انا اليا شان الزمن درع وحزام.... للي يخاويني على منهج الطيب

[بندر842]

السلاام عليكم ومن العايدين وكل عام وانتم بخير
وهذي عيديتكم مني قصيده اتمنى تعجبكم

انا اليا شان الزمن درع وحزام =للي يخاويني على منهج الطيب
اللي اليا حان الوعد قال قدام =مجرب ولا هو بحاجة تجاريب
عز الخوي اللي على مر الايام =مقربن حبل المواصيل تقريب
يفداه حين غاب واقفى من العام =مدري غيابه جرح والا تطابيب
لاهو نشد عني ولا دق الارقام =اقفى بعذره والعذاريب والطيب
ماني بحاجة صحبت شهور وايام =وان غاب ذيب يحل في غيبته ذيب
واللي يصلي فرض ربه ولا صام =يلقى جزاها بين عوج المناصيب
يمشى على درب الوفى كل ضرغام =وتجزع من العسر البنات الرعابيب
والمرجله وكربجبل والجبل شام =ولا ياكره من لايهوز المراقيب
احدن على العليا رقى عجل وشمام =واحدن قظى عمره بسد الجراجيب
وانا على درب الصعيبات مقدام =ولاهمني حذف الحصى بالعراقيب
مدام حظي مع هل المعرفه قام =جعله يموت مع اهل الشك والريب
انشهد ان الوقت شاراة واعلام =هو مدرستنا في جميع الاساليب
احدن يجيه الوقت بامثال واحكام =واحدن يجيله بالعبر والتجاريب
خريجه اللي عاشه اعوام واعوام =عودن عوارض لحيته كلها شيب
واحذر ترى للوقت غارات والغام =نوبن يباغتنا بليا تسابيب
تمسي على كف السعاده والاحلام =وتصبح على كف الندم والتناحيب
اليا ظحك يعطيك والياعطى ظام =والصبر منجى والليالي محاديب
والله لو ماديننا دين الاسلام=يحثنا نرضىالقدرالمكاتيب
لنجزع من احداث الليالي وننظام =وتبطي جروح الوقت فينا ولاتطيب

[يوسف الخليفة1]

وعليكم السلام ورحمة الله وبركاته

حياك الله أخي العزيز بندر

[ابوعيينه]

وعليكم السلام..
صح لسانك
جزلة من جزل ومعانيها ساميه

[بندر842]

الله يسلمك اخوي يوسف

[بندر842]

اخوي ابو عيينه حياك الله اسعدني مرورك

[بن عويف]

قصيدة جزله يا بندر
واذا تسمح لي فيه البيت الاول
الشطر الثاني اكيد ان شاعرن مثلك ما هوب منكسر بيته
بس اتوقع انه خطأ املائي
وانا ارى لو يصير كذا
مجرب ولا هو بحاجتن للتجاريب
لكن اذا انك بتقراها
مجرب ولا ( هوّا ) بحاجة تجاريب
بيستقيم
ولكن لزيادة جمال الابيات هي مقدرة الشاعر وغيره والفصيح وغيره قراءتها بسلاسه
احترامي
وكذلك ( عوج المناصيب )
فيها غرابه لان النصايب ليست عوج
وبإمكانك ان تكتب
يلقى جزاها يوم ركز المناصيب
وهنا :
(× جعله يموت مع اهل الشك والريب )
( لنجزع من احداث الليالي وننظام ×وتبطي جروح الوقت فينا ولا تطيب )
فيها ثقل

واعتذر كاني ثقلت
والقصيده جزززله يا بندر

[بندر842]

حياك الله يابن عويف والكسر اللي تقول عليه انا ما اشوف كسر بالعكس اشوف ان الكسر في تعديلك لزوم نبلغ الشيخ بالسالفه وهو يحكم بيننا ههههههه
وبالنسبه للثقل ربما يكون موجود وذلك لاختلاف اللهجه وعوج المناصيب اشتهرت بالاسم ذا لوانها مستقيمه
ومشكور على مرورك واختر الشيخ ورد لي خبر هههه

[هبوب الشمااال]

صح للسانك ..
كل عام وانتم بالف صححه وسلامه ..
الف شكر لك ..

