يجب تصليح جهاز تماسك العجلات بالارض

[sa100]

السلام عليكم ورحمه الله وبركاته
عندي تاهو2011 بدون دبل امس غرز تغريزه خفيفه واثنا محاوله اخراجه طفى وطلع بالطبلون يجب تصليح جهاز تماسك العجلات بالارض وحاولت اشغله مو راضي ولا يدق السلف تركته 5 دقائق وشغلت واشتغل ولمبه المكينه شغاله ومشيت وبعد ممكن 5 كيلو طفى واحاول اشغل مو راضي يدق سلف الابعد تقريبا 5 دقائق والى الان وهو على الطريقه كل شوي يطفى فصلت البطاريه وتركتها نص ساعه مافيه فائدة وانا امشي في بعض الاوقات تحس انه يحاول يطفي وترجع العدادات الي الصفر وتعود على وضعها

[sa100]

وين اهل الخبره

[خيآآآل]

السلام عليكم

نفس المشكله

يجب تصليح جهاز تماسك العجلات بالارض
ولمبه المكينه شغاله
وتفتفه
يوكن xl 2007

[Magellan]

اذا ولعت لمبة المكينة طبيعي راح تطلع لك علامة تنبيه بأن جهاز تماسك العجلات مطفىْ وكذلك ماتشتغل السيارة بالريموت
احد الاخوان حصلت له نفس المشكلة وفحص كمبيوتر وطلعت له بواجي واسلاك بواجي وغيرها وضبطت
اظف الى ذلك ياصاحب الموضوع ترى لو البطارية ضعيفة ترى تسوي حوسة ومنها طفيت العدادات وطفيت السيارة كذلك
حاول تغير البطارية قبل فحص الكمبيوتر

[خيآآآل]

اذا ولعت لمبة المكينة طبيعي راح تطلع لك علامة تنبيه بأن جهاز تماسك العجلات مطفىْ وكذلك ماتشتغل السيارة بالريموت
احد الاخوان حصلت له نفس المشكلة وفحص كمبيوتر وطلعت له بواجي واسلاك بواجي وغيرها وضبطت
اظف الى ذلك ياصاحب الموضوع ترى لو البطارية ضعيفة ترى تسوي حوسة ومنها طفيت العدادات وطفيت السيارة كذلك
حاول تغير البطارية قبل فحص الكمبيوتر

كلامك صحيح ماتشتغل بالريموت

بس فيه نتعه عند التغيير الاول

وتخرج ايضا يجب تصليح جهاز الثبات

[خيآآآل]

نأسف يا صاحب الموضوع على المداخله لكن المشكله وحده لعلنا نجد الحل سويا بدل ان نشتت انفسها وغيرنا في كثرة المواضيع

[Magellan]

خيال مشكلتك تحتاج تصفية
لكن صاحب الموضوع سيارته جديدة ولاتحتاج لذلك إلا من تغيير البطارية
لكل واحد منكم له حالته الخاصة

[It's Just Me]

خيال مشكلتك تحتاج تصفية
لكن صاحب الموضوع سيارته جديدة ولاتحتاج لذلك إلا من تغيير البطارية
لكل واحد منكم له حالته الخاصة

اتفق معك +1

[tevo]

يا جماعة الخير دام لمبة المكينة والعه يا افحصها او اشتر لك جهاز فحص صغير وبتعرف وش المشكله وتريح راسك انا عني شريت جهاز صغير وما انزله من السيارة ومرتااح لا ولعت اللمبه لكن البلا لا صارت مشكله بدون لمبة بالحاله ذي نرجع لكم وما نستغني طبعا بالحالتين :D

[sa100]

شكرا لك من شارك وطرح مشكلته كلنا هنا نفيد ونستفيد
اما بالنسبه لتغير البطاريه فتم تغيرها مع انها جديده ومافيه فائده وان شاء الله نلقى الحل

[Magellan]

عندك لمبة المكينة افحص المشكلة وعطني رقم الكود فقط

[sa100]

المشكله لم تحل الى الحين هل تنصحوني اوديه الوكاله

[AxR979]

اذا ما كانت المشكلة بالبطارية شيك على الحساس حق نظام الثبات stability تلقاه برمان الفلنجة

و الافضل قبل كل شيء تفحصه كومبيوتر

[رحال7]

اذا على الضمان يصلحونه بلاااااااااش
بس إذا ما عرفو له وإلا صلحوه ورجعت المشكلة كالعادة ترجع لنا والله يسهل أمرنا وأمركم وأمر كل مسلم

[sa100]

بعد الفحص بالكمبيوتر طلع
ECM
P0601
control module read only memory (ROM)

[Magellan]

واضح المشكلة كمبيوتر
يحتاج لك واحد مثل ذا
http://www.ebay.com/itm/07-08-09-10-11-TAHOE-CHASSIS-ECM-/221134672339?pt=Motors_Car_Truck_Parts_Accessories&fits=Year%3A2011%7CModel%3ATahoe&hash=item337ca751d3&vxp=mtr

[sa100]

الله يعطيك العافيه اخوي ماجلان بس ياليت توضح لي ماهي هذه القطعه واين تركب

[Magellan]

ياحبيبنا هذا الكمبيوتر
تشتغل السيارة وتمشي مشوار ثم يطفي فيك وتقعد 5 دقايق وتدق سلف ويمشي فيك لين يطفي
اشتره تشليح وبرمجه عند هاني بخاري بالرياض بـ300 ريال
او اذا هوعلى الضمان ومنتظم بالصيانة خلهم يزينونه ببلاش

[أصيل حجآ زي]

ما هو نظآم التحكـُم بالألتصآ ق TCS ونظـآم ثبآت الألتصآق للكفرآت على الطريق ESC . > (http://www.mekshat.com/vb/showthread.php?t=229018)

[sa100]

موضوع اصيل حجازي قريب من المشكله والله يعطيه العافيه وندخله الوكاله الاسبوع هذا ونعطيكم العلم لان الفنيين بالجنوب عندنا عجزوا

[sa100]

تم الاصلاح بالوكاله على الضمان والخراب كان بالكمبيوتر وتم تغيريه