المساعد الشخصي الرقمي

مشاهدة النسخة كاملة : وش رايكم بتطليع طيرين سوا ..... صوره


أبو شعلان
13/08/2006, 01:27 PM
بسم الله الرحمن الرحيم

إخواني الكرام مساكم الله بالخير جمع .

أبي كل واحد يعطينا رايه في تطليع طيرين سوا ,

هل هي ناجحه بأن يكون الطلع أوسع والبحث مستمر .

أو فاشله بأن الطيرين كل واحد يخرّب على الثاني .

ننتظر ردودكم

وإليكم الصوره وأعتذر على عدم وضوحها .

http://www.mekshat.com/pix/upload/images18/mk6045_20060714(003).jpg

،،،،،،،،،،،،،،،،، وتقبلوا تحياتي ،،،،،،،،،،،،،،،،،،
:j
صامت
13/08/2006, 02:13 PM
بسم الله الرحمن الرحيم
يعطيك العافيه اخوي بو شعلان والله شي طيب بس تدري وش الخوف لامن اطلعوا على حباره اثنيينهم هنا عاد يتهاوشون الطيور ويضيع الحق بينهم وتحتار مين تهد فيهم هههههههههههههه
عموما انا اشوف انها مهيب شي والشي لا زاد عن حده انقلب ضده
يعني لامنهم اطلعوا على الحباره قاموا يكفخن اثنيينهم واحتست انت وياهم وجزاك الله خير على هالصورة الزينه والسلام مسك الختام.
http://www.mekshat.com/pix/upload/sign/images/mk31997.gif
الباهي
13/08/2006, 02:47 PM
تصدق صوره عجيبه

طبعا انا رايي كل واحد يخرب على الثاني ولا بيدقون سوالف ولا هم دارين عن شي
ابوحافظ
13/08/2006, 03:01 PM
مشاءالله على طيوورك ربي يرزقك بحباااري وتهد كل طيوورك..



وفكرة طلع طيرين ممتازه وانا مجربه قبل يمكن واحد من الطيور يتفلا او يعبث بشي والثاني منتبه وان شاءالله مايرووح عليك شي.


يالله بالحيا المبكر ياعزيز يارحمن يارحيم... الله يرزقكم بالخير والربيع والصيد بأذن الله..


تحيااااااااتي..
ثامر نايف
13/08/2006, 03:35 PM
اخوي بو شعلان هذا يعتمد على طبع الطيرين اذا شافوا شي يتشابكن ؟؟ وبعد هذه الطريقة تخوف اذا شفت حبارة يتركن الحبارة ويتشابكن وتروح عليهن الصيدة والصيد قليل ....

تحياتـــــــــــــــــــــــــــــــــــــي
عناز
13/08/2006, 03:56 PM
الله واكبر يابوشعلان لو واحد من الطيور وجه ورا كان مايفوتك شى
أبو شعلان
13/08/2006, 07:11 PM
بسم الله الرحمن الرحيم

أخوي صامت
يامرحبا والله فيك ومشكور على مرورك بالموضوع .
كلامك صحيح ميه بالميه ولاهنت أخوي .

أخوي الباهي
شرفتني بمرورك بالموضوع وبردك الجميل .
أجل دق حنك وسوالف بس ههههههههههههههه

أخوي أبوحافظ
مشكور والله يعطيك العافيه على مرورك وردك المتواضع .
والله يتقبل منا ومنك إنشالله ويعجل بالحيا والربيع .

أخوي ثامر
ياهلا وغلا فيك ومشكور على مرورك بالموضوع
بس أنا قصدي الطلع بس ماهوب الهدد .
أكيد اللي بيهد واحد والثاني أبرقعه على طول.ومشكور مره ثانيه .

أخوي عناز
هذي الساعه المباركه اللي شرفتنا فيها . الله لايهينك على مرورك وردك الجميل
بس ولو ماعطيتنا رايك واحد وإلا ثنين .