[بن عويف]

ههههه لزوم نبلغ الشيخ يالسمي لزوم
واكيد بيمر حدا المشايخ ويفتينا
لكن دامك قلت عدله فهي عدله ونص
لن الشيوخ ابخص
وانت شيخ قصيدك
ولاهنت

[بندر842]

ههههه لزوم نبلغ الشيخ يالسمي لزوم
واكيد بيمر حدا المشايخ ويفتينا
لكن دامك قلت عدله فهي عدله ونص
لن الشيوخ ابخص
وانت شيخ قصيدك
ولاهنت

ولا انت يالسمي ماعاد تبي قاضي والحق معك لان........
. العدل ماهو عدل بيت وكسر بيت .. العدل عدل القول شروى بن عويف

[بندر842]

صح للسانك ..
كل عام وانتم بالف صححه وسلامه ..
الف شكر لك ..

صح بدنك شرفني مرورك وحياك الله

[خيال الغلبا]

بندر

صح لسانك

معاني جزله

وكلمات مليانه

وهذا هو الشعر الذي يطرب

[Rfal]

صح لسانك جميللة

[صقرولدصقر]

صح لسانك وكل عام وانت بخير يابندر

[نديم المجره]

من اللي دق بيجر
هذا حكمي والله على ما اقول شهيد

اللي اليا حان الوعد قال قدام = مجرب ولا هو بحاجة تجاريب
اللي اليا حان الوعد قال قدام = مجرب ولا هو بحاجةٍ للتجاريب

اللي يصلي فرض ربه ولا صام = يلقى جزاها بين عوج المناصيب
اللي يصلي فرض ربه ولا صام = يلقى جزاها بين عوج النواصيب

مادام حظي مع هل المعرفه قام = جعله يموت مع اهل الشك والريب
مادام حظي مع هل المعرفه قام = جعله يرْوّحْ مع هل الشك والريب

والله لو ماديننا دين الاسلام = يحثنا نرضىالقدرالمكاتيب
والله لو ماديننا دين الاسلام = يحثنا نرضى القدر والمكاتيب

لنجزع من احداث الليالي وننظام = وتبطي جروح الوقت فينا ولاتطيب
لنجزع من احداث الليالي وننظام = وتبطي جروح الوقت فينا ولاتطيب

هذا ما استطعت الحكم فيه على عجاله
الله يسعدكم
تحياتي

[بن عويف]

شرواك الطيب يا بندر

ولله درك يا نديم المجره
ما قصرت ولا يهونون الشعار كلهم واولهم أخونا الغالي بندر

[بندر842]

حياك الله اخوي نديم المجره وشاكر لك تفاعلك لكن انت حطيت الوان ولا ادري وش قصدك
انا ابي اسالك وين البيت المكسور من هالبيتين
الاول........اللي اليا حان الوعد قال قدام... مجرب ولاهو بحاجة تجاريب
والثاني .....اللي اليا حان الوعد قال قدام .... مجرب ولاهو بحاجة للتجاريب
.....اكتب البيت المكسور وقل هذا هو ... انتظرك سالفتنا طويله انا وبن عويف هههههه

[بندر842]

لاهنت اخوي ابن عويف وانا رفعت استئناف لخونا نديم المجره هههه

[بن عويف]

هههههه
الله يضحك سنك ع عز وطاعه
اخونا نديم وافقني ع اللي انا كنت اشوفه كسر
انت يبدو لي تقراها كذا_ مجرب ولا ( هوّا ) عشان كذا تتليها بكلمه ( بحاجة تجاريب )
لكن لو تقراها
بـ ( ولا هُوْ ) لتحتم عليك ان تضيف ما اضفناه انا ونديم الا وهي ( التنوين ولام الجر واللام التعريف )
لتصبح ( ولا هو بحاجتن للتجاريب )
وهذا الاحمر اللي كتبه شاعرنا المبدع الناقد نديم
انتهى كلام فخامتنا

