اللي عنده خبرة بالباترول يتحفنا بشوره

[Azuzzz]

أولاً : الله لايصبح هالوجيه إلا بكل خير

ثانياً : عندي باترول91 غيرت زيته قبل 7أيام و عايرته اليوم طلع ناقص الزيت وهو ماقطع بزيته الا1000 كيلو تقريباً و ديته لكم ميكانيكي قالوا مكينه موترك تمام ! مع العلم ان الموتر مايدخن أبداً. بس ليش طلع الزيت ناقص اذا المكينه تمام


وياليت أحد يدلني ع موقع ورشة متمكنه في بريدة ودي أركب عندهم جنزير للدبل


ودمتم بألف خير

[مطر وربيع]

يمكن عايرته في ارض ماهي مستويه
لازم الارض مستويه وتعايره في الصباح بدري قبل ماتشغل حتى ينزل كامل الزيت للكارتير يعني يقعد ساعات ما اشتغل

[PATROL]

طيب ابسالك انت عايرت الزيت عند البنشري اول ماغيرت الزيت والا شغلت ومشيت؟
لانه صار لي موقف مع بنشري يماني رحت اغير عنده زيت وصب العلب كله بس يوم جيت اعاير الزيت الا ناقص ويوم تشاديت انا وياه بالكلام والكل منا متمسك برايه انا اقول نقصت العلب وهو يقول حطيتها كامله المهم جاء خويه جاب العلب وجلس يقطرها ويصبها بعلبه وحده الا هو مالي ربع العلبه اثري رفيقنا الاول يصب بسرعه ولايخلي العلبه لين تقطر اخينا فالله مستعجل ويوم صب الباقي وعايرت الا اوكيه!
والنقطه هذي الكثير يغفل عنها

[ابو محمد السهلي]

يالله حيه

اولا الزيت اللي غيرته لايكون تجاري مهوب اصلي-- ترا التقليد كثر

اما الدبل انا اشوف تاخذ دبل مجدد وعليه ضمان--من التشاليح/ ابن خضير ممتاز جدا واعتقد ٨٠٠ ريال
ركبت عنده دبل ممتاز

في تشليح بريده

[قناص الأشهب]

عندي نفس المشكلة ببترول موديل 90 المكينة موضبه ومن افضل ما يكون واعبي زيت وبعد مدة اعايرة وأحصلة ناقص
نزلت تحت الموتر بنفسي وأطالع في المكينة من تحت وأحصل لي يهرب زيت
شيك على موترك يمكن نفس المشكلة