كاتم صوت على خرازة برنو ارجو المساعده

[قناص بحذر]

السلام عليكم

كل عام وانتم بخير

عندي خرارة برنو طبعا من اللي تجي لها سنة كاتم صوت

ركبت عليها ناظور ووزنته وماشاء الله ممتاز جدا

ولكن لمن ركبت الكاتم البندق تجي تحت الهدف اللي ارميه

طبعا وزنتها و تجيب الهدف ولله الحمد

سؤالي هل هذا الأمر عادي ام انه دلاله على شئ معين

مثلا ان الكاتم سئ او ان البندقية فيها شئ علما بأن الكاتم انجليزي

ام أن هذا الأمر شئ معتاد ؟؟


انتظر الإجابة من أصحاب الخبرة ومشكورين مقدما

[ديرتي نجد 999]

الكاتم يضعف رمي البندق خرازه او غير خرازه

تحصلها بدون كاتم تسوق اكثر

وبالكاتم ترمي دون الهدف


طبيعي جدا

[قناص بحذر]

الكاتم يضعف رمي البندق خرازه او غير خرازه

تحصلها بدون كاتم تسوق اكثر

وبالكاتم ترمي دون الهدف


طبيعي جدا

يعطيك العافيه تسلم

بالنسبة للفشق هل فعلا يفضل إيلي مع الكاتم

[جبلي بحت]

بتبيع الكاتم اخوي راسلني

[ابوهاشم a]

صحيح كلام خوينا الكاتم يضعف من سرعه الرصاصه مهما كان نوع الرصاص

[قناص بحذر]

بتبيع الكاتم اخوي راسلني
يالغالي لا والله مو للبيع الله يرزقك بغيره وافضل منه

[قناص بحذر]

صحيح كلام خوينا الكاتم يضعف من سرعه الرصاصه مهما كان نوع الرصاص

بارك الله فيك تسلم لاهنت

[الثبيتي22]

ممكن اسم الدربيل اللي ركبته عليها وصوره له لا هنت لاني ابي اشتري واحد
ومحتار

[قلايد الخيل]

الكاتم مايكتم صوت جمميع الفشق في انواع محدده

[Al_mazrouei]

صحيح ان الكاتم يضعف من قوة الرصاصه لكن تقدر توازنه على المسافه القريبه تقريبا 60 متر

[تميم2222]

افادوك الاخون الله يعطيهم العافيه

[قناص بحذر]

افادوك الاخون الله يعطيهم العافيه

إيه الله يعيطيكم العافيه جيعا يارب

[قناص بحذر]

صحيح ان الكاتم يضعف من قوة الرصاصه لكن تقدر توازنه على المسافه القريبه تقريبا 60 متر


أخوي وزنته ولله الحمد بس كنت حاب اتأكد هل الفارق بين الرمي بالكاتم وبدون عادي ولالا

[pergrine]

اخوي اذا بترمي بناظور كل ما بعد الهدف ارفع عيار الدربيل فوق لان الرمي بالناظور يختلف عن الرمي بالنيشان كل ما راحت الطلقه مسافه بعيده كل ماقلت قوتها وبدت تنزل فانت لازم ترفع عيار الناظور فوق الهدف على حسب بعد الهدف عنك ولا علاقة للكاتم بضعف او قوة الطلقه

[تركي1127]

اخي العزيز عندما تركب الكاتم
عليك ب فشق الايلي او الاكس زون فقط لان صوته ضعيف جدا ولا راح تسمع الصوت نهائيا

اما الرصاص المتفجر مثل ابو ارنب او ليزر وغيرها مو الرصاص يكتم ٥٠ بالميه

وكما افادوك الشباب بأن البندق تهفي شي بسيط هذا ش عادي

هذا من واقع تجربه

[الطبيب]

كاتم على خرازه !!

للناس فيما يعشقون مذاهب .. ولكن لي رأي مخالف .. يمكن لأني شايب .. أطرب لصوت الرمي .. والشباب يمكن يزعجهم حس الفشق ..

الزبده .. والمداخله ..

كاتم الصوت بعد حربثه .. وتقليب لليوتيوب .. والبحث والتحري .. يسمى بالانجليزي .. سايلنسر .. يعني كاتم صوت .. أو سبريسر .. يعني مخمد ..

المقصد .. إن كاتم الصوت يمتص اندفاع الغاز من فم الماصوره ويفرض مقاومه زايده على البندق .. ويخمد قوتها .. وهذا طبعا امتصاص زائد لقوة اندفاع الطلقه .. وهذا اللي يخليها تهفي .. أو تقصر عن الهدف ..

هذا رأيي الخاص .. وهو يحتمل حالتي الصواب والخطأ ..

هذا والله أعلم
والسلام ختام

[pergrine]

كاتم على خرازه !!

للناس فيما يعشقون مذاهب .. ولكن لي رأي مخالف .. يمكن لأني شايب .. أطرب لصوت الرمي .. والشباب يمكن يزعجهم حس الفشق ..

الزبده .. والمداخله ..

كاتم الصوت بعد حربثه .. وتقليب لليوتيوب .. والبحث والتحري .. يسمى بالانجليزي .. سايلنسر .. يعني كاتم صوت .. أو سبريسر .. يعني مخمد ..

المقصد .. إن كاتم الصوت يمتص اندفاع الغاز من فم الماصوره ويفرض مقاومه زايده على البندق .. ويخمد قوتها .. وهذا طبعا امتصاص زائد لقوة اندفاع الطلقه .. وهذا اللي يخليها تهفي .. أو تقصر عن الهدف ..

هذا رأيي الخاص .. وهو يحتمل حالتي الصواب والخطأ ..

هذا والله أعلم
والسلام ختام


اخالفك الراي تماما انا على سبيل المثال بعض الاحيان لاطلعت الديره الحجل يجي لين خشم البيت تتوقع افضل اصيد بالكاتم ولا بدون كاتم عشان ازعج النيام ؟؟ ثانيا اكبر صيدنا بالسعوديه الغالب وبر ولا ارنب واتوقع انك بحاجة كاتم عشان تزيد الغله مو معقول تطلع مقناص وتعنى عشان واحد ولا اثنين فقط

[الطبيب]

وضحت الصوره ..

إذا كان هذا السبب .. فلك الحق باستخدام الكاتم ..

ولكن .. طلب بسيط .. من أخوك ..

لا تسرف بالصيد ..

هذا والله أعلم
والسلام ختام