علامات المرض فالطير والمستشفى يقول سليم

[ابن شعف]

السلام عليكم،

اخواني، امل المساعده...

طيري من اربع ايام ملاحظه عيونه مغوره و يغمضها بعض الاحيان و يهدل جنحانه و ريش راسه يكش ووجهه وجه الي فيه مرض.

وديته للمستشفى و قالوا سليم ما فيه شي ولكني ماني مرتاح لوضع الطير. مع العلم ان علفه زين و طياره زين و مرشه زين. اسقيته ماء قلت يمكن عنده نقص املاح او جفاف وريحته وله 3ايام ولا تغير شي.

اذا سبق مر عليكم هالموقف او تعرفون وش علته، نامل الافاده.

شكرا

[صيت النشاما]

هل اخوي هل عمر الطير كبير
اذا كان عمر الطيركبير فوق قرناس سادس فهذا الوضع طبيعي فاغلب الطيور كذا واذا كان اصغر فانصحك باسقائه سكر نبات حتى يهتل ويكثر من شرب الماء لان السكر يجعله يشرب ماء باستمرار حتي يتنضف بطنه ويعاود الكل من جديد وتتحسن حالته...

[اماراتي 10]

احتمال يكون انك اجهدت الطير واجد وهدل الجناح من علامات الاجهاد ريح الطير وعطه فيتمينات يوميا وألف سلامه

[Al.GrAaH]

وباشقي كذا بعد وش صاير فيه .؟

انا يغمض عينه اليمنى واذا سكرها تصير مدري كيف
وتغير وجهه ويكش دايم

[ابن شعف]

هل اخوي هل عمر الطير كبير
اذا كان عمر الطيركبير فوق قرناس سادس فهذا الوضع طبيعي فاغلب الطيور كذا واذا كان اصغر فانصحك باسقائه سكر نبات حتى يهتل ويكثر من شرب الماء لان السكر يجعله يشرب ماء باستمرار حتي يتنضف بطنه ويعاود الكل من جديد وتتحسن حالته...


الطير خامس ولكن الطير له اسبوعين يدعى و ما بيتن فيه هالامور الا تالي من 3ايام.

[ابن شعف]

احتمال يكون انك اجهدت الطير واجد وهدل الجناح من علامات الاجهاد ريح الطير وعطه فيتمينات يوميا وألف سلامه

الطير ما اجهدته ابد. ادعيه تدريجي مع العلم ان الطير مقيض طلق والمقيض كبير يعني موب ادنى شي يملعه.

[عابر الموج]

اخوي ابي اسئلك وجاوبني
1- هل شنذرت الطير اذاكان نعم كم يوم له من الشنذره
2- هل تهد طيرك على حمام قوي ام ملواح
3- ماهو نوع العلف التي تعطيه الطير
4- هل طيرك راكد او كفاخ
5- وزن الطير
6- نوع الطير
7- اسم المستشفى الذي كشف على طيرك
بعد الاجابه نعطيك الجواب باذن من الله تقبل تحياتي

[صقار مبتدىذ1]

اخوي هل حالة مرت على واحد من الربع يشوف الطير مريض يوم وداه للمستشفى قالو سليم صار الطير منضول
جايته عين من واحد شافه وانا اقول تأكد ترى العين حق

[ابن شعف]

اخوي ابي اسئلك وجاوبني
1- هل شنذرت الطير اذاكان نعم كم يوم له من الشنذره (لا ماشنذرته)
2- هل تهد طيرك على حمام قوي ام ملواح (ملواح)
3- ماهو نوع العلف التي تعطيه الطير (سمانه طازج)
4- هل طيرك راكد او كفاخ (راكد)
5- وزن الطير (980) الطير 17*17
6- نوع الطير (حر)
7- اسم المستشفى الذي كشف على طيرك (مركز فهد بن سلطان)
بعد الاجابه نعطيك الجواب باذن من الله تقبل تحياتي

تمت الاجابه عالاسئله مقابل كل سؤال

[ابن شعف]

اخوي هل حالة مرت على واحد من الربع يشوف الطير مريض يوم وداه للمستشفى قالو سليم صار الطير منضول
جايته عين من واحد شافه وانا اقول تأكد ترى العين حق


عز الله العين حق، و انشالله بعطيه عزايم.
شكرا عالمشاركه

[عابر الموج]

