عندي مشاكل في الصيد

[اخر العنقود]

السلام عليكم ورحمة الله وبركاته على الجميع دووووووووووووووووووووووووووون استذناء

انا عندي مشكله واكيد عندكم الحل >>>>>>

انا طبعا اصيد من وقت بعيد يعني اكثر من عشر سنوات
بس المشكله اني ما اطلع اصيد الى لحالي يعني ما عندي خبره طبعا انا عندي طراااد واصيد في السيف في مناطق محضوووره ><
انا صحيح اصيد سمك يعني الحمد لله ان صدت جميع انواااع السمك من الكنعد ليييييييييييين القرقفان
بس مشكلتي الكبيره هو هل طريقة صيدي سليمه يعني مثلا تركيب الطعم في الميدار يعني احتمال ان تركيبي للطعم في غلط يعني لو اركب الطعم صح كان اصيد اكثر
بعدين هل اختيار الوقت المناسب مهم او ان البحر ما احد يعرف ايش الي داخله يعني سؤالي اشلون اعرف ان المنطقه الي اصيد فيها يوجد فيها سمك؟ او المسئله حظ + صبر

ارجو من خبراء الصيد انهم يفيدوني في هذي المسئله

ملاحظه : انا حاليا اصيد في منطقه الجبيل الصناعيه بطرااااد طبعاا الي يحب يشاركني الصيد حياه الله
واذا احد عنده طراااد في الدمام وخبير في الصيد يا ليت يقولي اطلع وياه عشان استفيد منه:D

[Alhzzen]

انا ماعندي طراد وانا بعد قليل في الصيد
تركيب الطعم ماله دخل في نوع الصيد اهم شي تثبته علشان السمك الصغيرة (الحراسين)) ماتفلت الطعم من الميدار
اختيار الوقت طبعا لابد منه

بس انا اقووووووولك الصيد البحري كله كله مسئلة حظ+صبر

لانك ماتدري شنو تحتك يعني تكتب على الخيط قرقفان فقط ولا هامور فقط

انت تحط طعمك ماتدري شنو الي يضرب لك واحتمال ماتصيد
واحتمال تصيد

شغلت المنطقة ممكن واحد يدليك منطقة ويقولك فيها هوامير وكنعد وسكن وفسكر
انت تروح نفس المنطقة المكان الي حط رجله فيها انت حطيتها هوو صاد وانت ماصدت

ليش؟؟


هذاا رزق من ربك
يعني ممكن تحط الطعم تمر يمك الشعرية تطالع في الطعم وتمشي
او تصيد هامور وتسحبه لطراد في سحبتك يطح
او تسحب شعم لسيف وتوه جا لشاطي يفتلت

هذاا الي اقدر اقولك
اذاا كنت ماتخبر المنطقه تبي تجربه تستخدم ميدار 11 12
يعتبر المتوسط بين الميدارات والاافضل

انت ثبت طعمك عدل وارم خيطك والي يجيك تراه من ربك

الله يرزقك انشاء الله بالصيد الي يعجبك

-**-ياليت من الشباب اذاا شافوو ملاحضة علي يقولون لي بنسبه للرد-**_

شــــــــكـــــــرا

[القبقب]

السلام عليكم ياخوي أخر العنقود
أنا أتوقع بأنك لاتتجهز بالطريقة الصحيحة للصيد يجب أن تكون لديك معدات
الصيد كاملة من ناحية الخيوط والطعم لازم تختار في البداية المكان الجيد للصيد عن طريق الاصدقاء ويمكن ألاستعانة بجهاز كاشف الاعماق

http://us.st11.yimg.com/us.st.yimg.com/I/fishfinder-store_1908_17775710
ويجب ان تختار مقاس الخيط والميدار والطعم المناسب لكل نوع من أنواع السمك وأهم شى تختار الوقت المناسب للصيد وأن تعرف موسم تكاثر الاسماك وخذ جولة في الخيمة البحرية راح تعرف معلومات أكثر .
ودمت سالم .

[اخر العنقود]

مشكورين على سرعة الرد اولا طيب ابي اسئلكم سؤال؟ صيد الشعري عارف ان في موضوع عن طرق صيد الشعري ما قصرو الشباب وفو وكفو بس ابي اعرف احسن الميدار فوق الثقال او الثقال فوق الميدار:confused:
اخوكم اخر العنقوووود

[القبقب]

الشعري أسهل من صيده مافي خاصة أذا كنت في الطراد ما أرفع الخيط
الا حلالى (دبل) وانا دائما أحط الثقل بعد الميدار .وسلامتك

[عاشق الموج]

الله يرزقك ان شاءالله عزيزي اخر العنقود بالصيد الكثير وتحصل جواب لسؤالك

ما عليش بحط سؤال في موضوعك للاخ القبقب بخصوص جهاز كاشف الاعماق

مدري اخوي القبقب هل هذا الجهاز الي هو الجهاز الي ذكرته كاشف الاعماق هل فقط ينفع في الطراد او ممكن استخدامه على السيف

وما هي المزايه التي فيه يعني هل يكشف ان المكان فيه اسماك سوا في الطراد او على السيف ؟ وماهي طريقة استخدامه ؟

ولكم تحياتي

[القبقب]

