*** المشوره يا أخوان الله يرضى عليكم في ساكتون هوائيه ***

[ريان2002]

السلام عليكم ورحمة الله وبركاته
أولا العذر من الله ثم منكم لأن هالموضوع فيه مثله كثير بهالقسم وقريت أغلبها وبسبب الحيره كتبته لكم راغب في مشورتكم الطيبه كما عهدناه عنكم
ثانيا أنا منقطع عن الرمايه بالساكتون الهواء فوق ال 20 سنه والحين ودي أرجع لها
أبغى سلمكم ساكتون للتسليه والرمايه على العلب والحجار ونحوها مقاس 4.5 وماراح أرمي فيها طير نهائياً وتكون تصيد على مسافات أكثر من 50 متر وماتطلب قطع غيار إلا بعد مده طويله
الفايروخ 80 والديانا الماغنوم 350 لا يعلي عليها والديانا أشوف موديل الخشب فيها أفضل وأنا رغبان فيها علشان هالشيء وخشب الفايروخ أحسه مصمت مافيه ديكور
فودي تشورون علي هل فيه ساكتون فايروخ أو ديانا تصيد شيء يبعد أكثر من ال 50 متر غير هالنوعين وكم سعره
لأن الوحده منها ب 1800 ريال وبأشتريها لو مافيه بديل أرخص
وسلامتكم جميعاً

[قناص الأشهب]

الديانا الماقنوم اقوى الموجود علاوة على جدودتها المقبولة
والفايروخ ال80 ممتازة وهي اقل قوة من الماقنوم
ونت تبي المشورة ونت ماتبي تصيد فيها اجل لاتخسر نفسك في المانيات وهي غالية
خذلك ياطويل العمر ماركة هاتسان التركية مقاس 135 تجي خشب وقويه جدا جدا
وذا اعتنيت بها بتخدم معك
وعندك الأسبانيات عندك قامو شادو 1000 قوية ويمدحونها
وعندك نورينكو موديل 90
هذا على طلبك قوية وغير غالية

[ريان2002]

بارك الله فيك أخي الكريم قناص الأشهب على ماذكرت وجعله في موازين حسناتك
وبصراحه مايهمني فيها غير شيئين
1 / ترمي وتصيب لمسافه أكثر من 50 متر
2 / تكون صبورة وماتطلب قطع غيار وهي باقي جديده وماتتعبني في وزنيتها بين فتره والثانيه
وأشكرك مره اخرى

[ذيبان 2000]

عندك اخوي الاسبانيات والاتركيات كلهم كويسات للي انت تبي وفيه سكتون هنتر 440 عندي منها وحده جداً كويسه وماتتعبك في

الوزن وخشبها شكله حلو وانيق ورخيصه

[مكشاتي 33]

اخووووووي
تبي وحدة زينه وصبورة
ناصحك ب 27 ديانا من القدام مناسبة لك من ناحية السعر

والله العظيم ان خال خالي مستعملها واستعملها خالي والحين معي والله انها طرب

لا وتلقاها مستعمله بحدود 300 الى 400

وان مالقيت عليك بالفايروخ مقاس 27 جديدة سعرها بــ1100
وتقبل مرووووري

[ريان2002]

أخي الكريم ذيبان 2000 بارك الله فيك على ماتفضلت به
أخي الكريم مهبول الصيد بارك الله فيك على النصيحه وأنا ودي بالجديد لأن القديم ماراح الأقي وحده خشبها أو بويتها شبه جديده
وبالنسبة للفايروخ 27 هل ممكن أصيد بها هدف على بعد أكثر من 50 متر ؟
لأني قرأت في أحد الموضوعات أن هذا الموديل مع الوقت تضعف فيه السسته

[مكشاتي 33]

27 فايروخ الجديدة كويسة وتعمر اذا حافظت عليها
وخربات السته تأتي من هالأشياء :-
1- رمي بدون صتمه
2- التعشيق السريع
3- استعمال صتم غير مناسب (غير اصلي)

[القناص110]

35ديانا او فايروخ قويه ووزنيتها نادر ما تغير الا اذا طاحت او اذا الرصاص مو اصلي

[ريان2002]

ماقصرتم بيض الله وجيهكم جميعاً وكل عام وانتم وجميع المسلمين بألف خير

[الشقردي 205]

الديانا الماقنوم ممتاااااازه تطربك بس عيبها بت زنادها بلاستك



والله يعوده علينا وعليكم بالصحه والعافيه