[ريلااكس]

بيض الله وجهكك .. وصح الله لسإأنكك

[نديم المجره]

حياك الله اخوي نديم المجره وشاكر لك تفاعلك لكن انت حطيت الوان ولا ادري وش قصدك
انا ابي اسالك وين البيت المكسور من هالبيتين
الاول........اللي اليا حان الوعد قال قدام... مجرب ولاهو بحاجة تجاريب
والثاني .....اللي اليا حان الوعد قال قدام .... مجرب ولاهو بحاجة للتجاريب
.....اكتب البيت المكسور وقل هذا هو ... انتظرك سالفتنا طويله انا وبن عويف هههههه

ابشر بسعدك
..................
اللي اليا حان الوعد قال قدام = مجرب ولا هو بحاجة تجاريب
اللي اليا حان الوعد قال قدام = مجرب ولا هو بحاجةٍ للتجاريب
اوافق ابن عويف في هذا التعديل والذي تم اضافته على البيت والملون بالاحمر وهو ماتم تعديله ليستقيم البيت حسب قرائتي لكلمات البيت
..................
اللي يصلي فرض ربه ولا صام = يلقى جزاها بين عوج المناصيب
اللي يصلي فرض ربه ولا صام = يلقى جزاها بين عوج النواصيب
سبق ان فراءة لشعراء من الجيل السابق بانهم استخدموا كلمتين لنفس معنى نصايب القبر:
عوج النصايب - وعوج النواصيب
ولم يسبق ان قراءة عوج المناصيب
وربما انك على صح ولكن هذه وجهة نظري
....................
مادام حظي مع هل المعرفه قام = جعله يموت مع اهل الشك والريب
مادام حظي مع هل المعرفه قام = جعله يرْوّحْ مع هل الشك والريب
استبدلت كلمة يموت بكلمة يرُوّحْ لتلافي الثقل في النطق
.......................
والله لو ماديننا دين الاسلام = يحثنا نرضىالقدرالمكاتيب
والله لو ماديننا دين الاسلام = يحثنا نرضى القدر والمكاتيب
تم اضافة الواو لتلافي الثقل في النطق
.....................
لنجزع من احداث الليالي وننظام = وتبطي جروح الوقت فينا ولاتطيب
لنجزع من احداث الليالي وننظام = وتبطي جروح الوقت فينا ولاتطيب
اما البيت الاخير فانا اوافقك واخالف استاذنا ابن عويف
..................
امل ان تكون الصوره واضحه لسعادتكم
ومثل هذه المناقشات مع الاشخاص العقلا مثلك وشرواك
فانها تزيدنا معرفه وخبره
الله يسعدكم
تحياتي

[بن عويف]

نديم واخوي بندر
عسا الله يكثر امثالكم
وانا معكم قلباً وقالباً
واقولها بالبنط العريض " شمالييين حتى الموت ^_^ "
وارحب بالنقاشات الهادفه
ومن هذا الصرح اقول اللي يشوف في قصيدي أدناة خطأ
يجي ويعدل والله انه عندي ابرك من اللي يقول صح لسانك وهو يشوف الخطأ
والا ليش نتابع المنتديات ونربط انفسنا فيها ونزل قصايدنا
وبندر رجل عنده ثقه في النفس ولاهوب زودن ع من يقرا
لذلك النقاش معه له ثمره
احترامي لكم جميعاً
وما زلت ضدكمااا وعاجز عن قراية البيت الاخير صح ههههه
<~~~ ما فيه حيله

[الحزوبر]

