ياليت الي عنده الحل في مشكلة ماصورة ام خمس..!!

[خطاط]

السلام عليكم ورحمة الله وبركاته
كل عام وانتم بألف خير ان شاء الله
ياجماعة الخير انا خربت ماصورة الشوزن روسيه الصنع
بعد موسم الصيد قمت بتنظيفه ومن غير انتباه مني دخلت فيها بدل الريشه الاسفنجيه هذه القطعه وخربت علي الماصوره وهذه صورته الريشه
http://img607.imageshack.us/img607/1528/dsc07174cr.jpg



وهذي الصور ماسببته هذه الريشه في ماصورة الشوزن حد دائري خشن
http://img19.imageshack.us/img19/9789/dsc07169e.jpg


ايضاً للتوضيح اكثر
http://img843.imageshack.us/img843/7955/dsc07170r.jpg


ياليت ياجماعة الخير الي عنده حل لايبخل علينا فيه
او يخلف الله علينا فيها والله جديده الماصوره ولم استخدمها كثير
اتمنى من الله ثم منكم الحلول


http://img823.imageshack.us/img823/1069/rgrb.jpg

[مدمن مررقوق]

الظاهر انه بقايا بارود,, وترا حتى لو كان مخش ما يضرها ولا يعيبها

جب بخاخ التنظيف وحط على هالمحل وامرطه ونظفه بقطعه قماش وعلمنا وش صار معك

[ابو فالح برتا]

السلام عليكم ورحم الله وبركاته

جب لك صنفره ناعمه مره وصنفر بطن الماصوره لف الصنفره على الممراط الاسفنجي وامرط بطنها بس بشويش ولا تكثر الصنفره يعني لحد ما تشوف المشوخ راحة بس عليك با الصنفره الناعمه وبا التوفيق للجميع

[خطاط]

الظاهر انه بقايا بارود,, وترا حتى لو كان مخش ما يضرها ولا يعيبها

جب بخاخ التنظيف وحط على هالمحل وامرطه ونظفه بقطعه قماش وعلمنا وش صار معك
ياليت باقي بارود هذا بسبب الريشه وسببت خشونه داخل الماصوره وان شاء الله اذا لقيت حل سوف اخبركم حتى نفيد ونستفيد بأذن الله
الف شكر على المشاركه

[شاهين12]

السلام عليكم ورحم الله وبركاته

جب لك صنفره ناعمه مره وصنفر بطن الماصوره لف الصنفره على الممراط الاسفنجي وامرط بطنها بس بشويش ولا تكثر الصنفره يعني لحد ما تشوف المشوخ راحة بس عليك با الصنفره الناعمه وبا التوفيق للجميع

اتفق مع راي اخوي ابوفالح.

[كايد]

ياشباب الريشه هذي تصلح لصدا الماصورة أما البارود المترسب رش عليه w4 .

[سهم 30]

يفيدونك الاخوان

[معوكس]

يا رجال ما عندك الا كل خير باذن الله

هذا حد بيت النار ان كان ماني واهم طبيعي ولا عندك مشكله

مستحيل انها تسبب مشكله بالماصوره دايم واحنا ننظف فيها والحمد لله ما في اي مشاكل

موفق

[ابوفهيدان]

ان كان تقصد الحد الدائري اللي بالصورة
فهذا شي موجود اصلا داخل كل سبطانة وهو مكان الطلقة ويسمونه الشنمبر chamber
وبعدين لو تفرك من الليل الي الصبح بهالريشة ماراح تتضرر السبطانة ومستحيل
لان السبطانة مصنوعة من حديد صلب يختلف عن باقي اجزاء البندقية

وان كان تقصد النقوط اللي داخل التجويف فكل البنادق فيها هذا الشي من سبب الرمي
والحرارة

ماصورة بندقك ماشاء الله نظيييفة جدا كما واضح من الصور

[PATROL]

تطمن يالغالي هذي مهو مخش! هذا الحد اللي يجي بعد بيت النار ويسمى back bored ومنه بداية انطلاق كاس الحلبي وياتي اضيق من بيت النار chamber.

[خطاط]

ان كان تقصد الحد الدائري اللي بالصورة


فهذا شي موجود اصلا داخل كل سبطانة وهو مكان الطلقة ويسمونه الشنمبر chamber
وبعدين لو تفرك من الليل الي الصبح بهالريشة ماراح تتضرر السبطانة ومستحيل
لان السبطانة مصنوعة من حديد صلب يختلف عن باقي اجزاء البندقية


وان كان تقصد النقوط اللي داخل التجويف فكل البنادق فيها هذا الشي من سبب الرمي
والحرارة



ماصورة بندقك ماشاء الله نظيييفة جدا كما واضح من الصور


بارك الله فيك على هذه المعلومه المشكله ماهي اول مره انظفها.
لم اشهاد يوم من الايام هذه الدائره الا بعد ادخال هذه الريشه وبعد اخراجها شاهدت هذه الدائره وهي خشنه الملمس .
وللمعلوميه لم يتم ادخال الريشه هذه بكامل الماصوره فقط عندما توقفت تم سحبها فسببت هذه الدائره

[مدمن مررقوق]

حسبتك تقصد الوصخ اللي قبل حجرة الرصاصه !!

اما نهاية حجره الرصاصه طبيعي تكون بارزه وقارنها باي شوزن عندك

[mlikhunter]

والله جابهه الاخ المعوكس:::هذا حد الحجره (بيت النار )ولا تخاف لانه كيف سبطانه تتلف بشويه سلك ضعيف
قول ياالله ولاتخاف ...انا افضل استخدام منظف مع قطعة قماش..

[بدر الجنوب 07]

الله يسهل امرك

ماعندك الا العافيه

وبالنسبة للسبطانة هو كذا شكلها نفس السبطانة الي عندي

والدائرة على ماعتقد تمسك الفشق والرش يطلع من الماصورة

والله اعلم

[ابو تركي 500]

كلام ابو فهيدان ميه بالميه لاتخاف ولا شي هذا مكان حجرة الطلقه تطمن

[طير الطيور]

الافضل صنفره ناعمة

مجرب

وكان الخدش عميق لازم مخرطة

كان عندي ام وحدة ولا ضبطت وبعته لان ماصورته متحفرة من داخل

[راعي الشلفاء]

حتى ولو تمخشت مايضره لان الحلبي مايلمس الماصوره طالما الكاس موجود

[خطاط]

الافضل صنفره ناعمة

مجرب

وكان الخدش عميق لازم مخرطة

كان عندي ام وحدة ولا ضبطت وبعته لان ماصورته متحفرة من داخل
لا الخدش غير عميق بمجرد ان الريشه وقفت انا سحبتها لاكن سوت علامه وخدش فيها ولعل الصنفره تفيد فيها ان شاء الله راح اجربها والله يعين.

[خطاط]

حتى ولو تمخشت مايضره لان الحلبي مايلمس الماصوره طالما الكاس موجود
عندما المس هذه الدائره احس انها مثل الي فتح سنه وملمسها خش فأخشا ان الكاس ترده اذا الحلبي لايلمس الماصوره او تسبب مشكله لاسمح الله.
الف شكر على الرد

[talali]

هلا اخي انا لدي نفس المشكله فيه بعض النقوط في جزء معين من الماصوره

وديتها لصيانة الاسلحه قالو مايضرها والسبب هيا دقات خارجيه زي لما تركز البندق على حصاه وتجيها دقات

توثر عليها من الداخل