مشبات الحديد بالشرقيه

[m7med1981]

السلام عليكم ورحمة الله
انا قريت في المنتدى موضوع عن المشبات وسالت ناس كثير واغلبهم قالي ابعد عن المشب اللى يبنى بطوب الا اذا عندك معلم فاااهم صح والا الدخان بيعميك ونصه بيكون بالمجلس
اللي ابيه الان مشب مثل مشبات الدوادمي طبعا لقيت رقم واحد هنا بالمنتدى وكلمته وماقصر الرجال لكن السعر غالي على واصلا معد بقى عنده الا واحد والحجم الكبير انا ابي العادي

المطلوب فزعتكم يا اهل الخبره اذا تعرفون في الخبر او الدمام احد يسوي مثلها وبسعر غير مبالغ فيه يدلني على المكان يفضل يكون بالخبر

واللي عنده نصيحه بهالموضوع لايبخل على فيها :good2:

[maass5]

السلام عليكم
ياخي لا تتعب نفسك روح يوم تمشى لعريعره اللي على طريق الرياض وبتلاقى هناك المشبات اشكال والوان وجاهزه وسعر ارخص بكثير من هنا
وجب معك لحمة حاشي تراها خوش رحله

[m7med1981]

شكرا للاخوان اللى ردوا ماقصروا
وانتظر ردود الباقين

[m7med1981]

يا اخوان حتى لو بالدمام عاادي اللى عنده اي معلومه عن ورشات تسويه يدلني
انا مريت القناص بالدمام يقول ماعندنا حاليا وهو يجيبه من الرياض اتوقع ينتظر تكثر الطلبات بعدين يجلد الناس بالاسعار

[m7med1981]

بعد اذا فيه احد يعرف مكان سوق الحطب بالخبر او الدمام يقولون على طريق بقيق بس ماعرفت بالضبط بعد المدينة العسكريه ونا راايح لبقيق او قبلها

[سهم 30]

سوق الحطب جنب سوق الغنم علي طريق بقيق

[m7med1981]

فعلا الشرقيه تفتقر لكثير من الاشياء اللي تتوفر بالرياض اليوم رحت لورشه تسوي مشبات حديد اسعارهم على شغلهم غااالي ب ١٠٠٠ ريال وناقص اشياء كثير بالعربي شكله يفشل مو مثل شغل مشب الدوادمي ،،مشب الدوادمي الله يهديه لو يرخص بالسعر شوي كان طار فيه الغني والفقير

[m7med1981]

سلام عليكم لقيت واحد يجيب هالمشبات بالدمام الفيصليه حاليا ماعنده لكن يقول يمكن يوصل بعد اسبووع مدري ادارة المنتدى تسمح احط رقمه او لا ؟؟؟؟

[انا_والبر]

سلام عليكم لقيت واحد يجيب هالمشبات بالدمام الفيصليه حاليا ماعنده لكن يقول يمكن يوصل بعد اسبووع مدري ادارة المنتدى تسمح احط رقمه او لا ؟؟؟؟

ممكن تحدد مكانه في الفيصليه لو سمحت او ارسل رقمه ع الخاص

[تركي1]

نصيحتي لك تاخذ الحجم الكبير آمن من حيث تطاير الشرر او الجمر
او اذا نكسرت حطبة بعد ماتجمر فتبقى في نفس الوجار لكن لو كان الوجار صغير ممكن يطير بعض االجمر برا

[عنيزاوي999]

انا باني مشب طوب وبالمدخنه مروحه والحمد لله الامور طيبه
اهم شي نوعية مروحه قوية السحب والباقي اجمل من الحديد واوجه

[99ابوفهد]

تواصل معي عالخاص معي وانيت ونطلع انا وياك لعريعره نتمشی ونتغدی وناخذ لك مشب والي في خاطرك

انا من اهل بقيق واعرف المشبات موجوده مو بس في عريعره في الفردانيه بعد لكن التنوع في عريعره

[اسدهم]

حبيبي خذلك الطوب وكبر بيت النار وكبر فتحات المدخنا الي تكون في سطح المشب وهمن اذا بغيت حط مروحة 15×15 تكون من النوع الاصلي. والي يقولك ان ادخان الحطب يدخل عليك هذي تعتمد ع فتحات المدخنة اذاكانت صغيرة طبيعي يرجع الدخان واذا كانت كبيرة تشفط بدون مروحة واذا مرة مقفل من الدخان شغل المروحة