لو هو على السنه مسيره على ماش.........الحل بوش وشوب ......حله نصر العلي

[ابو ماجد 2]

بسم الله الرحمن الرحيم


السلام عليكم ورحمة الله وبركاته

لغزي ترى بالصيف يحمل عناوين=كم حي بسبابه عن الدار منحاش
الياقلبته ظاهرٍ له سميين=خذ وصفهم لاتقول بالوصف غشاش
الاولي سَيره يعرفه فطينين=لو هو على السنه مسيره على ماش
والثاني في سيره يعرفه بخيصين=ولد الصليب اللي على الحرب هواش


مع تحيات ابو ماجد



منتديات مكشات 0 خيمة الالغاز

[ناصر العلي]

وعليكم السلام ورحمة الله وبركاته
سلمت يالغالي
وصح لسانك
أنا من قريت هاللغز وأنا أدور كلمة مرادفة للحر ماطلع معي شي...لكن تذكرت لغز قديم...اللي يقول فيه تمشي على السنّة....يقصد...الصامولة...وأنت تقول مسيره على ماش...يعني..منحلة...تدور بوش
تدور بوش
"تدور" يعني "تلف "


" الصامولة " بلغة العرب تعني " البرغي " بلغة الترك


" بوش " هي حركة الصامولة التي فقدت أسنانها فيقال " تدور بوش " فتصبح عديمة الفائدة
حركة شد الصامولة تتجه من اليسار إلي اليمين ، وحلها يكون من اليمين إلي اليسار فتسمى " منحلة "


وبوش...اللي قاد الحرب على العراق
بس العكس...شوب...ماركبت...إلا هالكلمة
شوْب :

جمع أشواب ( لغير المصدر ):
1 - مصدر شابَ .
2 - ما اختلط بغيره من الأشياء وبخاصّة السوائل " { ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ }

[راعي العجراء]

صح السانك يابوماجد
مع ابوعلي برمعته
شوب الحر
عند اهل الشام
صح عليك الرمعه يابوعلي
واعتبرني مؤيد لك وبقوه من الساس للراس

[ابو ماجد 2]

وعليكم السلام ورحمة الله وبركاته



سلمت يالغالي
وصح لسانك
أنا من قريت هاللغز وأنا أدور كلمة مرادفة للحر ماطلع معي شي...لكن تذكرت لغز قديم...اللي يقول فيه تمشي على السنّة....يقصد...الصامولة...وأنت تقول مسيره على ماش...يعني..منحلة...تدور بوش
تدور بوش
"تدور" يعني "تلف "


" الصامولة " بلغة العرب تعني " البرغي " بلغة الترك


" بوش " هي حركة الصامولة التي فقدت أسنانها فيقال " تدور بوش " فتصبح عديمة الفائدة
حركة شد الصامولة تتجه من اليسار إلي اليمين ، وحلها يكون من اليمين إلي اليسار فتسمى " منحلة "


وبوش...اللي قاد الحرب على العراق
بس العكس...شوب...ماركبت...إلا هالكلمة
شوْب :

جمع أشواب ( لغير المصدر ):
1 - مصدر شابَ .
2 - ما اختلط بغيره من الأشياء وبخاصّة السوائل " { ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ }

صح بدنك وسلمت
والحل
الشوب وهو شدة الحر
وكنا نسمعها من اللبنانين والسوريين ولكن الهيل مرة سمع الوالدة رحمة الله عليها تقول اليوم شوب فحين تقصى عرفنا انها كانت تستخدم عندنا بمعنى حر
وهذا لغز الهلالي استخدم شوب بمعنى حر ولكن يبدو في حينها كنت مركز على اللغز دون المقدمات


قال الهلالي والوسم يطرق الجو = مع هب نسناس البراد الشمالي


تبدلت شوب اللواهيب من تو = يالله تغيث اديارنا والحلالي
عسى المزن يسقي الترابيع والخو = عسى مسيله بين جال ٍ وجالي
خمسين ليله بين طواليع والنو = والسيل يحدر من سفوح الجبالي
عسى العرب عن ضايم القيض ينسو = لا ربعت افياضها والتلالي
وياويش بنت بدلت منزل السو = حين تبدل قرشها بالريالي
واللي حضنها حط من دونها لو = حتى اكشفت عن الذهب بالآلي



