تعبنا من التكسير في العيد نريد افضل ساطور لتقطيع اللحم !!

[aziz66]

تعبنا من التكسير في العيد نريد افضل ساطور لتقطيع اللحم !!
جمعنا واستعنا بكل السواطير في البيت من أجل تكسير وتقطيع لحم العيد !!!!
وللأسف رسبت جميعها في الاختبار !!!
نريد من تجاربكم أفضل ماركة ساطور يكسر ويقطع اللحم بسرعة البرق !!!
بارك الله فيكم

[شاص]

بالنسبة لي وبحكم كثرة الأضاحي اللي عندنا من وصايا وغيره بعد السلخ نقطع الذبيحة أثلاث ثلث يجمع للصدقة والباقي يجمع مع بعضه ونوديه لأحدى الملاحم ويقطعه بالمنشار على الحجم اللي تبي ويغلفه بصحون إذا بغيت

[أبو ذيب 77]

هلا بك اخوي aziz66 (http://www.mekshat.com/vb/member.php?u=54956) بالنسبه لاستفسارك عن التقطيع


اول شي اللحلم مايتقطع بالساطور واذا قصدك تكسير العظام يجب عليك قبل استخدام الساطور قطع اللحم اللي فوق العظم من المكان الي تبي تكسره لان اللحم يرد الساطور عن ضرب العظم...
وسع بالسكين اول حتى يتبين لك العظم ثم استخدم الساطور...


الساطور الكبير للتكسير بعد تنزيل الذبيحه من المعلاق والساطور الصغير للتكسير والذبيحه مابعد نزلتها اثناء تجزيئ الشلوع...
وافضل الانواع لاتهم كثير في السواطير لانها ادات كسر ولايهم حدها مثل السكين...


والتكسير قبل استخدام السكين للتوسيع يخرب اللحم لانك تضرب في عدة اماكن لعدم رؤية العظم وضربه

[عصا الترحال]

أفضل السواطير الموجودة عندنا
ماركة أبوفيل الياباني وارد الزهراني
وماركة ICEL البرتغالية
وماركة SAP الإيطالية
وماركة ARCOS
وأغلبها موجود في الرياض عند شكري في شارع الوشم بجوار عمو حمزة
وفيه ماركة أيطالية ممتازة موجودة عند قصر الأواني
وفيه WILLING الألماني موجود في عماير الراجحي عند الأسواق العالمية لكنه غالي
بارك الله فيك

[aziz66]

بارك الله فيكم وجزاكم الله خيرا

[مريتو]

شف محل شكري في شارع الوشم جنب مطعم عمو حمزة عنده اللي يسر الخاطر

[شاعر عيونها]

أفضل السواطير الموجودة عندنا
ماركة أبوفيل الياباني وارد الزهراني
وماركة ICEL البرتغالية
وماركة SAP الإيطالية
وماركة ARCOS
وأغلبها موجود في الرياض عند شكري في شارع الوشم بجوار عمو حمزة
وفيه ماركة أيطالية ممتازة موجودة عند قصر الأواني
وفيه WILLING الألماني موجود في عماير الراجحي عند الأسواق العالمية لكنه غالي
بارك الله فيك
بارك الله فيك

[مقعي]

لاتعب روحك ما ينفع إلا المنشار والدليل كل الجزارين وأهل المسالخ ما يقطعون اللحم إلا بالمنشار، فالنصيحة خذ لك منشاريدوي حق لحم هذا الكلام اللي ماوراه؛ لأنه الضحايا بارك الله فيك الغالب مانشريها إلا من السمان بالحيل وهذي أتحدى أفحل جزار يقطعها ثلاجة بالساطور الضلوع يمكن بعض العظام الصغار
فالساطور ينفع معك إذا بتقطع الذبيحة تقطيع متوسط أما تقطيع ثلاجة أتوقع إنه صعب حتى على الجزارين
هذا للذبايح الكبيرة أما التيوس الصغار والمتوسطة يمكن عليها بالساطور
وأحسن ساطور أتوقع ذاك اللي مكتوب عليه سمرقندي واللي أحسن الساطور المصنوع من سست السيارات

[ابو جوري 1]

