رساله الى الحياه الفطريه والبيئه ،،،،،،، مهم جدا جدا جدا

[هداج1]

× × × × × × بسم الله الرحمن الرحيم×

السلام عليكم ورحمة الله وبركاته اعضاء ومشرفين وزوار مكشات جميعا×


اليوم اكتب الموضوع هذا لشئ في نفسي يضايقني ويضايق كل شخص متخذ المقناص هوايه وشي نعاني منه انا وكثير من الصقاقير وخاصةً صقاقير المنطقه الشرقيه في الوقت هذا من السنه × ونتمنا من حماية البيئه انها تتخذ اجراء سريع فيه ،،×

وهذا الشي هو بيع الحباري !!!!!! شي والله العظيم انه يضايق كل صقار شي نحس فيه بأذلال بعض الشيوخ لمواطنين دولتنا اولا فبعضهم يتصل علئ الشاري الفجر ولا يجيه الا المغرب والبايع واقف كأنه حارس عندها. ×

والشي الثاني المشاكل اللي تحصل في البيع بين تقسمة المبلغ حتئ بين اللي يحصلونها ومشاكل بين البياعه وبين الصقاقير لا يعرف يترفع اذا جاه احد يسترفعه ولا يعرف يتشيم منها × والمشاكل واجد اللي حصلت ويمكن سمعتو فيها كثيره×

والشي الثالث ان فيه مخالفه لاوامر البيئه والحياه الفطريه وتعديات علئ محميات ×ومنها محمية الحبل وحما الحبل لا فيه التزام ولا فيه شي من المذكور انه حما كله بياعة حباري وشيوخ يشترون. ×

والشي الرابع والله والله انها ضاقت علينا من الشاري والبايع لطير مسكين صارو يشنون عليه حرب بحملات شراء. ×

نرجو رجا ومساعده لنا صقاقير السعوديه من المسؤلين وعلى رأسهم صاحب السمو الملكي الامير احمد بن عبدالعزيز وزير الداخليه. ×

ومن الامير بندر بن سعود. ×وهو المسوؤل عن الحياه الفطريه وحمايتها × انهم يتخذون اجرا سريع لمساعدة هذه الهوايه للرجوع الى اصولها القديمه وهي الوناسه ومحبة الطير والمقناص ×بالطير ×والتمتع بدون بايع ولا شاري. ×تراها ضاقت علينا والله اعلم والسبب شيوخ اتخذو المواطنين خدم لهم حتا في حراسة الصيد لهم. ×




ولو ان هذا الموضوع مايضايقني ويضايق ناس كثيره ما تعبت نفسي وكتبته. ×

اعرف شيخ امس شاري 4 وقبله 3 وقبله 3 وقبله 2 واليوم وحده قدامي كنت اقصها لقيت ناس يقصونها بعد مالقيتها طايره ويبون يبيعونها. بس صارت تطير من بعيد وراحت × وناس غيرهم عندهم وحده وبايعينها من الفجر عندها ينتظرونه وصلت الساعه 10 ماجاهم ولاهي بغيرها وهذا كله ضد الصقار اللي يتعب ويقرنس طيره واخرتها هذي العواقب×

وانا مستعد اثبت كلامي وحتا لو تبون اسم هذا الشيخ اللي في الحبل وداخل الحما يهد ويشتري. ×

وفي النهايه ارجو الردود من الصقار الحقيقي فقط واما البايع فيكفينا رده عند بيع الحباري. ×


والسلام×

[للر اميير قه]

قد اسمعت لو ناديت حيا ولاكن لا حياة لمن تنادي

[سارق الكحل]

الله يعينك وانا أخوك

اليوم مع شق النور الا وجرتها عندي وصوت على الربع ونقطع لها والا مطيرها غرب

ونقطع طال عمرك الا ذاك الجيب يوم شافنا نقطع جاي من ورانا ويفهق شوي ويوقف

وأقطع لها مابيني وبينها الا 200 متر الا راعي الجيب جاني قال الحباري شفتها شوف العين وكلمت أمير بيجي يفك عليها قلت الحباري ماهي لك أاحنا نقطع لها من كيلو وانت تشوفنا بعد وجيت يوم شفتنا نقطع

قام يحلف انه شايف اثرها بالليل وانه قاصها بالليل وانها كومه ريش
هدونا ربعنا وتوكلنا على الله
وباعها بـ 15 الف وهاذي الثالثة الي يبيعها

وحركة البيع منتشرة بالشرقية من الدمام إلى النعيرية وراس الزور
وفيها ناس مخصصة تدق عليها اذا شفت الحباري يجي يوقف مكانك وهو الي يتصل بمعزبينه وانت مالك الا فلوسك وياخذ الفين ريال
من جد لازم قرار يمنع الشي ذا والمنع من يكون على الكبار لان الصغار اذا مالقى احد يشتري ماعاد يقنص حبارى
لان أكثر الي يبيع ماهم أهل طيور وبعضهم سياراتهم بدون دبل يقول أترزق الله
بالاضافة إلى تحريم مشتراها لانه يبيع مالا يملك

[شنكار]

يا اخوان الرزق على الله

انت طالع تونس ومن باب الرفاهيه
ومب ضارك لو رجعت من دون صيد

لكن هو طالع يدور لقمتة ولقمة عيالة
والفقر ومايسوي...