شوب اللواهيب حرها وسمومها

كفووووووووووووو كفووووووو كفوووووووووو
وعاداتك يابو علي
وما قصرت في شرح بقية اللغز

[ابو ماجد 2]

صح السانك يابوماجد

مع ابوعلي برمعته
شوب الحر
عند اهل الشام
صح عليك الرمعه يابوعلي

واعتبرني مؤيد لك وبقوه من الساس للراس


هلا بالغالي
وصح بدنك
ومن كان مع ابو علي ماخاب
بيض الله وجهك ووجهه
وبوش ايضا كانت تستخدم عندنا بمعنى حر وحتى في العراق

[فهد الهلالي]

هلا يابو ماجد
وصح السانك على هاللغز الجزل
احب ازيد على كلمه بوش
ال بوش هي الابل لها عدد محدد
وقد ذكرها العوني بقصيدة الخلوج
خلوج تجذ الصوت بأتلا عوالها... تكسر بعبرات تحطم سلالها


تهيض مفجوع الضمير بحسها... لا طوحت صوته تزايد هجالها


قد قلت لك يا ناق بسك من البكا... لا تبحثين النفس عما جرالها


لا تفجعين البال بالله هودي... ولي خلوج خبث البين فالها


تبكين فرقا حقة شدة العرب..... ضاعت يمين البوش والا شمالها


تجيك يا ناق الخطا والا تجينها.... وان كان ضاعت لك بديل بدالها


انا يا خلوج ما تعدد مصايبي... ولا علتي تبرا ولا ينشكالها


ولو البكا يا ناق عني يحلها.... بكيت بيض ايامها مع ليالها

ارجوا ان ما اكون غلطان
وفق الله الجميع

[ناصر العلي]

صح بدنك وسلمت

والحل
الشوب وهو شدة الحر
وكنا نسمعها من اللبنانين والسوريين ولكن الهيل مرة سمع الوالدة رحمة الله عليها تقول اليوم شوب فحين تقصى عرفنا انها كانت تستخدم عندنا بمعنى حر
وهذا لغز الهلالي استخدم شوب بمعنى حر ولكن يبدو في حينها كنت مركز على اللغز دون المقدمات


قال الهلالي والوسم يطرق الجو = مع هب نسناس البراد الشمالي


تبدلت شوب اللواهيب من تو = يالله تغيث اديارنا والحلالي
عسى المزن يسقي الترابيع والخو = عسى مسيله بين جال ٍ وجالي
خمسين ليله بين طواليع والنو = والسيل يحدر من سفوح الجبالي
عسى العرب عن ضايم القيض ينسو = لا ربعت افياضها والتلالي
وياويش بنت بدلت منزل السو = حين تبدل قرشها بالريالي
واللي حضنها حط من دونها لو = حتى اكشفت عن الذهب بالآلي



شوب اللواهيب حرها وسمومها

كفووووووووووووو كفووووووو كفوووووووووو

وعاداتك يابو علي
وما قصرت في شرح بقية اللغز







صح بدنك يالغالي
وربي يسلمك من الشر
وكفوك الطيب ياراع الطيب
وبصراحة أنا أول مرة أعرف هالكلمة علماً بأني أنا اللي حليت لغز أبومحمد ولكن زي ماتفضلت ياأبوماجد ماركزت عليّه
تحياتي وتقديري

[ناصر العلي]

صح السانك يابوماجد

مع ابوعلي برمعته
شوب الحر
عند اهل الشام
صح عليك الرمعه يابوعلي

واعتبرني مؤيد لك وبقوه من الساس للراس


حياك ربي يالغالي
وتأييدك شرف لي ياأبوجلنبو
تحياتي وتقديري