بن عويف ونديم المجره مع احترامي لكم تعديلكم هو المكسووور والرجال قصيدته طيبه ولافيها اي كسر واذا تبون الكسووور راسلوني على الخاص واعلمكم بالكسوور اللي يكتبها شعراء تعتبرونهم كبار في المنتدى وهم يجيبون ابيات مكسره وانتم تمرون عليها مرور الكرام .ارجو ان تقبلون نقدي بصدر رحب

[بندر842]

اخواني ابن عويف ونديم المجره بيض الله وجيهكم ومثل هالقاشات مع اللي شرواكم لها فايدتها وثمرتها
مع اني مثل ابن عويف مافي حيله هههههه ولا اشوف كسر انتم شعار مافيها شك وانا قريت لكم قصايد بالمنتدى واعجبتني يعني اتوقع ان اختلاف اللهجه هو سبب اختلاف وجهات نظرنا بكسر البيت وعدله لكن انا ابي احاول انزل القصيده لكم بصوتي وان ما انحلت فهي تبا تصير مثل قضية فلسطين مالها حل ....

[بندر842]

بيض الله وجهكك .. وصح الله لسإأنكك

وجهك ابيض وصح بدنك

[بندر842]

بن عويف ونديم المجره مع احترامي لكم تعديلكم هو المكسووور والرجال قصيدته طيبه ولافيها اي كسر واذا تبون الكسووور راسلوني على الخاص واعلمكم بالكسوور اللي يكتبها شعراء تعتبرونهم كبار في المنتدى وهم يجيبون ابيات مكسره وانتم تمرون عليها مرور الكرام .ارجو ان تقبلون نقدي بصدر رحب

حياك الله اخوي الحزوبر وزين جابك الله تايدني

[نديم المجره]

بن عويف ونديم المجره مع احترامي لكم تعديلكم هو المكسووور والرجال قصيدته طيبه ولافيها اي كسر واذا تبون الكسووور راسلوني على الخاص واعلمكم بالكسوور اللي يكتبها شعراء تعتبرونهم كبار في المنتدى وهم يجيبون ابيات مكسره وانتم تمرون عليها مرور الكرام .ارجو ان تقبلون نقدي بصدر رحب

حياك ربي
ومادام انك قلت تعديلنا هو المكسور
فانا اشك في قدرتك على اكتشاف الابيات المكسوره لكبار الشعراء
واتمنى ان تعلمنا بالكسور هنا وليس على الخاص اذا كنت واثق من معلوماتك
ليستفيد اكبر قدر من القراء من خبراتك
الله يسعدك
تحياتي

[محتري الميعاد]

القصيده عموما جميله والاشاره الى ما تحتويه الابيات من تعديل أجمل.
لكي يستفيد من يريد أن يتعلم وزن القصيده وتبقى للشاعر حريه المشاركه
وكسر حاجز الخجل من النقد الذي قد يتعرض له ويقتل فيه الابداع.
ودمتم

[نديم المجره]

القصيده عموما جميله والاشاره الى ما تحتويه الابيات من تعديل أجمل.
لكي يستفيد من يريد أن يتعلم وزن القصيده وتبقى للشاعر حريه المشاركه
وكسر حاجز الخجل من النقد الذي قد يتعرض له ويقتل فيه الابداع.
ودمتم

لله درك
تحياتي

[الحزوبر]

حياك الله يانديم المجره والتعديل اللي يقول مجرب ولاهو بحاجتن للتجاريب مكسور واذا عندك شك اسأل خالد الوقيت ويعطيك العلم اما ليش قلت ارسل على الخاص لان ماودنا بالتشهير لبعض زملائنا كذلك بالنسبه لمقدرتي الشعريه اذا كنت ماتعرفني فالميدان ياحميدان اقلط محاوره مباشره وابشر باللي يسرك ويبين الذهب من النحاس ولك خالص التحيه

[نديم المجره]

