ياراعين المكاشيت عطونا علم ماطور الكهرب اللي في السنيدي

[ابو خالد خالد]

http://img.alibaba.com/photo/212525581/Generators_GBG_PowerTM_G_1200P.jpgسعره 395
هل احد جربه وكيف طريقت استخدامه وخاصه الزيت يوضع مع الوقود

[يارييس]

ماينفع الا لموسم واحد من وجه نظري
وصيا نه محد يعرفله اذا درو انه صيني قالو مانعرفله

[بتارالذرعان]

اخوي ولا بريال خرباته واجد ومايتحمل الغبار ولا الرمل لانه حساس حيل عليك بلاحمر الامريكي القديم او الصيني الاحمر الاصلي

[باشا]

يعمل بنظام استخدام المرة الواحده

[ابو خالد خالد]

يعطيكم العافيه على المرور

[أبو راكان101]

عندي ماطور هوندا شنطة 650 انبير الف شمعه اذا لك رغبه بالشراء استخدام قليل مع كاتم

بعد اذن الاداره هذا رقمي 0555522031


مشتراه 1350 من الوكاله قبل سنه بالضبط واستخدامي فيه قليل اذا لك رغبه حياك انت او احد الاعضاء

[ذابل الريق]

هذا النوع يسمى استخدام واحد فقط انا جربت اشكال مثلة كانت تباع في كارفور ولكن اول مايشتغل خذ ماطور بس ارجع للبيت واطلع بعد اسبوع انسى انه يشتغل والسبب انه الزيت والبنزين يخلط مع بعض واذا تركته مدة ترسب الزيت بعد الحرق في مجاري المجاري الخاصة بالكلبيتر وسدها لذا تحتاج في كل مره تنظيف او كلبيتر جديد بالاضافة الى انقطاع حبل السحب الخاص بالتشغيل وعلى ماقال المثل (يدلك على الخيل اثمانها)

[صحيح]

حلاوة الكشته الهدوء بطارية اضافية ولمبات ليد ( LED) ما تصرف تشتغل 24 ساعة وسلامتك والعافية

[tabtab055]

اخوي خذ لك ماطور لك وللزمن وان دفعت الكثير بس تدفع في شي يستاهل ..انصحك ان تأخذ ماطور هوندا الاحمر شنطه بلاستك كاتم ياباني 100% ويجي منه حجمان الاول 1000 واط (واحد كيلو) سعره حدود 3000 ريال والثاني 2000 واط(2 كيلو) سعره 3700 ريال ..يجي بنزين لحال والزيت لحال صراحه ممتاز جدا عن تجربه وتجده في شركه عبدالله هاشم ..هوندا ... شوف الرابط ذا
http://www.mekshat.com/vb/showthread.php?t=386030

والرابط ذا
http://www.mekshat.com/vb/showthread.php?t=516117

[الوووحيد99]

اخي الكريم ابو خالد خذها نصيحة لك وللزمن السنيدي لا تشتري منه الى شناط عزبة فقط وهذي الحاجة الوحيدة المبدع فيها .

اما مواطير اسلاك اشتراكات ليات قزوز تاكد انه يجيب اخيس الحاجات .

اما بالنسبة للماطور انا ماجربته لاكن الاكيد انه صيني درجة ثالثة ولا يغرك رخص سعره وانا ضد اي ماطور خلط بنزين مع زيت ومن واقع تجربة لمواطير الخلط تتعبك بكثر الخراب .

وانا مع اخوي tabtab055 بالنصيحة بماطور الهوندا وانا معي الحين ابو 2000 كيلو وصوته مكتوم لك وللزمن وياباني والان تجربتي له من 13 شهر بالظبط والماطور يشتغل بالشهر مرتين ثلاث مرات .

وارجو اني افدتك تحياتي لك ولجميع الاعضاء

[ابو خالد خالد]

يعطيكم العافيه على المرور

[ابومهند 5]

يا خوي نصيحة الله اتركه
اخوي اشتر اخوه من جدة قبل 3 سنوات
والله ثم والله ثم والله بس شغل لمبة وحدة وحاولو الشباب يشغلون 3 لمبات وانعدم ما عد ينفع بريال
وسعره كان 750 ريال
والله على ما اقول شهيد

[قناص مزاجي]

نصيحه لك اخي العزيز

اكثر محلات الرحلات بضاعتهم فاشله شناط العزب تتقطع وتخرب الدوافير اسعارها غاليه جدا روس الدوافير مضروبه

الاباريق غاليه مقارنه باسواق الاوني المنزليه

الادوات الكهربية خطيره جدا لانه دائما تسبب التماس كهربائي

فانصحك اي توصيلات كهربائيه سوها بنفسك اي عزب تبي عندك الغرابي التفصيل هناك والقماش الذي تريد

مواطير الكهرباء عندك شارع الريل بلغرابي تجد جميع العدد والادوات اللازمه

الاواني تجدها بسباله او محلات الاواني ورخيصه

عندك وكيل برايمس بسباله

لاتاخذ شي الا عليه ضمان

واذا تبي ماطور كهرباء جيد خذ هواندا

ممتاز وعملي

[ابوسلمان 33]

السلام عليكم ورحمه الله وبركاته

انا عندي ماطور هوندا صغير اشتريته ١١١٥ريال عام١٤٢٨
وكل طلعات الشتاء نشغله من المغرب حتى الفجر واقتصادي بالبانزين
اما المواطير مثل الى عند السنيدي وغيره
حض يانصيب ناس تمدح وناس تسب بس اذا حطيت عليه نجفات بيض اقل من ١٠ لمبات
اتوقع يعيش حسب كلام الى جربوه والله اعلم

[عقيل الحميدي]

عليك بالاصلي..

[هوا الشرقية]

يا اخوان مشكلة هالماطور الصيني اللي عانيت منها من جد رغم انه جديد ان حبل الهندل حق التشغيل دايما يفرط ولا له حل ...

[ابو خالد خالد]

يعطيكم العافيه على المرور