مطلوب تانكي الوادي 90 لتر

[Braveheart20]

السلام عليكم

يا شباب مطلوب تانكي مويه حق الوادي 90 لتر القائم

ويكون نظيف وسلامتكم

الموقع الرياض

[سيف وقلم]

خذ لك حق الوطني 220 ريال جديد

http://img839.imageshack.us/img839/5051/image0022x.jpg

[Braveheart20]

يا جعلك تسلم بس المشكلة مقاسه يختلف شوي وانا برهمه بدل المرتبة

[هملول السحاب]

خذ لك حق الوطني 220 ريال جديد

http://img839.imageshack.us/img839/5051/image0022x.jpg


بعد اذن صاحب الموضوع

اخوي وين احصله الوطني وهل هو مضمون ضد الرائحة وتغيير اللون..

[Braveheart20]

بعد اذن صاحب الرد

الوطني تلقاه على شارع خالد بن الوليد وانت جاي من الدايري الشمالي تلقاه على زاويه يمينك

[مواصل ..]

أخوي سيّر على محلات الكشاته ..
و متأكد تبي تلقا عندهم ، بس أحرص تاخذ الفاتورة لا يلعبون عليك مثل ما لعبوا علي ..

أنا شريت من عندهم بس المشكلة أن فيه طعم و ريحه ..

أتصلت على الضمان الموجود على التانكي قالوا : رح للمحل و خلهم يتصلون علينا ..
رحت للمحل أقولهم أن فيه طعم قالوا : وين الفاتورة ؟
( طبعا يوم أشتري ما عطون فاتورة .. الي يقهرك هو أن الي يسأل عن الفاتورة هو نفس الي ركب التانكي بسيارتي * يعني شين و قوي عين )

قلتله : ما عطيتون .. قال : أجل ما نقدر نخدمك ..

إلى يومك أدعي عليهم على هالسالفة ..



.

[ابوعدي]

اخوي مواصل اذا التانكي فيه طعم وريحه فنصيحه حط فيه ماء نصف التانكي وملح لمدة اسبوع في السيارة مع مشاوريك راح ينظف وتروح الريحه والطعم وانا مركبه في السيارة من افضل ما يكون على كلام المصري اللي في المصنع حقهم غرب الرياض قبل نادي الرياض