عتريس قرّب مربط الجمس مني..........الحل الججاج المصريين .....حله المزيدي ...وابوماريا

[ال-رايق]

السلام عليكم ورحمة الله وبركاته
أخواني هذه قصيدة تهكمية لوضع صاير عشته قريبا على الطبيعه /والقصة/استنتجوا منها الرمعه ومستعد للتجاوب معكم مع ان الرمع المتواصل بيكشف الشرشف مدري-الغطو-,:D,,وهذا المصري هو راع الفيات اللي قصد في اخونا الخامسي قبل فترة .,ومابغيت اقلب الابيات باللهجه بتوعهم عشان ما يتغير المعنى..فقط انتم تخيلوا الوضع وعيشوا القصه مع اننا لانأتي بشيء بالنسبة لشاعرنا الخامسي خصوصا الطرح الهادف.
واوجّه اللغز لأخي العزيز /ابونايف ..وانتم غالين والرمع للجميع ..مع ملاحظة توضيح المطلوب بصورة واضحه:

عتريس قرّب مربط الجمس مني=وافصل قبل اتشغله لمبة الريس
البهبهاني اصقع التندة بني=كامل مضمن عن جميع التضاريس
ادبل له الصاجات فولاذ لأني=عاوزه همر من تحت صد ومتاريس
اذا ركب فيه الأفندي يغنّي=ويولّف الأشعار لو هي هواجيس
ماتدري ان بعير الاشواق حنّي=واخاف تهمد نار شوق مراميس
واذا الفراعنه فيهو خمسين جني=انا دماغي فيه شيوخ اباليس
ونلعب بلوت ونقلب الحكم صني=ونلعب على صدر البتاع والفيس
ماردنا شيعي ولا زول سني=والأنظمه تشخيط وسط القراطيس
خلال ساعه الموبايل يرني=بعد البواكو تخرج من معبر الكيس
تأشيرة زيارة ولو خاب ظني=عمره وحج وبعدها ارحل لباريس
مصنع سمي الكيك او زين زنّي=مكعبات الثلج ولحمة جواميس
وخل الفيات الله يبعده عني=خلّه لراع الجمس تكفى ياعتريس
ومع النويبع لو بغينا نثنّي=عادي اذا ان الكيس فيهو كم فليس
وسلامتكم
أخوكـــــــم/ال-رايق
مكشات/خيمة الألغاز

[المزيدي4]

وعليكم السلام ورحمة الله وبركاته
صح لسانك يا أبو مهند شاعر ومبدع ولا فيك حيلة
الله يسلمك من كل شر
وشاعرنا أبو نايف كفو الاسناد ويستاهل
بالنسبة للرمعة أقول والله الموفق
الفوضى والافتراش وعدم التنظيم الحاصل في الحج من بعض الحجاج هداهم الله
وتقبل تحياتي

[ابوماريا]

صح السانك يابو مهند
أبدعت وامتعت يالغالي
وأبو نايف يستاااااهل الإسناد

رمعة افتتاحية

التساهل مع الحجاج الغير نظاميين

[صقر السديرات]

صح لسانك ابو مهند
وياهلا وسهلا والحمد لله على السلامة
ابيات جميلة وتوضيف اجمل للهجات وتسخيرها في ابياتك
انت دائما لذيذ ورايق وابو نايف يستاهل
الرمعة ماتجي من رئيس محافظة الضلع الحمر
لكن واجب عليه يسلم ويشيد بكل ماهو جميل
يامرحبا بابو مهند
ودمت بخير

[ال-رايق]

وعليكم السلام ورحمة الله وبركاته
صح لسانك يا أبو مهند شاعر ومبدع ولا فيك حيلة
الله يسلمك من كل شر
وشاعرنا أبو نايف كفو الاسناد ويستاهل
بالنسبة للرمعة أقول والله الموفق
الفوضى والافتراش وعدم التنظيم الحاصل في الحج من بعض الحجاج هداهم الله
وتقبل تحياتي



