عطل كهربا في جكسار 2000 فزعتكم ياهل الخبره

[GX8v]

السلام عليكم ياربع
انا عندي جكسار 2000 قير عايدي مكيفين ثلاجه والسالفه ياربع انه امس طفا الطبلون يعني جميع الامبيرات طافيه ماتشتغل وشغله وطفيه نفسها ماتغير ميته كلها المهم وديته كهربائي.
وغير فيوز من الي تحت الدركسونوشتغلن بس لمى شغلت المكيف طفن الامبيرات وغير فيوز مره ثانيه ونفس الطريقه مجرد اشغل المكيف تطفي الامبيرات قالي لازم فحص كمبيوتر قلت اوكي يومجا اليوم بروح مشوار الا وانا في الخط بدا الموتر ينتعق ونواره تضعف والقزاز يالله ينزل ويطلع بشكل بطييئ جدا يعني كن الكهربا ضعيفه حتى المكيف صار دفعه للهوا ضعيف وشوي شوي لين طفى مره وحاول اشغله مايشتغل وخليته 5ساعات ولما شغلته اشتغل ومشيت فيه حول 2 كيلو على ماوصلته ورشه ولما قربت منها بدا تجيه الحالهكل شي يضعف وينتع ولما ادوس بقوه يضرب شكمانه صوت مدرررررري وش فيه مع العلم مكينته نظيفه ماشالله وزيتها مضبوط انا اتوقع كهربا بسياره بس الي عنده خبره لايبخل. علي مابي اهل الورش يتفلسفون على راسي تكفوووون. وشكركم على فزعتكم ارجو ايجاد حل لمشكلتي يالذيابه وانا بنتضار ردودكم

[GX8v]

اقصد باني اذا قمت ادوس بنزين والسياره واقفه الصوت ضعيف كن السياره تعتع تبي تطفي ويضرب صوت فقع مدري كيف وطفيت السيتره ولاشتغلت عقبها مع العلم ان البطاريه سيدلكو اخت الجديده

[/البردية /]

وعلكيم السلام عندي راي لك بسيط لو ما تضبط ما راح تخسر شيء افصل اصابع البطارية لمدة 20 دقيقة ثم اشبكها يمكن فيه مشكله في الكمبيوتر السيارة مجرد ما متفصل اصابع البطارية لمدة 20 دقيقة يعيد المبرمجة الكمبيوتر نفسه جربة يمكن تضبط اكثر الناس سوها و انحلت مشكلتهم وعلمنا وش يصير معك

[جيب الربع]

السلام عليكم افحص الدينمو شغل السياره بعدين فك اصبع البطاريه اذا طفة السياره بعندك مشكله بالدينمو او بالغطا الاسود الي ثابة بااصبع الموجب

[الهاجري 4800]

شف هي شغلتين لازم تشيك عليها شيك على الدينمو وشيك ليكون فيه سلك مجروح ولاصق في البدي تحياتي لك

[ls1.5700]

عندك اللتماس بالموتر مما ادى الى قطع الفيوزات ومنها فيوز الدينمو
مما ادى الى ضعف في كهرب الموتر
والرمي او المفاضخ الي طلع بالسياره هذى من ضعف الكهرب
شيك على الظفيره مع الفحص كمبيوتر

[عبدالله المطيري]

هذا طال عمرك حساس الريوس هو اللي يسوي باللاندكروزر كذا


من أعراضه : تطفي جميع العدادات , الموتر يقطع ويتفتف ولا يمشي , اذا طفيته ماعاد يشتغل واذا سويت اشتراك يشتغل ولكن كم متر او كيلو ويطفي


حساس الريوس يجي شابك بالقير ومكانه معرض للحرارة وعوامل التعرية مما يخلي الاسلاك تتجرح وتميع وتقعد تضرب ببعض وتسوي التمااااس بالسيارة



الحل :

حساس ريوس 70 ريال ( سعره للفكسار واعتقد هو نفسه للجكسار )
تركيبه من 20 الى 30 ريال



انا صارت على خارج السعودية وخسروني خساير مايعلم فيها الا ربك

وهذا موضوع لي عن حساس الريوس

http://www.mekshat.com/vb/showthread.php?t=511628


دمتم بود

[عبدالله المطيري]

نسيت معلومة اذا تبي تتأكد انزل تحت الموتر من جهة السوااااق بتحصل في القير اسلاك كثير ولكن فيه واحد في جنب القير من يسار اخره من تحت فيش افصل الفيش وشف اذا عشقت ريوس وكانت اللمبات طافيه هذا هو اللي اقصده (لمبات الريوس ) اذا مشت الامور تمام بعد فصلك الفيش تأكد 100% ان مشكلتك من حساس الريوس

[GX8v]

بيض الله وجيهكم ياربع والله يكثر من امثالكم

اخوي عبدالله المطيري مشكوووووووو ور يالغالي ولايهونون الذيابه الباقين انا جريت الي قالوه الربع بس ماصار شي وسويت حركتك الي قلتها وطلع مثل ماقلت بضبط وطلع الحساس وانا نسيت اقولكم بلموضوع ان لمبات الرويس طفت المهم اني شريت الحساس ب80 ريال وتركيبه ب40 لاني نحديت على الورشه هههه بس ابشرط ضبط وغيرت فيوز القزاز لانه احترك بعد هالسوالف والحمدلله ضبط الموتر حبيت اعلمكم للفائده ياخواني وعشان اشكركم لتعاونكم وبيض الله وجيهكم على تفاعلكم

[عبدالله المطيري]

ووجهك ابيض ماسوينا الا الواجب