هل فيه طريقه تخلي الزريق يرتفع يوم ترميه حتى يشوفه الطير وينزل

[مكرم الضيف]

عند رمي الزريق من حمام او سمان اوقميري مايرتفع حتى يلفت انتباه الطير العاصي. الحمام يزبن السيارة والسمان طيران منخفض والقميري مثله . هل فيه طريقه تخلي الزريق ينجم قريب من الحوم.

[نجم404]

يفيدوووونك الطواريح

[SULTAN MUTIRI]

والله العالم ما ينجم الا الحمام النشيط إذا قطبته

لكن اظن التقطيب فيه ذنب .

[هاوي الجيرات]

حسب خبرتي المتواضعة تيب على عيون الحمامه القويه وهي تروح النجوم

[سبع الولع]

جرب طيور القطا تراها تروح في عالي الجو من يوم تطير
واهل المعرفة يستعملونها لهذا الغرض لانها تطعن في الجو طعن

[عواد الشمري2]

القمري ممتاز والقطا .

[صقر الفاج]

عليك ب حمام الدحل

[عبدالسميع]

أذا تبي عن تجربة

خذ من الحمام الزاجل بس أنتف من ريش الدواغر 6 او 7 ريشات

وأذا الطير طيب ونشييط يمكن يطرحها

وأذا ما نتفت شي

أنسى يطرحها الطير

[للر اميير قه]

شف ياطويل العمر شطرطون بريال
تقطع قطعه بطول اصبع السبابه تفتح افم الحمامه تحطه بالعرض والاجه الاصقه تكون على فوق وتمشي تلشطرطون بحد العين من ورى العينوين بنفس الطريقه الحمامه بهالطريقه ماتشوف الارض ناضرها فووق وبس وترتغع عن تجربه

[مكرم الضيف]

كل عام وأنتم بخير وبيض الله وجيهكم على اثراء الموضوع بتجاربكم ولا نستغني عن خبرات اخرى ليستفيد الجميع من هذا المنتدى الراقي

[اكستريما 2]

لف على راسه شطرطون خلي عيونه على فوق

[قناص001]

ما زيد عن اخوااااني الي القلييل


مثل ما قالو اللزق بس لا تضيقه ويلزق في عينها


والشبكه لا تشدها وتأكد تربط طرف الشبكه برجل الحمامه


والحماام يكون نشيط


والرااازق الله

[عيون النسر]

ماقصروا الاخوان ونستفيد منكم دائما

[مكرم الضيف]

جزاكم الله خير كلا باسمه ولكن اذا بعض الطرق تعذب الطيور فلا لانه حرام ومتأكد انه الجميع موافق على هذا

شكرا للجميع

[Hdad]

سؤالك واضح ولك الطريقه
طبعا اكثر شي يرغبه الطير القطا والسمان والقمري
تاخذ خيط ثقاله وتقطع منه متر تقريبا وتربطه فرجل القطاه وتروح محل مايكون قريب منك ضلعان
وتفكها تطلقها لانو كثرة جلوسها بالقرشع يعقل جنحانها
وكذالك القمري نفس الشي لابد من تطليقه
المره الاولى راح يسهل مسكها وطبعا راح يسهل عليك الخيط الي ربطته فرجلها
المره الثانيه راح تلاحض زاد عزم القطاه او القمريه
وبكذا يكون الزريق جاهز من تفكه صدقني راح ينجم
وان شالله اني افدتك

[حديدون]

ما زيد عن اخوااااني الي القلييل


مثل ما قالو اللزق بس لا تضيقه ويلزق في عينها


والشبكه لا تشدها وتأكد تربط طرف الشبكه برجل الحمامه


والحماام يكون نشيط


والرااازق الله

[ابرق الحرار]

يامكرم الضيف يوجد بسوق الطيورعلف تسمين خاص بالطيور من شركة وافي جربته للسماني والقمري وقت ماتفكه يتعلى فوق مجرب

[ذراع الذيب]

السلام عليكم ورحمة الله وبركاته..
مسيت بالخير يابونادر..

الاخوان ماقصرو واستفدت منهم كثير والزريق الوحيد اللي مايعرف المزبان...
ولاحذفته ياخذ السما ركوز هو القطا لاكن عليك بقطا ديرتكم ولاتحطه الا في صندقه كبيره علشان مايتعقل..
وفالك الموسم الجاي بالنادر وتحياتي لك..

[مكرم الضيف]

الله يمسيك بالخير يابو ناصر وشكرا لك انت والاخوان على الردود التي افادتنا كثيرا وجزاكم الله كل خير.

والمعذره على تأخر الرد لظروف صحيه وماتشوفون شر