فززعتكم يالررررربع

[حروف ابجديه]

سلام عليكم وشلوووونكم يالربع
الحقيقه ابدخل بالموضوع طوالي ان رجال بالطبخ لك علي ,ولي ربع يطلعون كل اسبوع وقالو ي عبدالله الاسبوع الجاي ورناا ابداعك بالطبخ قلت ابشرووو ,وطلبت منهم يمهلوني فترره وقالو كيفك ,عاد يالربع نخيتكم ابي كل واحد يشور علي وش اطبخ ويكتبلي المقادير والخطوات بالترتيب ووضحواا لاني والله ماقد طبخت قبل ..
حنا 9رياجيل ولاحناا راعين كلافه وذبايح, كبسة دجاج ولالحم ولاطيور فابيكم لاهنتم تفزعون كل واحد يكتبلي المقادير والخطوات ..والله بالرااي السديد ..ويستحسن لو تكون طبخةة لحححم ..ورووونا ابداعكم

[حروف ابجديه]

وين الردود ياالربع ماااهي بالهقوه

[خاب الرجا فيك]

وعليكم السلام
مالك الا كبسة لحم احسن واسرع شي بالبر هي والدجاج نفس شي بس فرق الوقت
اللحم اطول وقت من الدجاج بشي بسيط
تجيب قدرك وتحط شوي زيت بمقدار ملعقه صغيره يعني لاتكثر شي بسيط وانتظر لين يحمي
ثم تقطع البصل صغار واحمسه لين يتغير لونه شوي دقيقه او دقيقتين تقريبا
بعدين كب فوقة الطماط واحمسه معه وحط معهم بهارات بمقدار ملعقه ورقتين غار
وليمون اسود وعود او عودين قرفه اذا تبي وحط بعدها اللحم احمسه شوي بس
ولا نص دقيقه تقلبه يعني بالبهارات ثم كب الماء لين يغطي اللحم
وحط الملح عاد على حسب الكميه وصك قدرك بعد نص ساعه
او بالاصح اذا استوى اللحم لاني مدري عن ناركم طلع اللحم وحطه بقدر ثاني
وكب الرز على القدر الاول اللي فيه موية اللحم بحيث يتغطى الرز واذا تبي توزنه
دخل ملعقه بعد ماتكب الرز وخل المسافه بين الرز وسطح المويه على نص الملعقه
نصها من تحت اللي هو قاع الملعقه الدائري الى نصه ملعقه صغيره طبعاً
وخله ربع ساعه تقريبا لين يستوي الرز ثم انكبه بصحون وخلاص
وخل احد يساعدك بوزنية الملح حسب الكميه الرز واللحم
وانت اول ماتحط الملح حركه وذق المرق وتعرف هو مالح ولا خانس
وعاد اذا تبي اضافات حط ممثل الفلفل وغير اذا تبي الفلفل مطبوخ حطه بعد ماتحط المويه بالقدر
واذا تبي تحط قرع او بطاطس او اي شي براسك تحطه اول ماتكب الماء
وعاد تفنن اذا خلصت قطع بصل دواير وطماط وزين به الصحن او اذا تبي كشنه
احمس بصل واي شي تبيه بتاوه لين يغدي لونه بني وزين به الصحن
وعلى قولتهم طبخت بر يعني حصل شي ولاش ماعليه هههههههههههه
واللي بياكل ياكل واللي مايبي مع نفسه هع

[راشد أبوعلي]

ما يحتاج وانا اخوك
ادخل على الطبخات الي منزلينها الشباب ما قصروا
والله ابدااااااااع
وفي نفس الوقت معها الصور وشف الي يناسبك واختار الطبخه
ولا تنسا تصور لنا

[بو العنود]

وعليكم السلام أحسن طبخه عندنا في الإمارات يوم نطلع البر ( الكباب الإيراني ) جرب ماراح تندم المقادير ( لحم خروف أسترالي أو لحم عجل بلدي + ملح + فلفل اسود مطحون + لومي يابس ، اللومي الأسود + روب أو زبادي ). قطع اللحم قطع صغار وخلط المقادير مع بعض ونشويها على الفحم لا تنسى تستخدم سيخ الشواء

[أبو عيد]

يا طويل العمر الخيمة عامرة باﻻف الطبخات نق لك وحدة وطبقها

[حروف ابجديه]

شاااكر لككم يالربع وياليت يكوون فيه اضافات من الباقين