اخوي ارسلي صورته على الخاص على طبيعة وضعه واذا كنت بالرياض اكشف عليه عند مستشفى الدرع يسوون له منضار واشعة كاملة والله العالم بان طيرك مشابط طير بالمربط وهذا الاحتمال وارد لكن مثل ماقلتلك اكشف عليه تقبل تحياتي

[ابن شعف]

اخوي ارسلي صورته على الخاص على طبيعة وضعه واذا كنت بالرياض اكشف عليه عند مستشفى الدرع يسوون له منضار واشعة كاملة والله العالم بان طيرك مشابط طير بالمربط وهذا الاحتمال وارد لكن مثل ماقلتلك اكشف عليه تقبل تحياتي


الله يجزاك خير و يبيض وجيهكم جميعا. و انشالله بوديه المستشفى للفحص.

[بدوي نمبر ون]

تاكد من لون المحط اذا اخضر ويهدل جناحه اليمين ويغطا عينه
ترا فيه جساس
عطه حبوب جساس وماعليه الا العافيه انشاءالله
واذا مرشه مهو اخضر وطبيعي تاكد من فرسة الطير الظاهر جارحهه عظمن معترض ويحز عليه
وماتشوف شر انت وطيرك

[Abu Hamad2]

والله انا باعلمك العلم
مثل ما قالو الجماعه رح للدرع لأن المستشفي ما عنده سالفه وهالكلام عن تجربه

مرتين اروح للمستشفي ويقولون الطير سليم والدرع يكتشف المرض ما شالله عليه

كان عندي شيهانه مثل طيرك تغمض عين ووجهها فيه المرض والمستشفي قاللي سليم

والطير ماخذ فتره ومات
لايضحكون عليك دور علة طيرك

[نجم404]

ماقصر عابر المووووج ماشاء الله عليك والاخوان بعد الله لايهينهم

[الجره جديده]

تاكد ان طيرك مافيه قمل
وتاكد ان خشمه ماهو مسكر

[طيور المسفارة]

احتمال يكون انك اجهدت الطير واجد وهدل الجناح من علامات الاجهاد ريح الطير وعطه فيتمينات يوميا وألف سلامه
طيرك يبي فيتامينات منعها

[الصحافة 15]

:eek:لا تأخذ بكلام المستشفى معي شيهانة فيها قلاع الأعمى يشوفه ويقولون سليمة

[براوننق]

اذا على المستشفى معي جير شاهين الطير مايرتفع وكان ينقط فوق ونقدت على الطير ووديته للمستشفى ثلاث مرات وكله يقولون سليم والمره الثانيه قلتلهم ان الطير وهو يطير يجدع اذنيباه ولا يرتفع ويتعب بسرعه قامو وقالو يمكن فيه اكسيديا علما انهم قالو سليم مالكم بالطويله بعد اسبوع الطير انقلب حالته الاردى يوم صار يوم السبت وديته للمستشفى وفحصوه قالو سليم وشلون سليم والطير بدا ما يمرش غير التلاعب اللي صاير عندهم مدخل الطير فحص كامل ويوم جيت اخذه وانا بالياله مرش الطير قالو خلص الطير رحت وسالت الدكتور ومع المناقشه قال مافيه تحليل مرش قلت وشلون مافحصتو المرش والطير مارش على يدي وانتم ماخذين المهم بالنهايه مرش وقالو سليم وطلعت الطير يوم رجعت للبيت وعلفته وجيته الصبح لقيت الطير مقذف علفه قلت مالي الا مستشفى الشرقيه على طول ارسلته للشرقيه بنفس اليوم وفحصته وتطورت حاله الطير بدا يمرش دم وقالو المستشفى اللي بالشرقيه وشلون ليش حاله الطير كذا ونسبه الدود 90بالميه دود رئه ودود امعاء اكرمكم الله اخذت الطير وعطون حبوب والله يسهل ويتبع له بالعافيه وانتبهو تاخذون كلام مستشفى فهد ابن سلطان ماعندهم الا الخراط

[نواف911]

الله يشفيه

[الصحافة 15]

معي طير يطرد الحمام في النجوم وفيه فحه بسيطة وديته ويقلون فيه أرداد والله مادري وش وضعهم عندهم علم ولا من جنبها