سؤال عن صقار الجير والاصيل ؟؟؟؟

[تميم2222]

السلام عليكم اخواني الصقاقير ... وكل عام وانتم بخير ....
كثر النقاش بين الجير الانتاج والاصيل هذا يقول اطيب وهذا يقول اطيب بس عندي سؤال دايم يدور في بالي الحين اي له الخبره في تدريب الطير هل صقار الجير او صقار الاصيل ... علماً بان الاصيل يقطع عليك نص المشوار في صقارته ..يعني مجرد تدهيل وتهد اما الجير تتعب معه بس يعطيك جناح ما تشوفه في الاصيل ..وبعد تجارب شفتها مع الربع ... لقيت ان صقار الجير يقدر على تدهيل الاصيل وتدريبه.. اما صقار الوحوش الاصايل :( ياكل هوا مع الجير في تدريبه....... فا وشرايكم انتم ...اي يصنف الخبره له لصقار الجير ام الاصيل ؟؟؟

بدون تعصب نبي نقاش يفيد الطرفين :good2:


والله يستر ما تقبع :j

[نجم404]

وعليكم السلام ورحمة الله وبركاته وانت بصحة وعافية اخوووي تميم موضوع مميز ويستحق الطرح وننتظر ردود اهل الخبرة

[تميم2222]

الله يحييك يانجم وتو ماتبارك الموضوع بمرورك ^_^

[سارق الكحل]

أشوف صقارة الجير أصعب من الاصيل

لافي ركادته ولا تدهيله ولا عزله

الحين يسمون الأصيل أبو هندل

وانا من مغرمين أبو هندل لو طياره طياره دجاجة

ولا أخذ طير صناعي عداداته خربانه

[عواد الشمري2]

الاصيل مايقارن بتفريخ والطيور مثل الرجال تشوف لك ولدن يعجبك زوله تقول هذا اسكت ويوم تشوف فعله الا مايسوا ملي اذنه ماء .
الطيور كذالك الاصيل اصيل وصقارته وصقارت الجير حول بعض بس الاصيل يعرف بالفطره كل شي
والجير يبيك تعلمه على كل شي
بنسبه لي الاصيل مابعده طير

[ســـبــار ربــعـــه]

يامرحبا بك يا اخوي تميم.
وكل عام والجميع بخير مبطين من صقاقير مكشات وعلومهم الغانمه شروا علومك.
اما بالنسبه لاستفسارك الصقاره وحده سواءا جير او اصيل كل الخطوات في تربيبها وتدهيلها وحده وبعدين اذا صار الجير مفكوك خلا وطاير وذابح ماتفرقه عن الوحش يحلل صيدته ويعرف يناور الهوا وذرب بتعليقه للصيد وقطاعته وصملته واطلابه.
اما بعض الجيرات تجيك ماتعرف شي والسبب رداءة المزارع وليس الطيور من يوم فقس من بيضته وهو في غرفه بين اربع جدران هذا مافيه فايده وتتعب على ماتطلعه طير. والجير اذا ذبح الفزن والحبش وهديت له نورس وصاد خلاص اغلبهن ينعقد قلبه ان جميع ماتفرعه عليه صيد وهذا الي باذن الله بيهد على الحبارى فصيل.
والطير سواءا حر ولا جير ما يحقر ولا تحقر الطير الا لين تفرعه على الحبارى ويملا عينه منها. ذيك الساعه تعرف وش هو من لحيه.
ولكن ارجع واقول ان الصقاره وحده.
تحياتي.

[مراد منصور]

يامرحبا بك يا اخوي تميم.
وكل عام والجميع بخير مبطين من صقاقير مكشات وعلومهم الغانمه شروا علومك.
اما بالنسبه لاستفسارك الصقاره وحده سواءا جير او اصيل كل الخطوات في تربيبها وتدهيلها وحده وبعدين اذا صار الجير مفكوك خلا وطاير وذابح ماتفرقه عن الوحش يحلل صيدته ويعرف يناور الهوا وذرب بتعليقه للصيد وقطاعته وصملته واطلابه.
اما بعض الجيرات تجيك ماتعرف شي والسبب رداءة المزارع وليس الطيور من يوم فقس من بيضته وهو في غرفه بين اربع جدران هذا مافيه فايده وتتعب على ماتطلعه طير. والجير اذا ذبح الفزن والحبش وهديت له نورس وصاد خلاص اغلبهن ينعقد قلبه ان جميع ماتفرعه عليه صيد وهذا الي باذن الله بيهد على الحبارى فصيل.
والطير سواءا حر ولا جير ما يحقر ولا تحقر الطير الا لين تفرعه على الحبارى ويملا عينه منها. ذيك الساعه تعرف وش هو من لحيه.
ولكن ارجع واقول ان الصقاره وحده.
تحياتي.