حياك الله يانديم المجره والتعديل اللي يقول مجرب ولاهو بحاجتن للتجاريب مكسور واذا عندك شك اسأل خالد الوقيت ويعطيك العلم اما ليش قلت ارسل على الخاص لان ماودنا بالتشهير لبعض زملائنا كذلك بالنسبه لمقدرتي الشعريه اذا كنت ماتعرفني فالميدان ياحميدان اقلط محاوره مباشره وابشر باللي يسرك ويبين الذهب من النحاس ولك خالص التحيه


كفو يالحزوبر
وليش مانسأل خالد الوقيت
وانا سوف ارسله ارابط على الخاص
وانا والله ما اقدر اتحكم بالشعر
ولو بغيت اكتب قصيده في موضوع معين ما اقدر
القصيده هي تجي من حالها
ودام فيها محاوره اعتذر وانسحب
ولكن فسر لي هذا البيت من احدى قصائدك:
احمدالله يوم طاحنّ الرجوعي = http://www.mekshat.com/vb/clear.gifhttp://www.mekshat.com/vb/clear.gifوالفتوق اللي من اول خايطتها
الله يسعدك
تحياتي

[الحزوبر]

اولا اقول حياك الله اخوي ابوعبدالرحمن وماعليك زود ثانيا انا اسف على اسلوب الرد وارجو السموحه ثالثا بالنسبه لمعنى البيت كنت اتحمد الله على الرجوع وهي المطر العام والفتوق يسمونها البدو فتوق اذا صار الوسم سحايب وتلقي منطقه عليها وسم ومنطقه اخرى بين منطقتين ماحاشها الوسم فيسمونها فتق وجمعها فتوق فلما يسر الله وطاحت الرجوع اي المطر العام انخاطت الفتوق اللي بين سحب الوسم . ولك خالص التحيه

[بن عويف]

القصيده عموما جميله والاشاره الى ما تحتويه الابيات من تعديل أجمل.
لكي يستفيد من يريد أن يتعلم وزن القصيده وتبقى للشاعر حريه المشاركه
وكسر حاجز الخجل من النقد الذي قد يتعرض له ويقتل فيه الابداع.
ودمتم

كلام 100٪
وينبأ عن رقي فكري وأدبي
لاهنت ومن يقرا
-----
رساله لبندر :
لابد من طرح قصيدتك في اجندة مجلس جامعة الدول العربية

[بندر842]

السلام عليكم
هذي القصيده بصوتي واعذروني ع التاخير
https://www.youtube.com/watch?v=Jc4HaXyR0eo&feature=youtube_gdata_player

[بن عويف]

الرابط لا يعمل يا كحيلااااان
لا على الجوال الأيفون
ولا ع المكتبي اليوتيوب

[بندر842]

https://www.youtube.com/watch?v=Jc4HaXyR0eo&feature=youtube_gdata_player

[بندر842]

انا والله عليمي ورفعت الفيديو على اليوت يوب ومدري طريقتي صح والا غلط بس الرابط نسخته عندي بالملاحظات وادخل عليه ويشتغل جوالي جالكسي

[بن عويف]

لاهنت عسا عمرك طويل
بس انا ما قبل يشتغل معي
نشوف الاخوان
يمكن المشكله عندي

[س.س.التميمي]

صح السااااااانك يالشاعر

[بندر842]

صح السااااااانك يالشاعر

صح بدنك وشاكر لك مرورك

[ريف النشاما]

مشاء الله تبارك الله

وش ذا الصوت الرائع والأداء الأروع
:):)
لالا أنت شربكت عمرك ،، ماعاد نبيك تكتب نبي قصايدك صوتيه

وتقول غشيم مشاء الله ذا الصور الحلوة والإخراج وتقول عليمي

بسم الله عليك


صح لسانك

Jc4HaXyR0eo

[خالد الوقيت]

