دعو الطير في محل وانت تدري انه محل للصقاقير اللي يهدون علي حمام.

[سلطان 1]

صباااااح الخير
علي الجميع
وعيدكم مباااااارك وكل عاااام وانتم بخير.

يالربع اللي انا اعرفه وغيري من الصقااااقير يعرفونه
ان دعو الطير مايبي له مسااااحه علشاااان تدعي فيه
كلها أبعد عن العالم في محل صاااااد عنهم وادع طيرك
بين حزوم والا في خبه المهم انك تصد بطيرك عن الصقااااقير اللي يهدون
علي الحماااام.
يالربع والله انا صرنا نجي للدشه اللي نهد فيها علي الحمااااام
ونلقااا موتر والا موترين متوسطين الدشه ويشقلب طيره
والصقاااقير الباااقين اللي بيهدون علي الحمااام حوله كل يحتريه يقضب طيره
علشان يهدون
وهو ماهو معبر احد
مدري هو قليل معرفه والا عبااااطه والا وش قصه هالعالم اللي يدورون المشاكل والغثااء.


وش الحل مع هالاواااااادم.

[سارق الكحل]

نفس الوضع عندنا

والمشكلة بوسط السبخة يدعي

الحل ما يتعدى أمرين :

الأول : انك توسع صدرك وكلها 5 دقائق ويخلص:good:

الثاني : صد شوي عنهم وفك طيرك ويكون معك طير جير مايوفر شي قدامه تخليه يقش طيره يتوب ماعاد يقرب ذا المكان :D:D

[اسلي نفسي]

نفس الوضع عندنا

والمشكلة بوسط السبخة يدعي

الحل ما يتعدى أمرين :

الأول : انك توسع صدرك وكلها 5 دقائق ويخلص:good:

الثاني : صد شوي عنهم وفك طيرك ويكون معك طير جير مايوفر شي قدامه تخليه يقش طيره يتوب ماعاد يقرب ذا المكان :D:D

هههههههههههههههههههههههههههههههههههههههههههههههههه هههههههههههههههههههههههههههه
الله يضحك سنك

[عاذي]

عادة المسلم على البلوى صبور

[عواد الشمري2]

الله ماوسع غير الخليان وش لك بقرب العالم القاع الفضيه واجد

[ابوفيحان11]

فيه ناس تهوى الدعوى على ملواح وناس تحب تفك لطيرها حمام الا صول اذا في شخص جاى لمكان المدعى قبل الثاني سوى يلوح اويفك حمام على الثاني ينتظر والى يدور على مكان ثاني اما يفك طير على طير ونا اخوك هذي تجيب المشاكل وكلن طيره غالي عليه ما يرضاها احد

[(هزاع)]

عيدك مبارك يابوفيحااااان
يبيلها صبر والناس اللي يدورون المشاكل بيحصلوها
لاكن الرجال يكون فطين يشغل انوار وفلشر سيارته ويتوكد ويتكل على الله ويهد
اما المزاحم ماله داعي السعه لابارك الله بالضيق
والله اني اروح 140 كيلو اشري وناسة خاطري منحاش عن غثاثة خلق الله
لاشفت ماشفت رد الموتر بنمره وترك بينك وبينه 10 كيلو والسلامه غنيمه ونت الرابح

[برزان1]

طال عمرك هذولا صقاقير 2012

[القوبعي]

عيدكم مبارك يالربع
وكلامك ياهزاع عين العقل
ارض الله وسيعه

[ابرق الحرار]

الله ماوسع غير الخليان وش لك بقرب العالم القاع الفضيه واجد



:good2:كلام صحيح

[falcon 1]

انشهد انك صادق ...رايي ..هد الحمام عشان الي يدعي فالملاواح يعرف مره ثانيه . اذا ما ينقرص مره راح يعيدها. هد حمامتك طال عمرك ولا عليك منهم.

[راعي غضبان]

ارحب ياابوفيحان وكل عام وانت بخير واخواني في مكشات بخير وبصحه وبسلامه ومن العايدين الفايزين واقول ماقصرو الشباب افادوك وهو مادام انه شقلب طيره قدامك كان فيه مجال تبعد عنه وعن غيره احسن والا مالك الا من يوم يمسك طيره وانت جاهز للهدد والا والله اروح في مكان بعيد احسن من طير يهد على طيري وتصير مشكله اما يوجع طيري والا طيري يوجع طيره وانا اقول ابعد عن الشر وغنيله وترتاح في الخلا لحالك واعصابك مرتاحه وتهد طيورك كلها بدون انتظار احد والله يوفقك يارب
وتقبل تحياتي

[XQXالعرابXQX]

عاد اشتري لك عقاب وجوعه يوم واذا شفت احد قدامك هده على طيره يمكن العقاب مايوفره هو ولا طيره:D:D:D:D:D:D:D