المساعد الشخصي الرقمي

مشاهدة النسخة كاملة : عندي مشكله في gps3


الوافي الشمالي
05/12/2002, 12:06 AM
هلا والله فيكم جميعا احبابي عندي مشكله في GBS3 ,وهي بعد استخدامه يكتب رساله تفيد ان البطارية الداخليه للجهاز ضعيفة في كل مره تطلع هذي الرساله من يعرف حل هذي المشكله يخبرني جزاكم الله خير
السمح
05/12/2002, 01:36 AM
لازم تغير بطارية داخلية ..
مادام إنك غير موجود بالرياض لازم تروح لأحد المحلات التي تصلح الأدوات الالكترونية وتطلب منه يفك الجهاز ويطلع البطارية ويغيرها .. تحتاج إلى قص أسلاك وإعادة تلحيم لأن الأسلاك مباشرة بالبطارية ..

أغلى تحية ..
الوافي الشمالي
05/12/2002, 07:18 PM
يعطيك الف عافيه يا السمح وانشالله دايم سمح لاكن والله ما فيه الي تثق فيه يفك جهاز او يركب يحوس الدنيا عليك لاكن اذا كان هناك مكان معين او فني ممكن ارسل له الجهاز معليش طولناها عليك انت سمح وانا استاهل مشكور والله اي خدمة من الشمال (مارد)
السمح
05/12/2002, 09:06 PM
تستاهل الخدمة .. وأكثر يابعدي ..:love2:
ومع إن العملية بسيطة جداً .. لأن الشباب سووها أكثر من مرة مع انهم هنا في الرياض .. ولكن إذا كان الأمر كما ذكرت تستطيع إرسال الجهاز إلى الوكيل للقيام بصيانة الجهاز وتحديثة والتشييك عليه من مجاميعه ..

أغلى تحية ..
الوافي الشمالي
06/12/2002, 02:47 PM
تحياتي يالسمح المشكلة انك عارفا كل الاوضاع وين انا وين الرياض يمكن يقعد عندهم شهر شهرين وياعالم وين مكانهم وعنوانهم ولا اعرف عنهم شي ابد والحين وقت ربيع وطلعات ومطر وشعبان لاكن اذا كان تعرف عنوان او تلفون لهم او ايميل او وكيل قريب في الشمال والغريبه والمفروض ان يكون عندنا وكيل لهم في الجوف --------------------ومشكور كثير كثير وحياك
طير الشمال
16/12/2002, 03:13 PM
اسمحولي بالمداخله. اخوي الوافي الشمالي انا حصلت لي نفس المشكله ولكن بجهاز 2 بلص وتجاهلتها وبعدين حذف كل اللي مخزن من احداثيات. لاتتأخر اذا انت من سكاكا اعطه محل سكاكا سكاي وهم يرسلونه ولا تنسى الضمان حق الجهاز وبعد اسبوع تلقاه جاهز وانتهت المشكله وتحياتي للجميع.
الوافي الشمالي
16/12/2002, 06:16 PM
ويعطيك العافيه ومشكور والله والحقيقة كلامك تمام ووافي ولازم اوديه لهم لاكن تعرف ايش عملو فية جهازك غيرو الحجر الداخلي او ماذ عملو فيه
طير الشمال
16/12/2002, 06:44 PM
بالنسبه لجهازي تعطل بعدما استعملته لمدة سنتين ثم وديته لسكاكا سكاي وارسلوه للرياض وفحصوه وغيرو البطاريه اللي داخل الجهاز وبعدين اخذته واستعملته اربع شهور تقريبا ورجعت نفس المشكله.... ( للمعلوميه تغيير البطاريه سهل جدا بس لازم يكون عندك جهاز كاوي علشان بعد ماتغير البطاريه تذوب الرصاص عليها لان فيها سلكين ) وتنتهي مشكلتك انشاء الله...............ملاحظه/ الجهاز اذا ماله ضمان يمكن تصليحه تقريبا 450 ريال :eek: لاتنسى تاخذ الضمان معك. وتقبلو تحياتي
الوافي الشمالي
16/12/2002, 09:34 PM
مشكور تعبناك معنا يالطيب ويعطيك الف عافيه