تسلم الله لايهينك
وصح بدنك اخونا الغالي/ابو سعد
والله ماعليك زود
وهذا مجرد اجتهاد
وماسطره كفك خروجا من قلبك ياعسى يسلم قلبك -نيشان على الصدر لا اقبل بوضعه بالخزانه
والرمعه هي نتاج ما اطلبه وشفته
نبغى الله لايهينك :
1-الدوله اللي مامريت شبر في مكة الا انا وسطهم /ما اقول حولهم(عرفات-المرجم-الطواف السعي-السوق الخ)بشكل خرافي..ومانحسد المسلمين اللي المعبود يتباهى فيهم لكن ليه يلزقونها في حجاج الداخل المواطنين اللي يلبدونهم باغلى الاسعار ويلعبون عليهم واذا وصلوا هناك ماحصلوا شي واللي اخذ فلوسهم من نفس هالبلد اللي اعطي وجه اكثر من اللازم وعندي ادلة من ضمنها اخوي بلفوه والحمدلله تدارك الوضع وطلع مع حملة ثانية بخسارة 18000-3حجاج..او ينظمونهم زين.
2-كيف دخلوا -وهذي النقطة جابها المثالي الله يوفقه.
3-من اللي جابهم
اكملوا لو تتعاونون .
وتقبل تحياتي

[ال-رايق]

صح السانك يابو مهند
أبدعت وامتعت يالغالي
وأبو نايف يستاااااهل الإسناد

رمعة افتتاحية

التساهل مع الحجاج الغير نظاميين


صح بدنك
والروعه اكتمالها تواجدك وردك اضفى عليها الوجه الصبوحي
اخونا/ابوماريا
وكل عام وانت بخير
والرمعه /فكيت الباب الاول
نبغى التوضيح المقصود بالتحديد للي وضحته لخونا المزيدي وكل شي بالابيات
تحياتي لاعدمتك

[ال-رايق]

صح لسانك ابو مهند
وياهلا وسهلا والحمد لله على السلامة
ابيات جميلة وتوضيف اجمل للهجات وتسخيرها في ابياتك
انت دائما لذيذ ورايق وابو نايف يستاهل
الرمعة ماتجي من رئيس محافظة الضلع الحمر
لكن واجب عليه يسلم ويشيد بكل ماهو جميل
يامرحبا بابو مهند
ودمت بخير


هلا وغلا ومن العايدين
ويامرحبا عسى عمرك طويل اخوي/ابوفيصل
والقلوب شواهد-تراك ترحب بمن يغليك غلا قديم مايخفاك
تسلم على كل حال
دمت صديقا متواصلا مع الجميع

[ابوماريا]

منح المصريين تاشيرة حج وعمرة مجانا

مما أدى للازدحام الشديد

[المزيدي4]

تسلم يا أبو مهند الله يبيض وجهك
الدولة : نقول مصر
كيف دخلوا : مثل ما قال أبو فايز بالتساهل معهم
وأيضا بالتحايل وتمردهم على الأنظمة
من اللي جابهم :المهربين السعوديين واجد و المصريين ما يكودهم شي ولا يتحرجون من شي ..
أهم شي يوصل بأي طريقة وبأقل خساير ممكنة

[ال-رايق]

