اخاف يصادرون الجهاز...

[s-a15]

السلام عليكم ورحمة الله
شباب لو اني طلبت جهاز من برا ويوصل للسعوديه بفدكس ولا d h l تتوقعون انه يتصادر وهل احد جرب يسوي ذي الحركه؟؟

[زويحان 2]

اتوقع يتحول لهيئة الطيف الترددي و تراجعهم هناك

ويسألونك على النشاط إلي بتستخدمه و هل تحمل رخصه مزاوله

وسلامتك

بس حدد نوع الجهاز إلي بتطلبه و ش هو ؟

يمكن يكون عندنا بفارق بسيط ما تستاهل المرمطه هذه كلها

[ابوحموود]

اذا ماعندك رخصة هاوي لاسلكي اعرف ان الجهاز متصادر عليك

[يوزر نيم]

السلام عليكم :-
وش نوع الجهاز اللي تبيـــه ممكن تلاقيــــه هنـــا أو نساعدك بدون تعب وجمركه..
تحياتي و73..

[s-a15]

الله لا يعينكم
أنا أدور لي جهاز يدوي اهم شئ يكون أصلي ولقيت ايكوم v8 والله خفت لايكون مؤ أصلي وش السواة يا ذياااابه

[محمد-الرس]

الأجهزة الاسلكية وأجهزة السكنر بتتصادر مليووون بالميه ....

شوف كان واحد عنده جهاز أصلي
أو واحد يقدر يدبر لك جهاز جديد أصلي ...

للعلم كل الأجهزة الاسلكية الموجودة الأن مقلدة ورديئة ....

الا المتوفر فقط لدى وكيل أيكوم -دار البوصلة للتجارة .بالرياض فقط .
أو من بعض اللي شرو من وكالة الجهاز وأصلي 100% .

....

[icom2100]

تعقيبا على كلام الاخوة ..

الاجهزة من الخارج انت و حظك و لكن الغالب الان م تفتش وعلى حسب شركة الشحن و الاضمن ارامكس او ups و الاسوا dhl حسب خبرتي المتواضعه و لكن بالنهاية تعتبر مجازفه نوعا ما ،
بالطلبية الاخيرة طلبت لاسلكي ووصلني عادي و دخل دون اي جمارك او تفتيش ..

دمتم بود ..

[العمري 0]

سلام عليكم انا من المدينة ابغا جهازين لاسلكي ايكيوم او موترلا احصله موجود او لا وكم سعره

[ابوحموود]

تعقيبا على كلام الاخوة ..

الاجهزة من الخارج انت و حظك و لكن الغالب الان م تفتش وعلى حسب شركة الشحن و الاضمن ارامكس او ups و الاسوا dhl حسب خبرتي المتواضعه و لكن بالنهاية تعتبر مجازفه نوعا ما ،
بالطلبية الاخيرة طلبت لاسلكي ووصلني عادي و دخل دون اي جمارك او تفتيش ..

دمتم بود ..
اخوي ماعليش موكل مره تسلم الجره انا مرخص وجبت معي جهاز من خارج السعوديه وتصادر واخذت اوراق المصادره من الجمارك وطلعت للجهاز رخصه من هيئة الاتصالات وبعدين اخذت الجهاز بصفه رسميه والحمد لله