اعذرني مانيب صقار ولا بايع ولاشاري
وجهه نظر ...
واعتذر مره اخرى

[(هزاع)]

لاتستغرب شي
الماده طغت على كل شي
ومقابل المال تضيع عند( بعض الاوادم) اشياء

[منور]

الله. يعينكم الحمد الله ماعندنا شيوخ تشتري والله انا مستانسين

[ابودواس518]

الحمدالله لابايع ولامشتري واللي يحصل جره ورده احد عنها لايقنص بعدها افضله

[عاذي]

المادة وما ادراك ما المادة .. وضعاف النفوس .. وسبب اخر هو انت يالقناص اذا حصلت لك حبارا كأنك جايب شهادة الدكتوراة انا صدت حبارا فالمكان الفلاني وخليت اللي مايعرف الحبارا يدورها .. والله العظيم اننا حصلنا مجموعة شباب لاشافوا الغراب يطير يلحقونة ويقولون حبارا ويجون لنا ويقولون ابتعدوا بالطيب والا غيرها وش عندكم قالوا حبارا سوداء والي جيتها الا هي غراب ... ثم اشتغلت التليفونات على كل من هب ودب .. عندنا حباري عندنا حباري .. والي جاء الليل تقول انك في ينبع من كثر الأنوار لا ليل يمرحونة ولا نهار يقيلونة .. انا مدري وش هالطاقة عندهم .. المفروض يشهر باللي يبيعون الحباري .

[عواد الشمري2]

السالفه هذي سمعنا عنها مبطي بس يوم تفكر بها من باب ثاني تسك ماتقول شي ان يمكن الي يبيع الجره محتاج او او او.
ويوم تفكر بنك صقار ومعك طيرن دافعن به مبلغ ورابطه وتعبان عليه وطول نهارك بالفروع تدور الجره تضايق من هسالفه .
ياجدي الله يعين ويسر الامور وفالكم الخرب

[نجم404]

الله يرزق المسلمين وذا السنة كلن بيهد ان شاء الله

[فالح الملعبي]

صدق ياهداج لكن وش نقول الواحد صاير يكره المقناص من اللي يشوفه والناس صاروا خدام
للامير هذا والمصيبه ان القرارات صادره من وزاره الداخليه وحمايه الحياة الفطريه لكن وين
اللي يطبقها لا وازيدك من الشعر بيت يشتري الكروان بالف ريال واحيانا بالفين

[احمدالصالح]

قد اسمعت لو ناديت حيا ولاكن لا حياة لمن تنادي
عطاك اياها الرجال بهاختصار لاحياة لمن تنادي

[هداج1]

اشكر الجميع على تفاعلهم وعسا اصواتنا توصل للجهات الرسميه.



وصدق الاخ فالح والله اني صرت اتضايق وكرهت القاع من كثر البياعه حتا الحماس على المقناص فقدناه

[الباتريوت]

السلام عليكم ورحمة الله وبركاته الاستاذ هداج انا من الناس اللي جاني شخص والحباري تحبري عندي ورحت له ابي استرفعة وهو قريب مني 300 متر وقال ياولد اترك الحباري عندي 15000الف الحين اخذ فلوسك وتوكل علي الله ضحكت وقلت اقول توكل علي الله انت وفلوسك ماني بياع ضحك قال شوف الحباري مخمر عند الحجر اللي وراءك الله يوفقك وراح الرجال
ورجعت للحباري وهديت عليها طير معي صايد قومة وقعده وتوجه لها وخمش منها ريش وطارت مخالف ومعها حوالي 3 كيلومترات ودخلت هي والطير في مصنع الاسمنت علي طريق ابوحدرية وحدانا الشبك رحنا ودخلنا بعد معناة مع الامن ولما دخلنا لقينا طيرنا علي الجهاز ومفلس ومنعونا الامن اننا ندور لحبارانا وراحت الحباري والمخسة عشر الف هههه
ويوم اطالع الا انا شاري الطير بعشرة الاف وخمسة عشر الف تجيب لي فرخ شاهين ويوم جينا اليوم الثاني الا هناك من يسترفعنا عنده حباري بيهد عليها شيخ وهناك مجموعتين او ثلاث باأبقيق والجبيل والوادي يبعون الحباري يشترونها بثلاثة الاف من الكويت ويهدونة وبكذا يستانسون الشيوخ وذو الوجاهة بحباري بثلاثة الاف ريال نادرا ماتباع حباري الروض يعني خلهم يترزوقون من هالخبلان ويكسبون من وراءه وياليت الكل يسوي سواتهم علشان يوقفون هالبيع وانا لما شفت الموضوع كذا بديت ادور الحباري والله لابيعها اذا شفتها بلا طيور صارت ارخص من الحباري حرام تهد طير بخمسة الاف علي حباري توصل بعشرين الف ريال وبالتوفيق ان شالله