كفووووووووووووووو
لله درّكما
-------------------
الرماة المحترفين/الأخوان:
1-أبوسعد/المزيدي,,,,,,,,,,,و,,,,,,,,,,2-أبوفايز
-----------
الحل/واللي مطلوب له حل عاجل(زيادة حجاج مصر وغيرهم)
------------------
التوضيح:
كما ذكر اخواني واضيف حاجة:
ما امر شبر الا وفيه مجموعه من مختلف الاعمار والاجناس (الرضيع -الحامل-الخ..)حتى المجرمين وشفنا العجب وفي الطواف ومعي شخص من جهة اعلامية مسئولة حصل احد القذرين يعمل عملا تقشعر منه الابدان ويحلف لي انه مصري وجنب المقام وكلم العسكري ولا يدري وش صار واحتفظ بالتفاصيل احتراما لكل شيء نزيه ....كذلك الحملة اللي طلع فيها اخوي من الرياض/حملة ال..... ولدينا الايصالات واللي اخذ الفلوس منهم وقال نعطيكم التصاريح بالطائف لنها تجي من جده (مصري)وكان اخوي بيروح بسيارته الخاصة (واعطوه على قولتهم بومبه)واضطر يطلع مع حملة الدغيم جزاهم الله خير-تخيلوا هو ونسيبه وزوجته-,,لا واخواننا في النقطة يردونهم ويقولون مواطن لازم تصريح ودبروا انفسهم بمساعدة الله اولا ثم من لديهم حمية وغيرة .
بعد ان انهيت الحج بفضل من الله(طواف الوداع)ركبت ب100ريال الى عرفات مع مواطن يترزق الله غلقت معه الركاب الى الطائف لكن لأن سيارتي بعرفات طلعت معهم على سيارة (فان)وكل الركاب مصريين بعد معي في مرتبة قدام احدهم..وهاك الساعه امتساوي عندي كل شي قلت وين رايحين للطائف عملكم هناك؟؟؟؟؟؟؟؟
قال (احنا طالعين القاهرة عن طريق مطار الطائف)قلت ماشاء الله اجل عقب ذلفة حصني مبارك تسهلت اموركم قال السواق=المواطن(الله يضيق عليهم ياراجل -ضيقوا علينا بمكة ,,هيا صلي على النبي..قلت اللهم صلي عليه وسلم..تصدق بالله من شهر تمانية وهومّا رايحين جايين زيّ,,,,,والمصارية يسمعون ماعنده فيهم يطبخ ويغلي.
قلت ليش من شعبان قال لأن مدري مين اللي مايتسمّى(((انا موضح اسماؤهم بالابيات بطريقة ؟!)))كولّهم اصحاب مصانع الثلج وغيرهم ,,يجيبوا بتأشيرات زيارة وعمل (يحلف بالله 6000تاشيرة من مصنع واحد في مكة)وسمّاه ..........طبعا التفت يساري للمصري قلت معقول؟؟قال ومالوا ياعم عاوزين نرضي ربنا ,,قلت ياخي ربك سبحانه يتباهى فيك يوم عرفه لكن بامور زي كذا غش ورشوة وغيره,,وغيره----يعني ركبوا الجمس وخلوا لنا الفيات:D:good2:
-----------
على العموم ماقصروا من ارادوا الخير لضيوف الرحمن والله ما اقولها مجاملة او نفاق من اكبر الى اصغر...يكفينا سمو الامير احمد اثناء العرض العسكري -قام مشكورا بايقافه وقت الصلاة ومدّوا فرش الصلاة في جو سكينة العبادة...((فلتخرس السنة من يطالبون بالسماح بفتح المحلاات اوقات الصلاة)).
التنظيم مع انني احلف ان الاعداد فاقت 5مليون والله اعلم:
عرفات=سيء لأبعد الحدود مع كثافة رجال الامن والصحة وكل الوزارات الا ان الموقع اصلا مراوح مكانه ولايتحمل اعداد هائلة ومحاكيكم شاف الهوايل والمغامرات واخيرا لجأ مثل ال,,,:j,,, في الدفاع المدني وما قصروا الله يوفقهم .
الجمرات=ممتااااااااااااااااااااااااااااااااااااااا ااااااااز
الحرم=ممتااااااااااااااااااااااااااااااااااااااااا اااااااااااز
من ناحية الامن ممتاااااااااااااااااااااااز -تعاملا وخلقا وصلابة-
الا المرور لك عليه خصوصا مجاملته الزائدة عن الحد مع سيارات الكدادة والمخالفات واذا سألت الواحد عن درب قال دز للحرم مع اي طريق ياخي انا جاي من الرياض ما ادري قلت مايحتاج عرفتك من قولة دز:D
المرور من عرفات الى مزدلفة /مع كثرة الحجيج يصير مثل ارسال الاتصالات الخايس .
باعة متجولين شحاذين /تم التعامل معهم بكل حزم وانا احترم هذا الاسلوب ماعدا القلة حول الجمرات (تصدقون حصلت شحاذ والله انه قاعد يدق حنك بالتلفون ويكركر مدري منهي اللي تسولف معه,, بغيت امعط اللي في مجمعه:D)
للذمة ماسمعت كلمة شينه او نفخه من رجل امن بالذات المرور/ياحاج وخر الله يهديك ,,الخ!
========
آسف للاطالة ولكم تحياتي
والله الهادي الى سواء السبيل.
وللمعلومية لست مؤجّرا او ناقدا فعلي اصلاح نفسي قبل ,,لكنني احكي الوقائع بكل امانة وصدق

[ابوماريا]

كفووووك الطيب يابو مهند
وبيض الله وجهك على الطرح الهادف
وكثر الله من أمثالك

دمت مبدعا متألقا