مشكله سييرا 2008

[Lover gmc]

قريب لي اشترى سييرا 2008 زد سفن ون

وطلع فيه مشكله عويصه ماعرفنا له حل .. علما انه ماشي 190 الف

راح اقولكم كيف .. لاني جربته

الموتر كان بارد .. شغلت ومشيت تقريبا 10 دقائق يوم انه احتمى وصار طبيعي

فجأه جاني انذار ( طاقه المحرك منخفضه )

ادعس مايمشي الموتر خير شررر حده 20 او 30

وقفت الموتر .. ومير يطفى

اشغل مايشتغل

وحطيت القير ب p .. وجلست شوي واشتغل

ويوم حطيت القير ب d طفى

فيه ملاحظه يوم اجرب الموتر :

السياره بالنمره الثانيه لادعس لا اخر شي

الار بي ام يعلق على 6 كانه يتفتف وبعدها يعشق .. تتوقعون ملعوب بالبرمجه ؟

تتوقعون من طرمبه البنزين ؟

انا اتوقع هالاشياء

وش رايكم .. ماودي يلعبون علينا العماله

[ls1.5700]

الشغله بسيطه
المشكله من حساس الدعسه وجميع السيارات الحديثه فيها المشكله
حاول تفصل صبع البطاريه السالب 33 دقيقه او اكثر
ان شاءالله تعيد برمجه وينمسح رمز الخطاء (الكود )من الكمبيوتر
ويرجع طبيعي
ان مانفع حاول تنظف الثرتيل ( الهاه ) في بخاخ اسي ديلكو
ونظف الفلتر حق الهوء
ونظف الحساس الي راكب في الخرطوش ( في بخاخ خاص للكترونيات )
ويضبط معك ان شاءالله

[Lover gmc]

الثروثل سهله

وفك اصبع البطاريه سهله

لكن وين مكان حساس الدعسه ؟

الله يعطيك العافيه

[mekshaat]

حساس الدعسه هو الحساس اللي راكب فوق
الخرطوش حق قربة الهوا كانو يسمونه حساس
قربة الهوا والآن انتشر بمسمى حساس الدعسه
وأنا مثلك ماكنت أعرفه بالاسم هذا بعد ماسألت
عنه طلع حق قربة الهوا لخبطونا بالاسم.

[tevo]

من الثرول او من حساس الدعسه داخل السيارة يا تنضيف او سلك منفصل او خربان فيه موضوع بالمنتدي يتكلم عن المشكله بالتفصيل ان لقيته حطيته لك او الله يعينك تدوره

[ls1.5700]

الثروتل بدي هو الحساس اللي راكب على الهاه تحصله راكب على جنب الهاه
المشكله قد تكون منه او الحساس اللي راكب على الخرطوش وهو المسؤل عن
التحكم في دخول الهوى 00
قد يكون متسخ او متجمع عليه كربون
بس انا انصحك تروح لمحل فحص كمبيوتر وهو يطلع لك العطل مباشره
ويمسح رموز الخطاء من الكمبيوتر
وان شاءالله يضبط معك ولا تحتاج تغيير قطع غيار