أخواني مشكورين وماقصرتو

,,,,,,,,,,,,,,,,,,,,, وتقبلوا تحياتي ,,,,,,,,,,,,,,,,,,,,,
:j
اعقاب
14/08/2006, 01:15 AM
اخوي ابو شعلان
وين جاتك الصوره
الطير الايسر في الصوره اللي تغاتره
كان عندي الموسم اللي قبل الماضي
أبو شعلان
14/08/2006, 02:10 AM
بسم الله الرحمن الرحيم



ياهلا والله وغلا بخوي المري وهذي الساعه المباركه والله



الصوره أنا مصورها بنفسي

الصوره هذي من عام 1424هـ والطير لواحد من الربع وباعه بنفس السنه آخر الوقت على واحد من أهل الشرقيه ويظهرلي إن راعي الشرقيه ماقنص فيه قيضه بس , وشراه واحد من ربعنا وقنص عام 25 كله وماتوفق معه وباعه عقبها .

والطير كان بكر عام 23 وعليك الحساب وكان إسمه شموخ .



وهذي علوم الطير كلها



,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,,

:j
اعقاب
14/08/2006, 04:19 AM
بسم الله الرحمن الرحيم



ياهلا والله وغلا بخوي المري وهذي الساعه المباركه والله

الصوره أنا مصورها بنفسي
الصوره هذي من عام 1424هـ والطير لواحد من الربع وباعه بنفس السنه آخر الوقت على واحد من أهل الشرقيه ويظهرلي إن راعي الشرقيه ماقنص فيه قيضه بس , وشراه واحد من ربعنا وقنص عام 25 كله وماتوفق معه وباعه عقبها .
والطير كان بكر عام 23 وعليك الحساب وكان إسمه شموخ .

وهذي علوم الطير كلها

,,,,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,,,,
:j







بخوي المري


صباح الخير دقق في الاسم
انا اللي شريته بكر
ولاتوفق معي
وسلم على ابو يزيد
أبو شعلان
14/08/2006, 03:34 PM
بسم الله الرحمن الرحيم

هلابك أخوي عقاب

لاتواخذنا اللخبطه وراده مافيها كلام . عموماً هذ الساعه المباركه

ويوصل السلام بإذن الله

,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,,,
:j
نايف الخالدي
14/08/2006, 04:31 PM
اخوي ابوشعلان يعطيك العافيه
صوره قمه في الجمال وانا ماشوف فيها مشكله زياده الخير خيرين
عناز
14/08/2006, 07:47 PM
انا صراحه لا اوافق على تطليع طيرين وعلى تكايه وحده ولكن لابأس من تطليع طيرين واحد على التكايه والثاني على كف احد المرافقين بالسياره بالمقعد الخلفي ولا تنسى ان الصقور من فصيلة الجوارح
طير مهاجر
15/08/2006, 04:24 AM
زايدة الخير خيرين
طير مهاجر
15/08/2006, 04:32 AM
زيادة الخير خيرين
راعي عاصوف
15/08/2006, 03:33 PM
السلام عليكم انا اقول انه احسن انه اطيرين علشان أذا هذا ماشاف عدل اثاني بيشوف وهذا رايي وشكرن
أبو شعلان
16/08/2006, 05:25 PM
بسم الله الرحمن الرحيم

أخوي نايف الخالدي
مرحباً ألف وحياك الله وأشكرك على وجهة نظرك الله لايهينك .
ومشكور على مرورك بالموضوع .

أخوي عناز
وجهة نظر رائعه والحين عرفت إنك عود ههههههههههه
مشكور على مرورك وتعليقك الرائع.

أخوي طير مهاجر
ياهلابك يالغالي مشكور على المرور وماقصرت
وجهة نظر حلوه .

أخوي راعي عاصوف
مشكور أخوي يعني مايفوت شي بإذن الله . بس ماتلاحظ لو يتفلا واحد ويتحرك بيشغل الثاني ويقعد يناظره
ويلتهون عن الطلع .
عموماً مشكور على المرور وماقصرت .

إخواني مشكورين وماقصرتوا

,,,,,,,,,,,,,,,,,,,,,,,, وتقبلوا تحياتي ,,,,,,,,,,,,,,,,,,,,,,,,,,
:j
غـــشـــام
17/08/2006, 06:26 PM
اخوي ابوشعلان يعطيك العافيه
صوره قمه في الجمال وانا ماشوف فيها مشكله زياده الخير خيرين
<!-- / message --><!-- sig -->
أبو شعلان
18/08/2006, 10:22 PM
بسم الله الرحمن الرحيم

أخوي غشام ياهلا وغلا والله

وتشرفنا بمرورك وإبداء رأيك ... وتسلم يالغالي

,,,,,,,,,,,,,,,,,,, وتقبل تحياتي ,,,,,,,,,,,,,,,,,,,,
:j