كيف اطرد الثعابين والعقارب؟

[المغترب111]

السلام عليكم ورحمة الله وبركاته
يااخوان باختصار انا انتقلت الى منطقه بريه بحكم العمل ومسكني عباره عن (بركسات) المهم قبل كم يوم دخلت السكن وحصلت عقرب تسرح وتمرح فوق فراشي وتم اتخاذ الاجراء الازم معها.ارجو اللي عنده طريقه اقدر فيها ابعد العقارب والثعابين والحشرات من السكن..يعني اذا فيه شي ارشه حوالين السكن او حاجه زي كذا..ياليت اللي عنده معلومه لا يبخل علينا..وشكرا

[عشقي رغبه]

وعليكم السلام

الله يكفينا شرها

اتوقع تكب ديزل حول الخيمه او البركس بس تراه خطر مره

اهم شي لاتنشى تتحصن

والله يحمينا وياكم

[المغترب111]

بارك الله فيك اخوي
بس الديزل ريحته تصدع براسي..مافيه حل ثاني

[ismailmoh]

أخوي مالك إلى تزرع رشاد ، فهو قادر على إبعاد الثعابين والعقارب ، أو زيت محروق يرش حول السكن .

http://store2.up-00.com/Sep12/pX345259.jpg (http://www.up-00.com/)

[العقيد الحر]

اسال البيطري

[تساهيل1]

اول شي

اية الكرسي بعد كل صلاه مع المعوذات الثلاث
مكرره ثلاث
وقبل النوم بعد

ثاني شي طلع اغراضك اللي في البركس
وشيك على ارضيته وجدرانه اذا فيها شقوق عالجها وطلع اللي فيها

ثم خذ لفه حول البركس
وخل معك جركل ابو 3 ريال ديزل
وشف اذا فيه جحاره تحته صب فيها الديزل كلها وصب تحت البركس حلقه على اساس البركس
والمساحه اللي حوله شيك عليها بعد
واتتكل على الله

والله يحميك وكل مسلم

[صقرولدصقر]

شف اخوي المغترب سلمك الله

تروح للصيدليه البيطريه وتأخذ (جاره) نوع مركز

وتاخذ جركل وتصب فيه ماء وتضيف اليه كاسه من هذه الجاره

(انتبه لايجي على عينك او يدك او تستنشقه بقوه فهو مضر نوع ماء)

المهم تصب في المغسله ودورة المياه

وترش حوالين الغرفه رشا جيدا كل يومين

ولن تأتيك لاعقارب ولا حشرات ولا صراصير ولا بصاصيق أبدا ابدا ابدا

وبالتوفيق

[محب الرمنغتون]

عليك بشتلات شجرة الشيح , تجدها في المشاتل أغرسها عند المداخل وحول البركس .
الشيح شجرة عطرية رائحتها جميلة وتطرد هذه الشجرة العقارب والثعابين بأذن الله .

[خبايا انسان]

قرات في احد المشاركات ان النور الابيض يجلب العقارب والنور الاصفر ينفرها

[حسـام]

عن خولة بنت حكيم أن النبي صلى الله عليه وسلم قال :
مَنْ نَزَلَ مَنْزِلًا ثُمَّ قَالَ أَعُوذُ بِكَلِمَاتِ اللَّهِ التَّامَّاتِ مِنْ شَرِّ مَا خَلَقَ
(لَمْ يَضُرَّهُ شَيْءٌ) حَتَّى يَرْتَحِلَ مِنْ مَنْزِلِهِ ذَلِكَ رواه مسلم (2708) ...

[عبود الجيد]

خذ المعلومه هذي اللي سمعتها من شااااايب
يقوووووول

ازرررع ريحااااااااااااااان ونام ولا تخاااااف

[almajd]

انا أشوف بالإضافة للأوراد الشرعية تفضل هذي تقنية مفيدة لطرد الثعابين بالموجات

طرد الثعابين بعصا الطاقة الشمسية (http://newteq.net/index.php?option=com_content&view=article&id=1492:2011-10-21-08-02-44&catid=8:business&Itemid=45)

[راعي الرائد]

انا قرات هذه المعلومه من كتاب مؤلفه احد منسوبي الصاعقه لا اذكر اسم المؤلف او الكتاب اظن لقب المؤلف بنوته اوقريب من هذا الاسم يقول تجيب برميل كبير وتحفر له في الارض وتضع فيه لحم له رائحه قويه وان حصل سمك يكون احسن وتحكم غطاه وتدفنه حول السكن بمسافه 50م او اكثر وتفتح في اعلي البرميل فتحه صغيره فانك اذا فتحت البرميل في الصباح سوف تجد جميع خشاش الارض الذي حولك في داخل هذا البرميل لعلي هذه المعلومه تفيدك

[عبدالرحمن بن ذياب]

الله الحافظ ونا اخوك قبل كل شئ لا تنسى أذكار الصباح و المساء

[نايف 1996]

لا تصب ديزل حولين المنطقة لان الديزل يبعد الصغار ويجيب الكباار والله يكفي شرها