارة غسله مظبوط وكثر البزار والفلفل راح تشوف النتيجة : فسقة زائدة بتوفيق

[بدر العتيبي2]

وليه اكثر البزار وين الطعم ؟