نبي.......خيمة.....ملكة.........جمال......ال

[خشم الحصان]

الاخوه الغالين
السلام عليكم
اخوتي واحبتي في الله لشك ان هذا المنتدي المبارك (ولانزكيه علي الله) نشاء صغيرآ ثم اصبح يزخ بكثير من
الخيام ولكن لو تاملانا كيف تم انشاء الخيام
لم يتم انشائها بسهوله كما يضن البعض لا
فانما تم انشائها بعد شق الانفس وبعد جهد جهيد من الكتاب الذينا افنو وقتهم وجهدهم ومالهم في البحث والكتابه
وتقديم المواضيع الينا ومع الوقت والمثابره والصبر تم انشاء خيمه بعد اخري
اي ان الخيام تريد اثبات الوجود
لكي يتم فتحها وليس مجرد تكرار وتكرار للمواضيع ومايصحبها من قص ولزق
اذا علي الذينا يطالبون فتح خيام ان يثبتو وجودهم الحقيقي بالمثابره والجد وايجاد المواضيع التي من اجلها يتم فتح
خيمه جديده
ياحبتي في الله لو القينا شوفه سريعه علي بعض المنتديات لوجدنا كثر الخيام ولكن بدون (روقات) اي مواضيع
واذا وجد رواق فانك تجده قد اخذ من منتدي (مكشات) في الغالب ومع ذلك لايشار اليه من انه تم نقل الموضوع
من منتدي مكشات
اذا الكثره للخيام ليس مقياس لثبات الوجود للمنتدي
هنالك بعض الاخوه غفر الله لي ولهم امين يطالبون بانشاء خيمه خاصه (لسلق)كرمكم الله
ولكن اذا شاهدنا مايكتب عنها نجدها (تكرار او قص ولزق) اذا لالالالالالالالالالالا جديد سواء
تغير اسم الكاتب ومر علي اي موقع وخذ لك كم صوره ولزقها في الموضوع
هكذا تريدون انشاء خيمه للسلق...... الله يكرمكم امين
ارجو ان تذهبو الي المواضيع في (خيمة الصيد البري وخيمة الحياة الفطريه) ستجدون المواضيع (سيم سيم)
الا اذا انتم تبون خيمه (((((لملكات جمال السلق)))))
فتلك مصيبه............
اخوكم
خشم الحصان
...................
نغزه......... لو كل من جي ونجر ماضل في الوادي شجر
دقشه......... موضوع موضوعين..........ثم نبي خيمه
صدمه.......بحثت وقلبت ولم اجد موضوع علمي ........... يامن تطالبون
لشطه......... هذي سلقتي نوع دفرنسين...... والثاني.......هذي من نوع مسحبه سست......ونهايه مجرد...صور
همسه........ خيمة الاثار مافتحت الا بعد جهد جهيد وتلتله وتقطيع ازره.......وانتم خن بط نبي خيمه..

[راع الكحيلة]

صح لسانك

واذا فتحوا خيمة للسلق أجل وش خلوا لخيمة الصيد البري ؟؟

إلا على طاري


وش رايك يا بو جراح لو يفتحون خيمة بإسم ((اقتراحات فتح الخيام)) .......... أمزح معك

[بركان]

لنفرض انه تمت الموافقة ويا بعدها!!!!
من سيقبل بالاشراف على هذه الخيمة؟؟؟
وماذا سيكون مسماه!!!!؟؟؟

احسنت يا ابا جراح في نغزاتك ولشطاتك وصدماتك.

[غالي]

جزاك الله الف خير اخوي خشم الحصان
والظاهر هناك منهم مهتمين بالسلق الله يكرمكم وكذلك بالجمال
واتوقع بامكانهم وضع الصور في طلعاتهم للبر او صيدهم وهي تصطاد ولا اتوقع فيه مانع في احد الخيام
خيمة الرحلات البرية او خيمة الصيد
هذا الي حبيت اشارك فيه رغم اني مبتدي في هالمنتدى وقليل الخبره
واترك الرأي لمن هم اقدم مني وذوي خبره
وادعوا للجميع بالتوفيق والسداد
ـــــــــــ
أخوكم/غالي^الأثمان :good:

[راعي ساموده]

اخوي الغالي خشم الحصان
السلام عليكم ورحمة الله وبركاته ..
سلق الصيد نوع من الحيوانات الغاليه في قلوب الكثير من عشاق الصيد وهم لايعاملونها او ينظرون اليها كما ننظر للكلب العادي ( الحراسه او الرعي ) اعزكم الله والملائكه .
لذلك لاتتستغرب منهم هذا الطلب وعودنا موقع مكشات على الرأي والرأي الاخر ويعمل بالرأي الأفضل والمرضي للشريحه الاكبر .


