تقطيع في بداية تشغيل الفتك ؟

[nejjer]

السلام عليكم

عندي مشكلة في الفتك موديل 2008 وهي انه اذا شغلت الصباح سواءً في صيف او شتاء يقطع ويترتر لمده ثلاث او اربع ثواني واحيانً مايشتغل الا من الدقه الثانيه وبعدها يصفي صوته مع العلم ان الموتر صافي مره ولا فيه تقطيع الا اذا وقفته لمدة ست او سبع ساعات غيرت صفايت البنزين والبواجي والمشكله مازالت موجوده

ارجوا من لديه خبره يدلنا على المشكله الله يجزاه خير

[sgl2002]

عندك ثلاث حاجات مسؤولة عن هذا

الخرطوش اللي بين قربة الهواء والثلاجة لو كان به شق بسيط يسوي هالحركه
الشي الثاني كتاوت الطرمبة حقت البنزين اللي على يسارك عند ركبتك اليسرى تلقاه على وشك يخرب

الشي الثالث وهذا احتمال ضعيف وهو طرمبة البنزين

[ls1.5700]

الله والعالم انها طبيعيه اشوف موتري زي كذا
اول مااشغل يتفتف 3 او 4 ثواني ووبعدين يرجع طبيعي
مع العلم انه صافي ولا فيه شي
طبعاَ موتري فتك 2006

[nejjer]

عندك ثلاث حاجات مسؤولة عن هذا

الخرطوش اللي بين قربة الهواء والثلاجة لو كان به شق بسيط يسوي هالحركه
الشي الثاني كتاوت الطرمبة حقت البنزين اللي على يسارك عند ركبتك اليسرى تلقاه على وشك يخرب

الشي الثالث وهذا احتمال ضعيف وهو طرمبة البنزين

كلامك صحيح بس الاشياء اللي ذكرتها اذا خربت يكون الموتر ماهو صافي ابد بس انا موتري مشكلته بس في بداية التشغيل اذا كان بارد واذا شغلته بعد ثلاث ثواني يصفي على طول ولا يقطع ابد

[nejjer]

الله والعالم انها طبيعيه اشوف موتري زي كذا
اول مااشغل يتفتف 3 او 4 ثواني ووبعدين يرجع طبيعي
مع العلم انه صافي ولا فيه شي
طبعاَ موتري فتك 2006

انا اول كنت اقول طبيعي بس ذاك اليوم طالعين في البر وامرحنا والصبح شغلت موتر خويي ومن اول نقره اشتغل وصافي مره بعد هذي حسيت انت موتري فيه شي ماهو صحيح بتشغيلته علماً ان موتر خويي 2005 ولعن الموتر لعن

[صباح القايله]

أنا لي ٣سنوات نفس المشكله ولا لقيت له حل تروح وترجع ماله وقت محدد لكن في البراد اكثر تكون إذ لقت له حل عطنا خبر وشكرا

[nejjer]

أنا لي 3سنوات نفس المشكله ولا لقيت له حل تروح وترجع ماله وقت محدد لكن في البراد اكثر تكون إذ لقت له حل عطنا خبر وشكرا

انت لك ثلاث سنوات وانت تعاني من المشكله بس هل بحثت عن المشكله او لا وش هو موترك

[ابو العطاء]

كتاوت الطرمبه اللي علا يسار السايق بالظبط اي وحده
ممكن احد يفيدنا وشً مكتوب عليها
لاني فكيت الفيوز ما عرفت اي وحده

[الا سير]

انا معي جكسار وكانت فية نفس التفتفة الي تقول
ونظفت الثروتل وراحت
هذا الي عندي ارجوا اني افدتك

[azq]

غير صفاية الوقود

[nejjer]

انا معي جكسار وكانت فية نفس التفتفة الي تقول
ونظفت الثروتل وراحت
هذا الي عندي ارجوا اني افدتك

التفتفه في بداية التشغيل الصباح وتروح او انها على طول؟

وانا والله ودي افك الثروتل انضفه بس ماودي اتعبث بشي لين اتاكد منه

[ترنزام 1972]

السلام عليكم اخي الكريم انا كان عندي نفس المشكلة في التاهو الصباح لمن يشتغل يتفتف شوية بس يسخن تروح التفتفة وبعد فحص والعذاب اكتشفت انة في تنسيم في وجة الثلاجة غيرت الوجة وراحت المشكلة والحمد لله في طريقة ممكن تعرف اذا في تنسيم في اي مكان في المحرك بس بصراحة مني عارف كيف اشرحلك هيا راسلني وانا احاول ارسلك هيا فيديو

[nejjer]

هلا اخو ترنزام انا مانزلت هالموضوع الا عشان استفيد انا وغيري من الاخوان ونشوف التجارب وانت الله جابك لنا ياليت اخوي لو ترفع الفيديو علي اليوتيوب وتنزل لنا الرابط هنا عشان نستفيد

[صباح القايله]

هلا ومرحبا أخوي أنا بحثت عن المشكله لكن بنفسي من غير ورشات
نظفت الثروتل ويصير فيه تحسن لكن ما تطول وترجع
انت نظفه ولانتب خسران
لكن قبل تكفه افصل أصبع البطارية

[مثبت سرعة]

كانت عندي تفتفه نفس اللي تقول فحصت كمبيوتر بدون ما اقوله ان عندي مشكلة قالي عندك تنسيم بوجه الثلاجه
افحص كمبيوتر وشف
حاجه ثانية الثروتل بدي لازم تنظفه باستمرار بالكثير إذا أنت عجز كل 6 شهور