مساكم الله بالخير


امسي على اخواني الشعراء الكرام


اشكر لكم ثقتكم فيني وان دلت على شيء انما تدل على طيب انفسكم وسموها


وانا بدلي بدلوي معكم بصفة متذوق فقط وانا واحد منكم وجاي اشارك واستفيد


1/ البيت الأول لقصيدة اخونا بندر :

اللي اليا حان الوعد قال قدام... مجرب ولاهو بحاجة تجاريب


اللي اشوفه انه سليم من الكسر وان تعديل الأخوان في غير محله


وان كنت اتمنى لو قال اخونا بندر : مجرّبٍ ماهو بحاجة تجاريب


ليكون اخف واسهل


2/ البيت الآخر

مادام حظي مع هل المعرفه قام = جعله يموت مع اهل الشك والريب


انا اوافق اخوي نديم بالتعديل وانه يقي البيت من الثقل


3/ عوج المناصيب احب لي من عوج النواصيب والمعنى واحد


وان كنت اتمنى لو قال تحت عوج المناصيب لانه اصح في المعنى


4/ البيت اللي فيه القدر والمكاتيب اعتقد ان الواو سقطت خطأ والشاعر ذكرها في الصوتية

5/ البيت الأخير سليم


هذا حسب رأيي الشخصي وانا واحد منكم


تقبلوا تحيتي
.

[نديم المجره]

مساكم الله بالخير



امسي على اخواني الشعراء الكرام


اشكر لكم ثقتكم فيني وان دلت على شيء انما تدل على طيب انفسكم وسموها


وانا بدلي بدلوي معكم بصفة متذوق فقط وانا واحد منكم وجاي اشارك واستفيد


1/ البيت الأول لقصيدة اخونا بندر :


اللي اليا حان الوعد قال قدام... مجرب ولاهو بحاجة تجاريب


اللي اشوفه انه سليم من الكسر وان تعديل الأخوان في غير محله


وان كنت اتمنى لو قال اخونا بندر : مجرّبٍ ماهو بحاجة تجاريب


ليكون اخف واسهل


2/ البيت الآخر


مادام حظي مع هل المعرفه قام = جعله يموت مع اهل الشك والريب


انا اوافق اخوي نديم بالتعديل وانه يقي البيت من الثقل


3/ عوج المناصيب احب لي من عوج النواصيب والمعنى واحد


وان كنت اتمنى لو قال تحت عوج المناصيب لانه اصح في المعنى


4/ البيت اللي فيه القدر والمكاتيب اعتقد ان الواو سقطت خطأ والشاعر ذكرها في الصوتية


5/ البيت الأخير سليم


هذا حسب رأيي الشخصي وانا واحد منكم


تقبلوا تحيتي

.



رغم غلاي لك ولشعرك
اسمح لي اقول ان البيت مكسور حتى في القاء القصيده
وتعديلك على الشطر صح 100%
اعد النظر في الشطر الله يجزاك الجنه
واحكم
دامت للجميع المسرات
تحياتي

[بندر842]

مشاء الله تبارك الله

وش ذا الصوت الرائع والأداء الأروع
:):)
لالا أنت شربكت عمرك ،، ماعاد نبيك تكتب نبي قصايدك صوتيه

وتقول غشيم مشاء الله ذا الصور الحلوة والإخراج وتقول عليمي

بسم الله عليك


صح لسانك

Jc4HaXyR0eo


اخوي ريف النشاما اشكرك على مرورك المميز اتمنى انه فعلا اعجبك الالقاء والصوت ههههه وبالنسبه للاخراج هي كم صوره ضفتها عشان يصير مقطع فيديو واقدر ارفعه ع اليوتيوب ههه عجزت ارفع مقطع صوتي فقط شرفني مرورك وحياك الله

[بندر842]

حياك الله اخوي خالد وبيض الله وجهك مؤيد لك ولتعديلك على البيت.... مجرب(ن) ماهو بحاجة تجاريب ... ماعرف للحركات حطيت نون ههه
اما اخونا نديم المجره والله الظاهر انه يعاندنا هههه دامه حتى الالقاء فيه كسر الشكوى لله