احترامي لوجهات نظركم بأن السواطير لا تقطع اللحم و العظم
قبل وجود المنشار الكهربائي كيف كانوا الجزارين يقطعوا الذبائح

التقطيع و التكسير يبغى له تشغيل العقل و التركيز بالضربه
من وجهة نظري ان الساطور الطويل و النحيف ( الاصلي)
يكسر حتى عظم الجمال مو الغنم فقط ولاكن اذا كانت العظمة كبيره يتم ضربها من جهه و الضربه الثانيه تكون من الجهة المقابلة للضربه الاولى
من تجربتي

[مقعي]

ما عندي خبرة لكن أتوقع الساطور يكسر العظم بدون شك لكن هل من الممكن تقطيع صغار جدا للثلاجة
بصراحة ما أتوقع إلا مع الذبايح الصغيرة أما الكبيرة تبغى محترف جداً وحتى الجزارين يندر فيهم المحترف
وإذا كان على ضربة والثانية من الجهة الأخرى بصراحة راح اللحم كله عظام مكسرة تضايقك عند الأكل

[alhawayel]

السلام عليكم ورحمة الله وكل عام وانتم بخير وعيدكم مبارك
بنسبه لسكاكين انا جربت ام طير مشهوره فيه سكين ذبح وفيه ساطور وعدة مقاسات
لا يعلو عليها بنسبه لسعرها ومتانتها ووكيلها في شارع الوشم مقابل الدفاع المدني
تحياتي

[ابوسليمان.]

هلا بك اخوي aziz66 (http://www.mekshat.com/vb/member.php?u=54956) بالنسبه لاستفسارك عن التقطيع


اول شي اللحلم مايتقطع بالساطور واذا قصدك تكسير العظام يجب عليك قبل استخدام الساطور قطع اللحم اللي فوق العظم من المكان الي تبي تكسره لان اللحم يرد الساطور عن ضرب العظم...
وسع بالسكين اول حتى يتبين لك العظم ثم استخدم الساطور...


الساطور الكبير للتكسير بعد تنزيل الذبيحه من المعلاق والساطور الصغير للتكسير والذبيحه مابعد نزلتها اثناء تجزيئ الشلوع...
وافضل الانواع لاتهم كثير في السواطير لانها ادات كسر ولايهم حدها مثل السكين...


والتكسير قبل استخدام السكين للتوسيع يخرب اللحم لانك تضرب في عدة اماكن لعدم رؤية العظم وضربه
كلام 100 %
افضل شي فأس الحطب الصغير اللي كبر الذراع استخدمه كل سنه ولله الحمد من أول ضربه

[* ابو باسل *]

ماركة أبوفيل الياباني وارد الزهراني

احسن ساطور وسعره في حدود 85 ويجي احجام .

[aziz66]

الله يجزاكم خير جميعا كلا باسمه يالنشاما جعلنا مانعدمكم

تحياتي لكم


http://www7.0zz0.com/2012/11/03/07/986389921.jpg (http://www.0zz0.com)

[سفاااري]

هلا وغلا اخووووي ابفيدكم بحكم التجربه والزملاء فيهم الخير والبركه ماقصروووو
Victorinox سويسري الصنع شركه عريقه لها منتجات في جميع الادوات احسن ساطور شفته موجود عن الغيث الي في عتيقه الي جنب سوق التمر اسال مجرب ولاتسال طبيب وتراه من النوع القصير ولاتحضرني صوره له الان ويوجد سكاكسين مقاسات ( وذكر المحل ليس من باب الشهره والا تطبيل للمحل (( للفائده واختصار الوقت )) )
وفيه طال عمرك الايطالي عند قصر الاواني ومممتاز ومجربه
نعتذر عن الاطاله وتقبل مروري

[aziz66]

هلا وغلا اخووووي ابفيدكم بحكم التجربه والزملاء فيهم الخير والبركه ماقصروووو
Victorinox سويسري الصنع شركه عريقه لها منتجات في جميع الادوات احسن ساطور شفته موجود عن الغيث الي في عتيقه الي جنب سوق التمر اسال مجرب ولاتسال طبيب وتراه من النوع القصير ولاتحضرني صوره له الان ويوجد سكاكسين مقاسات ( وذكر المحل ليس من باب الشهره والا تطبيل للمحل (( للفائده واختصار الوقت )) )
وفيه طال عمرك الايطالي عند قصر الاواني ومممتاز ومجربه
نعتذر عن الاطاله وتقبل مروري


http://www7.0zz0.com/2012/11/03/07/986389921.jpg

[Hagaanaf]