[هداج1]

الاخ البتريوت

انا ادري ان فيه ناس يهدون له حباري وادري ان الناس بعد يقول طيري ارخص من الحبارا بس ترا الرخص والغلا في محبة هدد الطير مهوب في قيمته وقبل هذا كله لو بعتها هل ترضا انك تدخل على نفسك وعلى بيتك مال حرام لان بيع الطائر في الهواء والسمك في الماء والثمر على الشجر كله محرم دينيا وبهذا تكون كسبت شيئين مامنها مصلحه ولا نوماس الاول المال الحرام اما ببيعها وانت لا تملكها واو انك تغشه وتهد له حبارا.

والشي الثاني هو انه شي عيب والله بيع هوايتك لاجل مال حرام ولا فيها شي زين من علوم اهل المقناص الطيبين قبل يتشيم الواحد وعشان خويه يهد عليها والحين يختلق المشاكل عشان يبيعها


والرزق مهوب في طير وبيعه حرام.


وانا ما اتكلم على منع الشيوخ من المقناص لا والله مرحبا بهم مليون ومن سنين يقنصون ماقلنا ضايقونا بس اللي ضايقنا الشراء والبيع

ولازلت اقول واعيد واوجه رسالتي الى الجهات المسوؤله فكونا من الشرايه والبياعه.

او سهلو اجراءات المقناص خارج المملكه بتنسيق مع الدول الاخري مثل تونس والجزائر والمغرب وغيرها وغيرها.

وانا صراحه اعتبر كل شيخ يشتري الحباري ولا يقطع الفرجه ويروح يضرب الخطر عشان هوايته جبان لان ماعليه قاصر ويقدر يروح بس اظاهر ماتشيله عظامه مثل غيره اللي يروحون ويقطعون الفرجه ويضربون الخطر هذولا هم اللي صدق يحبون المقناص مهوب اللي يشتري الحباري عندنا

[فالح الملعبي]

ياهداج به بعد خبر جديد
ههههههههههه
ليت السالفه بيع وبس.
طلع فيه ناس يقنصون له باليوميه.
يعني اقنص يوم واخذ يوميته غير قيمه الحبارى.
يعني صرنا رعيااااااااان.
الله المستعااااااان.

[s3s3]

خله يترزق وانت اذا لقيتها هد عليها هم يترزقون وانت جاي تونس اكيد انت تونس بالهدد وفلوسك واجد هم يمكن بعضهم ماعنده عشاء لعياله خلهم يخرفون من خيرات اهل الفلوس ولامراء والشيوخ

[عادل بن جابر]

السلام عليكم ورحمة الله


يكفي البياع أنه بيقعد يحرس الحبارى ثلاث أربع ساعات لين يشرف


حضرته


ياخذ ها الدراهم بعد ذل ومهونه



تحياتي

[جلاد الحباري]

عندنا مشكلتين الاولى البيع والثانيه المقناص على الكشاف والله مؤسف ومزري وضع الحبارى ياجماعه كثرت المشاكل بين الصقاقير بالسعوديه كلن يحط له سلم من راسه السلوم القديمه طويت صفحاتها لم يعد هناك سوى ذكريات قديمه للمقناص بالسعوديه ماعاد فيه مضحى ماعاد فيه مغدى ماعاد فيه مقناص لاشق النور

[عواد الشمري2]

يومن ولد الاش عايش ع امه .. رزقي ع الي ميت القشع يحيه

[عاشق الهيف]

حباري بـ15 الف لاحول ولاقوة الا بالله

[بدران99]

بالساحل الغربي يبيعون حتى الكراوين على الخليجيين .

[راشد الهاجري999]

اما انا قطعت قلبه يقصها ويوم لقاحها ما عنده إرسال راح يدور إرسال ودرجات حباراه وطحت فيها وقشطتها وضحيت محلي والا المواتر والكزس برقم رباعي قطر علومك قلت ابد أثمر البصل للمرقتها