جيب برادو 2010....

[بدر البير]

السلام عليكمل ورحمة الله وبركاته...حياكم الله...

عندي برادو 2010 لونه اسود ممشاه 84000 وعليها الموتر نظيف ولله الحمد ماجاه صدوم ولاجاه شي يارب لك الحمد وكل شي موجود في الصور الموتر عبداللطيف جميل سته سلندر اتوقع يفرق عن الفل الخليجي الاستبنه الخلفيه والفتحه والجلد والدفلوك ولا لي خبره والله في الفل ياليت اللي عندها معلومات يفيد الاخوان عموما الموتر ماعليه كلام وانا المالك الثاني له كان المالك الاول لبناني اخذته منه ماشي 38000 وعارفين مع لبناني يعني الموتر مدلل والموتر ولله الحمد ماعانيت منه ولافيه شي وسليم من البدي للبدي وقيور ومكينه ودفرنس ولك حق الكشف في اي مكان تبيه.....اخليكم مع الصور وان شاء الله تكون طالعه...الجادين في السوم يسومون هنا او على الجوال والموتر مادخل معارض وهذي اول مره اعرضه للبيع...الموقع الرياض...ماعليه اي تعديلات مثل ماطلع من الوكاله بيطلع من عندي ان شاء الله للمالك الجديد من غير شر....

رقم الجوال لقلة التواجد في المنتدى 0599992264

http://www.mekshat.com/pix/upload06/images/2012/10/mk35134_1 156.jpg
http://www.mekshat.com/pix/upload06/images/2012/10/mk35134_1 157.jpg
http://www.mekshat.com/pix/upload06/images/2012/10/mk35134_1 158.jpg
http://www.mekshat.com/pix/upload06/images/2012/10/mk35134_1 159.jpg
http://www.mekshat.com/pix/upload06/images/2012/10/mk35134_1 161.jpg
http://www.mekshat.com/pix/upload06/images/2012/10/mk35134_1 162.jpg
http://www.mekshat.com/pix/upload06/images/2012/10/mk35134_1 163.jpg
http://www.mekshat.com/pix/upload06/images/2012/10/mk35134_1 164.jpg
http://www.mekshat.com/pix/upload06/images/2012/10/mk35134_1 165.jpg
http://www.mekshat.com/pix/upload06/images/2012/10/mk35134_1 166.jpg
http://www.mekshat.com/pix/upload06/images/2012/10/mk35134_1 167.jpg
http://www.mekshat.com/pix/upload06/images/2012/10/mk35134_1 168.jpg
http://www.mekshat.com/pix/upload06/images/2012/10/mk35134_1 169.jpg
http://www.mekshat.com/pix/upload06/images/2012/10/mk35134_1 170.jpg
http://www.mekshat.com/pix/upload06/images/2012/10/mk35134_1 171.jpg
http://www.mekshat.com/pix/upload06/images/2012/10/mk35134_1 172.jpg

[بدر البير]

للرفع والله يرزقنا واياكم

[بدر البير]

للرفع،،،،،

[سعد العنزي]

ماشاء الله تبارك الرحمن الله يرزقك البيعه الموفقه

انا عندي هايلكس 2009glx غمارتين بااسمي وكاله ماشيه 114 الف كم والموتر ماشاء الله نظيف جداا

لو بغيت ازيدك رد علي

[بدر البير]

الله يرزقك باللي اطيب من موتري لكن والله خاطري بسيارة صغيره،،،،

[yos999]

كم سيم الموتر
وكم حدك؟

[سعد العنزي]

كم سيم الموتر وكم حدك به افضل

[بدر البير]

والله الموتر ماسيم وهذي اول مره يعرض للبيع،،،والحد مهنا حد والله يرزقنا واياكم

من واسع فضله

[yos999]

ما نعرف أسعارهن؟
كم يسوى بالسوق

[بدر البير]

والله يا يوس ان ماعندي علم ولكن الله يجيب الخير ويرزقنا واياكم،،،وهذا الموتر معروض ومنيب عجل على بيعته وانا الله اراد وجاه نصيبه بعناه والله يكتب اللي فيه الخير

[بدر البير]

للرفع،،،،والله يرزقنا واياكم

[yos999]

بانتظار سومات أهل الخبرة

[بدر البير]

الله يجيب الخير

[شروا الطيببين]

تبي هونداي اكسنت ٢٠١٠ فضي نظيفة عبارة عن دفعة مقدمة والباقي اقساط

[بدر البير]

الله يرزقك ياشروا الطيبين،،،،لا والله مالي نظر بالاكسنت ولا الاقساط عسى ربي يرزقك

[yos999]

لا نزال بانتظار السومات
لي رغبة بالموتر

[بدر البير]

الله يرزقك بس توه مافتح بابه ولا عرض الا بمكشات بس لحد الحين والله يكتب
اللي فيه الخير لك ولي....

