استفسار (ماطور الهواء ) افضل نوع ياليت الكل يشارك لتعم الفائدة

[Y056]

السلام عليكم ..


مسااائكم الله بالخير..


وكل عام وانتم بخير ..


ندخل بالموضووع ..!


مواطير الهواء تعددت الانواع وصرنا مانعرف وش الزين من الشين


قالو ابوجمل افضل شي واشتريت واحد صيني راسين والله كويس


بس مهب مره سريع بالتعبئه


وشفت عند السنيدي ماطور ويمدحونه


ياليت الي جرب ماطور كويس يعلمنا ويدلنا على افضل المحلات


سواء ببريدة ولا بالرياض ..؟

[عساس سهيل]

عندك ماطور ابو جمل تراه ماطور ممتاز و عملي بالحيل
طبعا انا شريته من محل لوازم رحلات صغير قبل اكثر من ست سنوات
لكن انتبه للاصلي من التقليد
و للمعلومية ترا الموضوع هذا قد تم مناقشته من ذي قبل بالمنتدى نفسه و شكرا

[اكسبدشن 2012]

عندي ماطور السنيدي شريته ب450 ممتاز جدا وينفخ الكفر بسرعه

[خالد الغنامي]

ابو جمل لحاله

[اصيل نجد]

اخي الغالي لاتعدى ابوجمل بشرط خذ الاصلي وللضمان اقتناء الاصلي رح للوكيل بشارع الغرابي وريح راسك لااني شفت واحد من الزملاء انخدع بابو بستمين يوم فكه ماحصل خير بستم واحد ومكان المقابل فاضي بس قفش ديكور لازم الجميع ينتبه للنقطه هاذي يااخواني

[Y056]

الله يعطيكم العافيه على الردود اخوي بشارع الغرابي وين بالضبط

[اصيل نجد]

الله يعطيكم العافيه على الردود اخوي بشارع الغرابي وين بالضبط


هلا باخوي تحصل محل الشراع وانت داخل لشارع الغرابي من الشمال للجنوب تجيك اشاره يمين او يسار تروح يسار 300 متر يجيك على اليمين وانت متجه شرق ربي يحفضك

[ذيبان 2000]

ابو جمل من الشراع في الغرابي

[ابوفهد 1]

أفضل مواطير ابو جمل ( التيربو ) وقيمته ( ٤٥٠ ) ريال

والكفر ما يعوق معه

[قاموس المحيط]

وعندك ماركة تايقر ممتاز ...

نقطة هامة ,,,,,,,,,,,

اسئل عن قوة ضغط الهواء

أظن المديلات الآن فوق 200 مليبار

[الرمز الشامخ]

اأيفوتك ماطور الرمايه رهيب جدا