مرحب بعاشق الموج
بالنسبة لجهاز كاشف ألاعماق مايصلح غير في الطراد لانه يجىء معاه ملحقات
تركب تحت الطراد وهو يكشف عن الاسماك ويظهرها على الشاشة ويحدد مكان وجود السمكة مع الارتفاع ويجىء منه الان شاشة ملونة مع جهاز الملاحة ( في جهاز واحد) . gps

[سعيد العقير]

اخر العنقود شف ياحبيبي مثل ما قالو الاخوان تحتاج اولا الى معدات تساعدك في الصيد
2-طريقه شك الطعم مهمه جدا وخاصة اذا كنت تريد اصطياد سمك كبار الحجم يعني تحتاج الى ميبره (مسله -ابره كبيره)عشان تشك الطعم بالطريقه الصحيحه بحيث ما تقترب السمكه الا ولزم فيهاز
3-سؤال طعمك وشو (ميد-خثاق-ربيان-مصران للسبيطي-ربل خداع)لكل سمكه طعمها المفضل والشعري على اي شي
4-اذا تبي خوي في طلعة صيد بالطراد تراني خويك

[Skyline]

معلومات قيمة من الأخوان
وبالنسبة للجهاز عزيزي القبقب هل به ميزة حفظ الأحداثيات ،،
وماذا عن سعره وياريت لو تتكرم علينا بموقع او مواقع الشركات المهتمه بالعدد البحرية
ودمتم سالمين

[القبقب]

بالنسبة لسوال الاخ / سكاىلاين
الجواب نعم لانه الجهاز الجديد فيه خاصية كشف الاعماق والملاحة
وفيه الشاشة تنقسم الى قسمين قسم للاعماق وقسم للخرائط
وسعره فوق 2500 ريال وهذه صورة توضيحية له :


http://www.northeastmarineelectronics.com/ProductImages/humminbird/900937.gif

وهذه صورة جهاز بحري أخر ثلاثة في واحد : خرائط + كاشف الاعماق + رادار

http://www.northeastmarineelectronics.com/ProductImages/raymarine/c-series-C120.jpg

بالنسبة للمواقع أكتب في محرك البحث جوجل كلمة GARMIN
راح تلاقي المطلوب وجارمن تقريبا هى أفضل شركة في هذا التخصص
وشكرا.

[سعيد العقير]

اخوي اخر العنقود مرحبا هذا ايملي saeed-bn-m@hotmail

[Skyline]

شكراً عزيزي القبقب على التوضيح

[gulfhunter]

السلام عليكم ورحمة الله وبركاته

حياك الله اخوي اخر العنقود

ماشاء الله الشباب ماقصرو كل شي عطوك اياه بس انا قلت ابي اشارك معهم بالنسبه إلى الشعري يعتمد إذا طرحه او من مكان بالسيف ثابت .... خل الميدار بأخر الخيط ومن بعده البلد بمتر تقريباً ...

أما إذا سمار يعني الطراد ماشي ميدارين

الله يوفقك ويبارك فيك

[sailor]

بسم الله الرحمن الرحيم

السلام عليكم ورحمة الله وبركاته

لمن طلب مواقع تهتم بمعدات البحر

وهذا الموقع في جمهورية التشيك ولقد اشتريت منه بعد الشغلات الجميلة وأنا لا زلت هناك

تحياتي لكم وهذا هو الموقع

http://www.bohemiafishing.cz/inshop/scripts/price_list.asp?Level=6738


وبالتوفيق يا آخر العنقود وللجميع يا رب

[اخر العنقود]

مشكورين على ردووودكم الحلوه

وانا سعيد اني معاكم في هذا المنتدى الحلو والمفيد

بس في اوقااات يكون فيها الصيد حلو وفجاء يوقف الصيد ويرجع بعد ساعه او اكثر هل المفروووض اني اغير المكان او انتظر لين يرجع الصيد هذا سؤالي؟
ياليت تفيدوني في هذي النقطه
واي واحد يبي اي مساعده هذا ايميلي
shareef_z@hotmail.com (shareef_z@hotmail.com)
اخوكم اخر العنقود;)

[MARINE]

السلام عليكم ورحمة الله وبركاته


اخوي اخر العنقود الشباب بصراحه ما قصروا معك لكن خذ هذا الرابط ان شاء الله انه

راح يفيدك


http://www.gulfhunter.com/vb/showthread.php?t=6 (http://www.gulfhunter.com/vb/showthread.php?t=6)

[بورهف]

اخوي اخر العنقود
ودي افيدك لكن الشباب وفو وكفو
وبالنسبه للشعري لاتشيل همه انت عطه ميدار لو فاضي وباذن الله انك بتصيده
انا اصيد في الجبيل والصيد عندكم ممتاز ماشالله ((على السيف طبعا))
اخوك بورهف

[غـــشـــام]

اخوي اخر العنقود
ودي افيدك لكن الشباب وفو وكفو
وبالنسبه للشعري لاتشيل همه انت عطه ميدار لو فاضي وباذن الله انك بتصيده
انا اصيد في الجبيل والصيد عندكم ممتاز ماشالله ((على السيف طبعا))

[بورهف]

غشام لاتقلد

[بورهف]

اخوي اخر العنقود بما انك من الجبيل ياليت تفيدني باماكن الصيد عندكم