يا اهل الخبره والتجربه (( engine hot A/C terned off ))

[E.aljassir]

السلام عليكم ورحمه الله وبركاته



ياخوان انا معي افلانش ltz 2007 ((امريكي))
السياره مشاءالله جلست معي فتره ماتشتكي من شي بس من قريب احيانا وانا امشي يرجع امبير الحراره للc كأن السياره طافيه .
والمكيف يطفى
ومراوح المكينه يشتغلن كلهن جميع
وتطلع لي الرساله هذي engine hot A/C terned off


مع ان السياره مابه حراره ابد ابد
واذا فصلت البطاريه وركبته يرجع كل شي تمام :confused::confused:


واشوف كثير عنده نفس المشكله بس ملقيت الحل ياليت الي صارت عنده نفس المشكله وصلحه يعلمنا وش سوى

[Magellan]

غير بلف الحرارة

[E.aljassir]

بلف الحراره ملغي من فتره طويله

[tevo]

اول مره تمر علي بصراحه بس تاكد من الانبير حق الحرارة هل هة سليم او لا وهل السلك حقه سليم او لا ومشبوك .
مثلا الصبح شغلا السيارة وشف هل هي بارده او لا وهل الحرارة ترتفع تدريجي لحد ما توصل للطبيعيه او لا.
لا تكون السيارة تسخن ونت ما تدري .

[E.aljassir]

مشكور على الرد بس مشيك على كل شي حتى العداد يعطي قراءه صحيحه حتى اذا سوا الحركه هذي افتح الكبوت وادور خلل باسلاك الحساسات واشوف الحراراه . بس كل شي طبيعي

[ms662]

هل انت ملغي المكيف الحار
لان ترجمه الجمله واميد انت عارفها
المكيف الحار مغلق او مطفى

[أصيل حجآ زي]

هل انت ملغي المكيف الحار
لان ترجمه الجمله واميد انت عارفها
المكيف الحار مغلق او مطفى



لا المُكيف ما هو مُغلق .
المُكيف أُغلق أثناء عمل المُحرّك .
أُغلق وليس مُغلق .
أو أُطفىء وليس مطفي .



لا الترجمة الصحيحة للرسآلة أو التحذير :
أنهُ لما يحتر المُحرّك يطفي المُكيف على طول .
به نظآم مُتصل بالحآسوب يفصل المُكيف على طول .
ليحمي المُحرك .


وكلام المُهندس مآجلآن صحيح 100% .


أن شاء الله أذا غير صمآم الحرآرة / الكوع { الثرموستآت } .
تنحل المُشكلة .
بس أهم شيء يغيرهُ بأصلي من الوكآلة .


الرسآلة تقول :
{{{ المُكيف ترند أوف يعني أنطفى A/C turned off }}} .



الأخ نقل التهجئة للتحذير / الرسآلة
بها خطاء بسيط
وهو أنهُ وضع e بدلا من u
في ثآني حرف من كلمة قلب turned .


:good2:

[E.aljassir]

اي نعم الفكره وصلت صحيحه بس المشكله انا ملغي البلف من زمان والمشكله ماطلعت عقب ما الغيته الا عقب اكثر من شهر او شهرين

[رحال7]

ولا يهونون الشباب كلهم خير بركه

توكل على الله وغير حسسسسساس الحرارة تجده في جنب المكينة جهة السائق
إذا بغيت غيره بنفسك بس في الصباح والسيارة بارده عشان الماء حار
وإلا روح لأي ميكانيكي ما يأخذ أكثر من خمس دقائق
بس اول روح اشتري الحساس ثم روح لأي ميكانيكي يفكه بس خل الموتر يبرد شوي


دعواتك والحمد الله رب العالمين

[رحال7]

ملاحظه

يمكن تحتاج تعمل ريست للكمبيوتر ((بعد تركيب الحساس)) بفصل البطاريه ويمكن ما تحتاج

[رحال7]

بشر انحلت المشكلة؟