:good2::good2::good2::good2::good2::good2::good2:: good2::good2::good2::good2::good2::good2::good2::g ood2::good2::good2::good2::good2::good2:

[تميم2222]

يامرحبابكم الف ...والجير مبروك والاصيل مبروك ..... لكن قول صقارته وحده انا ما اتفق معك يامراد وعواد ... صحيح في التدهيل ...قريبه بعض ..اما التفريس والتعليم على الارتفاع هذي تفرق كثير حتى في معرفه صحه الطير تختلف من الاصيل والجير

[الجبلي.]

السلام عليكم ورحمه الله وبركته اكل عام ونتم بخير. الصقار الأصيل مايعجز عن تدهيل وتدريب الجير مثل تدهيل وتدريب الأصيل لانه متمكن من ألصقاره وسلامكم

[M7md bin]

الحقيقه الموضوع مميز وحبيت اشاركم باللي أنا اعرفه بالنسبة للوحش هو طير وحش بالفطره والصقار يتعامل معه بحكم انه وحش وهذي فطرته ودوره في التدهيل والتعليم اللي يعرفونه كل الصقاقير اما التفريخ سواء جير او اي خلطه فهو فقد الفطره اللي فالوحش واثر عليه الانسان في سلوكه الطبيعي وهنا ( مربط الفرس ) مو كل صقار يعرف يتعامل مع هذي الحاله والدليل كثرة التفاريخ الفاشله جدااااا وفي نفس الوقت تلقى تفاريخ خياليه في كل شي هدد وطبوع لان اللي صقره عرف له وعلمه كل شي وهذا عمل صعب جداً جداً جداً . فصقار التفريخ المتمكن منه اعتقد انه في نظري هو الصقار الحقيقي ....ولا احد يزعل مني وسامحوني وهذي وجهه نظر وهذي بهائم ماتسوى العصبيه ولكم كل الشكر

[تميم2222]

السلام عليكم ورحمه الله وبركته اكل عام ونتم بخير. الصقار الأصيل مايعجز عن تدهيل وتدريب الجير مثل تدهيل وتدريب الأصيل لانه متمكن من ألصقاره وسلامكم
^_^ ودي توضح اكثر لو تكرمت

[تميم2222]

الحقيقه الموضوع مميز وحبيت اشاركم باللي أنا اعرفه بالنسبة للوحش هو طير وحش بالفطره والصقار يتعامل معه بحكم انه وحش وهذي فطرته ودوره في التدهيل والتعليم اللي يعرفونه كل الصقاقير اما التفريخ سواء جير او اي خلطه فهو فقد الفطره اللي فالوحش واثر عليه الانسان في سلوكه الطبيعي وهنا ( مربط الفرس ) مو كل صقار يعرف يتعامل مع هذي الحاله والدليل كثرة التفاريخ الفاشله جدااااا وفي نفس الوقت تلقى تفاريخ خياليه في كل شي هدد وطبوع لان اللي صقره عرف له وعلمه كل شي وهذا عمل صعب جداً جداً جداً . فصقار التفريخ المتمكن منه اعتقد انه في نظري هو الصقار الحقيقي ....ولا احد يزعل مني وسامحوني وهذي وجهه نظر وهذي بهائم ماتسوى العصبيه ولكم كل الشكر

بيض الله وجهك على هالمرور اكثر من الراقي وكلامك درر سلمت يمناك على ما كتبت :good: وجهه نظر واحترمها

[غشام14]

يا مرحبا عيد عليكم مبارك،

بلنسبة للفرق ما بين الاصيل والجير، الحر على اسمه "حر" عزيز نفس. والحر سيف الشجاع ونعم الخوي. يرد الجميل لراعيه. دايم اردد الطير يوصف راعيه. اما للجير فا الجير كريم وهاذا الفديو دليل واضح على كرم الجير. ارجوا ينال عجابكم.
http://youtu.be/tjatWMTMhVg

اخوكم،

غشام

[تميم2222]

يا مرحبا عيد عليكم مبارك،

بلنسبة للفرق ما بين الاصيل والجير، الحر على اسمه "حر" عزيز نفس. والحر سيف الشجاع ونعم الخوي. يرد الجميل لراعيه. دايم اردد الطير يوصف راعيه. اما للجير فا الجير كريم وهاذا الفديو دليل واضح على كرم الجير. ارجوا ينال عجابكم.
http://youtu.be/tjatWMTMhVg

اخوكم،

غشام
وين الجميل يوم طير ابن برمان .... ؟؟.... وانا سوالي واضح ياغشام وماله اي دخل في المقطع اللي نزلته..وماودنا نطلع من صلب الموضوع ..