[نديم المجره]

حياك الله اخوي خالد وبيض الله وجهك مؤيد لك ولتعديلك على البيت.... مجرب(ن) ماهو بحاجة تجاريب ... ماعرف للحركات حطيت نون ههه
اما اخونا نديم المجره والله الظاهر انه يعاندنا هههه دامه حتى الالقاء فيه كسر الشكوى لله

هلا بكم
مادامك ضدي مجبور اتنازل واجي معكم
ولكن تعديل خالد للشطر افضل
وماعدل خالد الشطر عبث
اما انه يبي يطيب خاطري انا وابن عويف
والا انه وجد ثقل بالبيت
الله يسعدكم
تحياتي

[بن عويف]

ما شاء الالقاء ممتاز
والقصيدة جزله بالحيل
اثر الكتابه تظلم القصيده
لكن تراها ما زالت تحتاح إلى تختور عظام
انت يا بندر فصيح
وتمشي القصيده صح
لكن لامنها غنّيت ظهر المستخبي
وانا ما زلت اقاوم مع نديم
وحضور خالد له مكانته وقدره
وضلع ما فيه كلام
احترامي

[بندر842]

هلا بكم
مادامك ضدي مجبور اتنازل واجي معكم
ولكن تعديل خالد للشطر افضل
وماعدل خالد الشطر عبث
اما انه يبي يطيب خاطري انا وابن عويف
والا انه وجد ثقل بالبيت
الله يسعدكم
تحياتي

حنا ماخربنا الا شاعر المليون خلانا ندقق في كل حرف بالقصيده هههههه مجربن ماهو بحاجة تجاريب مثلها مثل مجرب ولاهو بحاجة تجاريب من ناحة الوزن انا ايدت اخوي خالد لان الشطر ما اثر في وزن القصيده وهذا مو معناه اني ابي اغير البيت لا ولكن هذي وجهة نظره وانا اشوفها سليمه وكل شاعر له اسلوبه وقناعته وسلامتكم وبيض الله وجيهكم على التفاعل والنقاش اللي يقربنا من بعض اكثر وكل واحد يستفيد من الثاني ×

[بندر842]

ما شاء الالقاء ممتاز
والقصيدة جزله بالحيل
اثر الكتابه تظلم القصيده
لكن تراها ما زالت تحتاح إلى تختور عظام
انت يا بندر فصيح
وتمشي القصيده صح
لكن لامنها غنّيت ظهر المستخبي
وانا ما زلت اقاوم مع نديم
وحضور خالد له مكانته وقدره
وضلع ما فيه كلام
احترامي

حياك الله اخوي ابن عويف انت بذات مافيك حيله كتبت القصيده ولا اقتنعت والقيتها بصوتي ولا اقتنعت والان تبيني اغنيها هههه هذي قصيدتي وانا ماشوف فيها كسر وشاورت فيها ناس واجد وانا واثق 100%انها سليمه وماقالو فيها كسور لكن كل واحد له نهجه واسلوبه وعرفه احترمك واحترم وجة نظرك لكن لا انت تفرض علي قناعتك ولا انا افرض عليك قناعتي وسلامتك ويعلم االله انه اسعدني النقاش معك وبيض الله وجهك

[بن عويف]

والله انك سنافي
وانا ابصم لك انك رجل واثق من نفسه
١٠٠٪
واكبر دليل رحابة صدرك
والقصيده جزله ولا فيها كسور ابد
لكن فيها لكات
وقد تكون بسبب اللهجات
ولكن ترا اي قصيده غنها بشيله تتركب لها وراح تلاحظ الثقل واللكه اللي نعنيها
ويبدو لي اننا زودنا عليك بالحيل
ووالله لولا رحابة صدرك
كان بترنا السالفه منذ مبطي
احترامي

[بندر842]

للرفع .....