مغصه .. يوجد في المغرب بيت خاص يأفضل وأرقى سلالات السلق العربي .
فغصه .. كم يصل سعر السلوقي الاصيل ( ولد الحمايل ) ؟
رعصه .. هل يترك السلوقي اثر في الحيوان أو الطير اللي يعضه ؟؟
وتقبل اخي خشم الحصان فائق تحياتي

[خشم الحصان]

الاخوه الغالين

السلام عليكم
اخوتي واحبتي في الله حياكم الله كلن بسمه وياهلا كل الهلا بكم جميعآ
...................
الحبيب الغالي
راع الكحيله
هلا بك يابعدهم وشلونكم وشلون(الطوز) عندكم عسي منتاب متلطم من الحر عموم ياخيي خيمة الصيد البري وسيعه وتاسع الصيد بجميع انواعه حتي الصيد بالرجلين
اخي الحبيب انا لست ضد فتح الخيمه لصيد بالسلق كرمكم الله ولكن انا اقول اين المواضيع التي من اجلها تفتح خيمه
هذا هو مقصدي من الموضوع
مشكله (فتح خيمه الفتح الخيام) منهو المشرف مشرف فتح الخيام
اخوك
خشم الحصان
..........................
الاخ الحبيب
الغالي
بركان
هلا والله وشلونك يابعدهم عسك بخير مبطين الله يرفع قدرك علي طلاتك البهيه مدامك بخير ان شاء الله فهذي نعمه تبي شكر
بركان انت (ثورت) ولا توك
اهم شي المواضيع المميزه ولا الاشراف من بغاها يشرف عليها
عموم حياك ربي يابعدهم
اخوك
خشم الحصان
...........................
الاخ غالي
يالغالي طبعآ هنالك الكثير من الناس يحب ان تكون خيمه لشي هو يقتنيه او يربيه واذا سلمنا بهذه المقوله
كم خيمه يصبح لدينا وهل سنستفيد ممايطرح فيها لا
الان السلق كرمكم الله لا تجد موضوع تقف و تقراه سوا موضوع كتبه( محب البر) منذو مبطي
اما مايكتب الان فمجرد صور صور يعني سنه (بوم طوابع) لا جديد وهذي وجهة نظر قد اصيب وقد اخطي
والنقاش الهادي يوضح الصوره للجميع من فتح الخيمه
نعم خيمة الصيد البري مكان مناسب جدآ حتي الان اذا كان هذا هو اسلوب الطرح بنسبه للصيد بالسلق كرمكم الله
اخوك
خشم الحصان
....................
نغزه.......... غالي اشوفك من تالي تصغر عمرك ..............( لمن هم اقدم مني ) حلوه هذي
......................
الاخ الحبيب
ساموده
الله يرفع قدرك يابعدهم انا لست ضد السلق او الصيد به ولاكن انا اقول انه لا يوجد (((((((مواضيع))))))))
قيمه تستاهل من يفتح لها خيمه
نعم اخي الحبيب مكشات عودنا علي النقاش الجميل والري والراي المعاكس ومن خلاله المشرفين او من بيدهم
الفك والربط هم من يقرر في فتح خيمه او لا
الله يجزاك عنا كل خير علي المشاركه يابعدهم
اخوك
خشم الحصان
....................
مغصه............ اشرب سفن اب
فغصه.............. لاتفغص الشري .... وانت حافي ......... يعور بطنك
رعصه........ اخت فغصه.............بس هاذي بحنيه وذيك عكس.........مثل قولت لا تفغص العنب
ارسل يابعدهم ..........وحنا نستقبل........... ياخلفهم

[المربد]

لا اله الا الله
يقولون ان الانسان اذا تقدم بالسن يقوم ينادي كل من يمر امامه ويقوله اجلس اسولف معك
واذا ما جلسوا زعل عليهم .
ولا يرضى ان احد يحرك شيء من مكانه مثل مزهرية او تحفه او دله ، ويجلس طول النهار يمشي ويرجع كل شيء لمكانه ، وما يترك لمبه مفتوحه الا ويطفيها.
اما التجديد والتنويع والتطوير فابعد ما يكون عنه.
لست من هوات تربية الحيوانات ايا كان نوعها .
ولكن ارى ان المنتدى به سعة للآراء التطويرية ، والعصف الذهني للتطوير والتقدم .

[خشم الحصان]

الاخ معقد الشوش
المربد
السلام عليكم
اشكرك جزيل الشكر والله يطول بعمرك ان شاء الله لكي تمر مامريت به اخي الحبيب غفر الله لي ولك امين
انت عارف المقصد تمامآ ولا اضن انه يخفي عليك ولكن انت ودك تحرف القطار عن سكته
طيب معليش نخليه ينحرف علشانك يابعدهم
كم مره ياخيي اقول ومازلت اقول ((انا لست ضد فتح اي خيمه الان او مستقبلآ ولكن اين الارث المعلوماتي التي من اجلها يتم فتح خيمه)) لا يوجد اذا وشهوله فتح
الا اذا كان ((شي في نفس يعقوب)) فهذي علمها عند الله سبحانه وتعالي
اخي الحبيب المربد ((وشلونكم))
اخوك
خشم الحصان
....................
صدمه.......... بس الشايب تراه مثل الصغير سهل انقياده اذا عرف له (( والمواضيع الجديه تفتح الخيمه))
لشطه......... واذا ماكو مواضيع فنا عند رايي مثل الوري لن اتحرك

[مندوب الوفاء]

الله يجزاك خير

[ابو شريدح]

يالربع ترا ابو جراح صادق في كلامه ما فيه مواضيع تستاهل ان يفتح لها خيمة
ويقولون اللي اكبر منك بيوم اعلم منك بسنه وابو جراح ماشاء الله له نظره ثاقبه

دقشة ..... ابوجراح جعلي ما اعدمك قم لا تقرص تحت هالفرت :j

[ابو درع]

اجل انا نوي اشري سلقلق ويمنكم منتب حطينلي خيمه اجل وين احطه

تحت الموتر ولا في العزبه .

