متى يروبج الطير

[صقار الهدادي]

السلام عليكم

كل عام وأنتم بصحه وعافية


عند يسؤال وياريت الاخوان يفيدونا
متى يروبج الطير ؟

[عواد الشمري2]

يروبج بي وقت وكثرهن يروبج الصبح

[صقار الهدادي]

يروبج بي وقت وكثرهن يروبج الصبح

اقصد وش السبب الي يخليه يروبج ..
يعني مثلا أنواع من العلف تخليه يروبج
أو كثر العلف


.
لأن عندي طير ماخذه قريب (جير شاهين) وصار لي اسبوعين يوم اعلفه ما يروبج
(نوع العلف ) (فخذ دجاج واحد في اليوم) أو ( فريه كامله في اليوم)

[اماراتي 10]

اذا ما فيه عظم أو ريش العلف ما بيروبي وعموما اغلب الصقور تروبي الصبح أو الضحى وشي من الجرانيس تمسك الروبايه اذا كان في مرض او الطير ناقص وزن عموما عط الطير وجبة فار او حمامة بريشها وإنشا الله بيتوحها.

[عيون الافعى]

تروبج اذا اكلت شي قاسي ما ينئكل مثل العظم الريش اللحم القاسي

[صقار الهدادي]

سلمتو ما قصرتوا

[بو_غانم]

اخوي إذا تريد الطير يروبج يوميا، لا تطوفه يعني لازم كل يوم يتعشا، ولا تقصر عليه كثير.

لانه الطير إذا بدا يخاف من عدم حصوله عالعلف وشعوره بالجوع الشديد، يقوم بالأحتفاظ بالبروباجه وعدم اخراجها.

وعشيه شي فيه ريش وعظم، مب لحم صافي، وفرعه الصبح أو الظهر عالوكر وان شاء الله إذا ما روبج اول يوم بيروبج اليوم الثاني.

كل التوفيق لك.