ابغى فكره وحل لمشكلتي

[منصور الحجي]

السلام عليكم ورحمة الله وبركاتة

اخواني الله يسلمكم من كل شر اخوووكم ساكن في الدور الثالث وتعبت من طلعت الدرج وبالذات بالمقاضي واصطوانة الغاز وجراكل الموية
ابغى فكرة وحل لمشكلتي ... ونش ،، ماطور ،، دينمو ،، اي شي

ملاحظة : الدرجة فيه بهو ( منور ) عرض متر في مترين اقدر استفيد منه بوضع احد تلك الافكار مثل فكرة المصعد بس بسلة

احتري ردكم

[__abo saleh__]

الجراكل لها حل
هي انك تركب فلتر ماء قيمتة ماتتعدا 500 ريال وتقدر تنقلة لاي مكان تبغاه

[منصور الحجي]

الله يبارك فيك

اقصد ابغى الفكرة مثل المصعد

[أبو نور]

ركب ونش أيطالي كهربا 200 كيلو أنا مركبه عندي بلبيت ونفس طريقه الدرج في منور ومركبه ومركب فيه سله حديد لحمل الأغراض تنزيل وتصعيد وصغير بلحجم ومفصل له تلبيس عشان مايشوه منظر

[لاتكب البيالة]

شارع الريل تحصل فيه ونوش صغيرة مثل اللي تستخدم بالعماير لرفع الرمل والبلوك ويركب له قاعدة بالسطح

[wafi4sa]

ونش وريح راسك لكن خل استعمالة من قبلك فقط واحذر من المخاطر استخدام الغير

[اصيل نجد]

يطول عمركم كما عهتكم كان براسي فكره قبل اقراء الردود وماشالله تبارك الله الحلول وصلت ربي يوفقكم سنايدي والله اسره وحده

[الرحال2222]

الماء فلتر ما عند سمنان قيمتة 1050 ريال
حتى الكلور يشيلة من الماء وفية وزنية للاملاح تتحكم فيها خليها على 100 بس
ركبت منة اثنين واحد عندي وواحد للوالدة ومرتاح لها حيل من ثلاث سنوات

[AL8AI9ER]

الله يجزاك خير اعتبرها لياقه وخصوصآ الأشياء متوسطة الثقل يعني من 10 الى 15 كيلو اما مافوق فركب ونش افضلك فيه يدوي رخيص وفيه كهربائي وهو شوي غالي لكن اريحلك

[ابن العودة]

الشباب كفوو ووفوو
( بنسبه للونش انا اضم صوتي لهم )
بنسبه مثل ماقال اخويAL8AI9ER
الاغراض الصغيره اعتبرها رياضه
ونسبه للغاز والاشيا الثقيله زود خمسه ريال خل العامل يرقيها لك
( ربي ارزقني ورزق مني )
والونش تراه فكره طيبه :good2:
تقبل تعقيبي واسف ع الاطاله

[ا لطرقي]

بالنسبة لاسطوانات الغاز فاقترح وضعها في المكان الي ذكرته او في الدرج اوالممر وتوصيل اللي لها وبذلك تكسب توفير الجهد واهم منه الامان في لاخطار لاقدر الله والاغراض الاخري واهم منها اذا كان لديك زيادة في الوزن فانصحك بتغيير السكن لانه سوف تتاثر المفاصل وخاصة الركب وذلك علي المدي البعيد

[حب لاينتهي]

الموضوع جميل بحكم السكن في الشقق

الأخوان الي مركبين الونش ياليت الصور

للفائده قديستفيد الجميع بالصور

بارك الله بكم

[منصور الحجي]

الله يعطيكم العافية

ابو نور ياليت تزودنا بطريقة تركيبة بالصور الله لايهينك

[سهم 30]

اسمع وأنا اخوك
أنا في الدور الثالث وجنبي أخوي
وكلنا خلينا الأسطوانات تحت ومدينا الاهواز من الدور الأرضي إلى الدور الثالث ويوصل لنا الغاز
ومرتاحين صار لنا 7 سنوات
شكرا

[samer21]

أنا زيك بالدور الثالث لكن حليت قضية الغاز ببوتقاز كهربائي في حالة انقطاع الكهرباء دافور صغير متوفر للفزعة

لكن الماء استفدت الحين من زملائنا الأعضاء اللي ركبوا فلتر وعطوني فكرة عنها

أما المقاضي فالظاهر رياضة زي ما قال أخوي AL8AI9ER

الله يجزاكم خير جميعا

[قلايد الخيل]

ماقول الا الله يعينك
وشكل افكار الشباب زينه مع اني مافهمتها

[منصور الحجي]

الله يبارك فيكم

واشكركم على طرح الافكار النيره

[منصور الحجي]

ياليت صوووور للافكار لاهنتم