يحفظك الله
سوف اصف لك مكان يبيع السواطير الي هيا
رح لمحلات شكري بشارع الوشم ، وانت نازل من الغرب للشرق ، وهناك ستجد سواطير لايردها لحم ولا عصب انت طب وتخير ، بس ارخ مخباتك

[ولد عبس]

ماعندي خبرة

[معاذ0]

التكسير مثل ماقالو الاخوان يبغاله حرفنه وسعة بال مهب اضرب وبس واعجبت بكلام اخونا ابوذيب 77 دليل ان هناك خبره في هذا المجال من جهتي انا استخدم ساطور برازيلي موجود عند برق الحيا بمقاسات ورخيص ب20 و12 ريال وماشي معي ممتاز واستعمله في الذبح في الضحيه وغيرها واشتريته بعدما مدحه احد الاخوان في هذا المنتدى واما السكاكين فقد حولنا الموجه لهذا العام الى ماركة مورا بعدما اثنى عليها الخبير اخونا عصا الترحال والحقيقه انها تبرد الكبد ومادام انها سويديه وبهذه الجوده فلا يستبعد انها هي زوجة بريمس المشهور ويمكن على طاري البريمس ان نستنير براي اخونا العمده سرهيد في هذا الموضوع واسف على اطالة الموضوع ولك تحياتي

[طير العشاء]

ماشا الله على التفاعل طيب ياشباب هل يوجد منشار يدوي؟ صغير للحم غير عن الي بالملاحم؟ لانه خطر جدا

[ياسر الحمدان]

انا من تجاربي وممارساتي بالذبح اشوف ابو فيل احسن شي لكن مو هو السبب السبب طريقة الضربه بالساطور فيه ناس تضرب العظم بطرف الساطور او راسه والاصح انك تحاول تضرب العظم بآخر الساطور يعني الطرف الاقرب للمقبض حقه لان الضربه تجي اقوى وتركيزها اعلى وتقدر تتحكم فيها هذي وجهة نظري وانتم ابخص

[at2]

عندي ابو فيل بس مو واردالزهراني وياباني اصلي؟ ولا لا

[at2]

http://imagizer.imageshack.com/img538/5476/kG6eQt.jpg

[at2]

ليت احد يقول لي

[مكشاتي مدني]

اخوي تبي النصيحة والشور اترك عنك شكري وغيرة ولا ساطور سويسري ولا شيء رح لشارع السبالة واسال قل ابي الساطور البرتغالي وربي انه اقوى وافضل ساطور مر علي في حياتي يضرب فية بالحديد ولا ينثلم تلقاة بشارع السبالة اي محل بن شيهون ولا باوارث تحصلة بحدود 150 ريال بالكثير ويجي منة مقاسين وسط وكبير خذ الوسط وصدقني بتدعي لي لاتتعدى شارع السبالة كل شي هناك

[at2]

مكشاتي مدني
مشكور على النصيحة
ولكن انا بالجبيل .بالشرقيه ماأعرف السباله ولا اقدر اجي الرياض
بخصوص ساطوري هذا ماهو طيب ؟ لسه ماجربته
وبخصوص ساطورك البرتغالي عطني صوره له عشان اجييه واعمل بنصيحتك

[مكشاتي مدني]

الساطور البرتغالي ماركة ايفو avo برتغالي وللاسف ماعرف انزل الصور بالانترنت لكن ادخل علي بالرسايل الخاصة وعطني جوالك واكلمك وارسل لك الصور واتس اب

[Dr.Cinta]

.....................

[Dr.Cinta]

bANlFuNOOyQ

[Dr.Cinta]

U8FGCyUycsY

[Dr.Cinta]

هاذي السواطير ولا بلاش

[at2]

http://goo.gl/2ncbct


هذه هي البرتغالية مقبض بلاستيك اسود حجم صغير




هي نفسها اللي تقصدونها ؟

[at2]

http://goo.gl/2nCBCt