[شروا الطيببين]

بالتوفيق وانا ما استخدم ولا احب اللون الاسود في جميع السيارات بس ناوي ابيعة واسدد البنك واقسطك اقل من البنك شهريا وانت تقول ابي سيارة صغيره لاحد الاعضاء وعندي سيارة غير الاكسنت وتحمست

[بدر البير]

الله يرزقك ياشروا الطيبين ومن يقرا

[yos999]

وين أهل الخبرة قيمةا الموتر كم يسوا

[بدر البير]

والله ماعندي علم ولا بعد دخلته السوق ولا بعد دخلته ولكن ان شاء الله

اذا جا علم والا دخلته بعد اسبوعين ونزلت السومه اللي يوقف عليها

في المنتدى،،،،،

[yos999]

الله يجزاك خير
ولا هنت نزل أي سومة عشان نبي عليها

[بدر البير]

ابشر بإذن اللي ماتنام عينه اذا سيم نزلتها في المنتدى...

[بدر البير]

ان شاء الله من بكره لمدة اسبوع بيكون التواصل عن طريق الجوال

لاني ماراح اكون متواجد ع النت بكثره....والله يرزق الجميع

[بدر البير]

للرفع والله يرزقنا واياكم

[بدر البير]

سيم الموتر قبل شوي بالجوال ١٠٥ والله يرزقنا واياكم.....

[بدر البير]

للرفع والله يرزقنا واياكم

[بدر البير]

الحد ١٢٠٠٠٠ الصامل يدق

[بدر البير]

وصل سومه من شريطية النسيم ١١٠٠٠٠ والحد ١٢٠٠٠٠ للي بيستعمل

[من شمر]

اخوي عندي الترا تماتيك جديده ماشيه حوالى 900 كيلو فقط اشتريتها ب 60 الف اطلب زودك

[بدر البير]

الله يرزقك بس والله مالي في الالنترا والله يرزقك ويرزقنا....

[الكنج20]

تقبل فيه اقساط واعطيك دفعه اولى ولك جميع الضمانات

[بدر البير]

الله يرزقك لا والله مالي بالاقساط

[بدر البير]

للرفع،،،،،

[جبل بركوك]

شكلك ماغيرت زيت القير اللمبة والعة ..!!

[بدر البير]

فعلاً ملاحظتك ياخي دقيقه ليت كل الناس مثلك كان الدنيا بخير

بس يمكن لاني داق السلف بس والا وش رايك طال عمرك اذا

دقيت السلف اخليها تولع والا اقولها تطفى انت تامر امر بس

نجيب لك تويوتا كلها عندك ونعطيهم اقتراحاتك الله يحفظك

من زود الذهانه بتغطي عليهم في الصناعه لو عندنا اثنين

مثلك كان صنعنا مواتر وما احتجنا نستورد من برا....

شكراً لملاحظتك،،،،

[بدر البير]

وصل السوم ١١١٠٠٠ والله يرزقنا واياكم

[صقارعزاااام]

فعلاً ملاحظتك ياخي دقيقه ليت كل الناس مثلك كان الدنيا بخير

بس يمكن لاني داق السلف بس والا وش رايك طال عمرك اذا

دقيت السلف اخليها تولع والا اقولها تطفى انت تامر امر بس

نجيب لك تويوتا كلها عندك ونعطيهم اقتراحاتك الله يحفظك

من زود الذهانه بتغطي عليهم في الصناعه لو عندنا اثنين

مثلك كان صنعنا مواتر وما احتجنا نستورد من برا....

شكراً لملاحظتك،،،،ياانت صلخته صلخ:D

[بدر البير]

للرفع والبيع هاليومين والله يرزق الجميع

[بدر البير]

تم البيع والله يبارك لراعيه....