اطالب وبشده خيمة خاصة تكون فاضيه .


. تصير للفرش والجراكل الماء والسيارات عن الشمس



:j

ابو قرررراح






:eek:

اكيد انه راح بيرتاح






:mad:

انا مصر على الخيمة وبي الحاح

[راع الكحيلة]

ياخيي خيمة الصيد البري وسيعه وتاسع الصيد بجميع انواعه حتي الصيد بالرجلين
اخي الحبيب انا لست ضد فتح الخيمه لصيد بالسلق كرمكم الله ولكن انا اقول اين المواضيع التي من اجلها تفتح خيمه
هذا هو مقصدي من الموضوع

وش السالفة يا بو يراح ؟؟

كأنك تبغي تقنعني في شي أنا مقتنع منه

أنا وياك لا أؤيد فتح خيمة خاصة بالسلق .. لأن خيمة الصيد البري راح تتأثر وربما تصفر

.
.
.
.
بس تدري يا عمنا ؟؟
.
.
.

أنك أثرت فيني تساؤل أو فكرة..بارك الله فيك .. خلني أقولها قبل ما تطبق الفكرة من قبل الإدارة ربما.

ما خطر على بالي هو أنه إن كان للمشرفين رغبة أو تأييد في ذلك فيجب إعادة تنظيم خيمة الصيد البري بحيث تكون هي الأساس ثم تنقسم إلى ثلاث فروع

الصيد بالسلق ... الصيد بالصقور ..الصيد بالأسلحة... وربما حسب الاسهامات والإثراءات, خيمة الصيد بالفخاخ
والقصد هو حتى نكون منصفين فلا يصلح أن يكون هناك خيمة للصيد البري مستقلة ثم خيمة للسلق مستقلة أيضا..إذا فما فائدة وجود خيمة الصيد البري أساسا

على الوضع الحالي لا أظن أنه يصلح أن يعمل للسلق خيمة .. لأنه ومثل ما تفضلت يا عمنا لا يوجد غزارة أو إثراء كبير يستحق ذلك...كذلك منظر الخيمة سيكون متناقضا مع خيمة الصيد البري إلا إن كان الصيد بواسطة السلق هو صيد غير بري فهذا شيء آخر :)
.
.
.
.
وعلى رأيك يا عمنا :) :)
دقشة ...لا يصلح

دفشة .. لا يصلح

قشعة .. لا يصلح

قرشعة.. لا يصلح



مع احترامي لجميع الآراء

[* ضب *]

السلام عليكم ورحمة الله وبركاته

تحية طيبة للعسل الشايب خشم الحصان ولجميع هوامير مكشات (الهوامير المقصود مخضرمين ..يعني اللي لحقوا على مكشات قبل التوقف ..وما زالوا الى الان:d )

شف من الاسباب الى دعت الكثير الى هجر مكشات كثر التوقف ولانقطاع وهذى ان شاء الله ما عاد تتكرر

السبب الثاني كثرة المواضيع اللى مالها سنع
عندك مثل انقلب المنتدى الى منتدى عرض للكلاب والسلق(ان سلقتي احسن ..لا انا سلقتي اسرع ..ومن هذا القبيل)

الله من زين الخوة مع السلق ما غير وساخة وقلة بركة
اسمحوا لي اقلب دين شوي ( يقول الرسول عليه الصلاة والسلام ( لا تصحب الملائكة ركب فيه كلب او جرس) او كما في الحديث ..

والصراحة كثر مواضيع السلق في المنتدى بشكل لافت يصل لد القرف ..جعل بعض الاعضاء يستغربون من الكثرة ومن سكوت المشرفين (ربما زيادة زبائن فقط)

واليوم عندما قرات موضوع الشايب اعلاه كن الروح بدأت تدب من جديد لاحياء مجد مكشات الذي اكلته السلق

والسلام عليكم

[دله وفنجال]

السلام عليكم...
ابو جراح كلامك في محلة ولا علية اغبار لاكن ماهوب اول ماتعرفون الا السلق والطيور طيب وراك عليهن اليوم ولا المهفه اكلت الجو ياجدي...
يذكرون انك منول تلاحق الظبي والغزلان رجلي والضاهر انه هذا سبب التشابة بينها وبين شلايخ السمر ...
قمزة... انا مؤيد لبو جراح كامل التأييد واضع ايدي بيدة وظم صوتي لصوته...
نقزة ... اخت قمزة لاكن من الابو ولذالك جرى التنويه...
طمرة... هذي بنت جيرانهم ماله دخل بلعائلة.