وش الحل جيب 91 ماتتعدا سرعته 130

[ابوعقرب]

السلام عليكم ورحمه الله وبركاته
عندي جيب تايوتا صالون مديل 91
مكينه F3
12صمام
1/فيه رجه بين 80 ا لى 95 الكفر طقم جديد مرصص وزن اذرع ودركسون اقمششه جديد خرط هوبات كلشش جديد
2/ سرعته ماتتعدا 130 اذا المكيف شغال
واذا طافي 140 وغصب تجي
وش الحل ياجماعه علما بان البواجي وصفايه البنزين جديده والكلبليتر مغسل
وش نصيحتكم ومن قد صارت عليه انا ماخذه من شايب مايتعدا سرعته 90 تعرفون سواقه الشيبان
القيرعايدي
افيدوني الله يجزاكم كل خير
وكل عام وانتم بخير

[ابوعقرب]

:director::director:40 مشاهده ولارد واحد
من العايدين بس لاتنسوني

[وجعين]

الرجه شيك على الاذرعه والمقصات ون كانهن زينات شف الكفرات كانهن نص عمر وقديمات ما يفيد بهن الترصيص لازم تغيرهن طقم بنسبه لسرعته اكيد الكلب الايسر قصدي الكلبليتر كانك مغير اصلاح كلبليتر تأكد من الي غيره لك ومقاس الابر او تدري غيرله اصلاح عند احد فاهم يمكن يصير فيه تنسيم وجه ياخي طولت عليك تراي اتخرص مهب اكيد يطلع من الكلبليتر

[ابوعقرب]

أخ وجعين بيض الله وجهك وماقصرت
بنسبه للمقصات ولاذرعه ممتازه والكفر جديد طقم دنلوب
الله يعطيك العافيه وماقصرت

[hsdt]

1- الرجه ممكن تكون من ذزاع الدركسون الموصل الي الدوده او فضواه في الدواده وفيها ميزانية تقدر تازنها
طريقة الفحص حرك الدركسون يمين يسار بمقدار 2سم وشوف الكفر يتحرك او لا
2- السرعة
تاكد من الكنداسه لاتكون مسكره مسدوده بعض الشئ
البلاتين لايكون قافل
وزنة الديلكو
انا ابعدت الكبليتر لانك تقول انك موضبة

[راشد2009]

السلام عليكم سبب الرجه رمان العكوس شدها فقط

[ابوعقرب]

الله يجزاكم خير
ملاحظاتكم قيد التشييك
الله يبيض وجيكم لاخلا ولا عدم

[كشات 64]

عمرك حطيت منظف بتنك البنزين؟!

[عابرالبر]

يفدونك الاخوان

[ابوعقرب]

كشات
ماحطيت منظف
عابر البر
بيض الله وجهك انت وجميع الاخوان

[جبل ادقس]

الله يعينك عليه وانا اخوك

كان مع الوالد مثله نظيف واخذ عنده ٥ سنوات بس مشكلته العزم يعلم الله اني غيرت له كربرايتر جديد من الوكاله وبواجي وكويل وبوبينا وكل شي يزيد من عزم السياره ولا فيه فايده

تبي تنقهر وتولع بالموتر سافر عليه للجنوب وخله يطلع الطلعات والله ان الدينات والتريلات تعدي من عندك وانت حارقه بنمره.

اخر شي باعه الوالد واخذ فتك ٢٠٠٩ من قطر عز الله يبرد قلبك.

هذا الموتر مكينته ضعيفه ١٢ بلف ومعروف عند اهل الجيوب هذي المكينه وعدم رغبتهم بهذا النوع لضعفها

اذا انت تبيه للكشتات تراه زين وحديد علي قولتهم

واذا تبيه للمرقي فوق الطعس او المشي بطريق رملي ومنحدرات فتراه ماينفع بريال.

يعلم الله ماقلت لك هالكلام الا ماودي تخسر نفسك وتحط فلوسك بالموتر والنتيجه وحده العزم سئ جدا

موفق خير وانا اخوك ×

[اشتاء الشمال]

1- الرجه ممكن تكون من ذزاع الدركسون الموصل الي الدوده او فضواه في الدواده وفيها ميزانية تقدر تازنها
طريقة الفحص حرك الدركسون يمين يسار بمقدار 2سم وشوف الكفر يتحرك او لا
2- السرعة
تاكد من الكنداسه لاتكون مسكره مسدوده بعض الشئ
البلاتين لايكون قافل
وزنة الديلكو
انا ابعدت الكبليتر لانك تقول انك موضبة






أنا يكفيني رد أخويhsdf ولا هو قصور بالأخوان الباقين وماذكر تكون أرجح الأسباب لقوة ورداءة عزم السياره كذلك لاتنسى صحن الكلتش والدزق ممكن يكون سبب في ذلك بالنسبه للرجه اضيف شيء ممكن يكون الجنط فيه طعج أو مثل ماذكر بعض الأخوان ممكن رمان أتمنى لك التوفيق