الفزعه يا اهل الفتك ..

[Special Office]

السلام عليكم ورحمة الله وبركاته ..

ياجماعة الخير انا قدر الله علي وشريت فتك 2002 قير عادي

المهم الموتر ضعيف احس وانا ماشي كأني اسحب وايت ماء من الثقل اللي فيه ..

والموتر ما يطبق 140 مستحيل .. وفيه تفتفه بسيطه .. والمراوح شابكه علطول وصوتها مزعج .. والحراره ثابته على النص سواء ماشي ولا واقف وعند التشغيل تحس الموتر يالله يشيل نفسه ضعيف

وكل هذا مع اني مغير الفلتر ومسح لراس المكينة وتسيخ للراديتر وبلف حراره جديد

قسم بالله اني كرهت الموتر وصرت افكر ببيعته بأي سعر ...

الفزعه ياجماعة الخير وش الحل

(( صحيح اني انغشيت بالموتر ولاكن حسبي الله ونعم الوكيل ))

بس خلاص مايفيد ابي اصلحه تكفوووووووووووووووووووووووووووووون

[Special Office]

شدعوا ولا رد ؟

[ls1.5700]

طيب اخوي هل لمبة المكينه مولعه او لا اللي هي شيك انجن
شف يسار الطبلون فيه لمبه على رسمة مكينه برتغاليه
ورد علينا 0 وبعون الله تلقى الاجابه

[sgl2002]

كم مقدار مسح الراس

اذا مسحته واجد يضعف العزم

[Special Office]

طيب اخوي هل لمبة المكينه مولعه او لا اللي هي شيك انجن
شف يسار الطبلون فيه لمبه على رسمة مكينه برتغاليه
ورد علينا 0 وبعون الله تلقى الاجابه


لا يالغالي مافيه لمبات غير لمبة التانكي لان السلك مفصول

[Special Office]

كم مقدار مسح الراس

اذا مسحته واجد يضعف العزم


العزم ضعيف من قبل مسح الراس وللتأكيد انا مسحته وجه واحد

[Special Office]

لا إله الا الله ..

[فهد بن مشبب العاصمي]

اخوي لايضيق صدرك ولا شيء ان شاء الله انها مشكلة بسيطه

شيك على الفلتر وصفاية البنزين والبواجي واسلاك البواجي والله ييسر امرك واذا عرفت المشكلة وحلها عطنا اياها عشان نستفيد

[4x4ofroad]

اولا الحراره الطبيعيه على خط الربع او فوقه بشعره وماتوصل النص الا اذا فيه مشكله
هل صوت المكينه ناعم؟
هل فيه دبة تلوث؟
اذا صوت المكينه ناعم وفيه دبه تلوث شيل الدبه او فرغها
اذا الموتر بثالث وانت تمشي 40 ودعست الدعسه كله تسمع صرقعه او لقلقه بالمكينه؟
اذا فيه لقلقه بيكون عندك نقص بنزين او وزن ديلكو
ان شاء الله امورك بتنحل بس جرب اللي قلتلك وعطنا خبر

[ابوسند9]

اخوي
حسب خبرتي المتواضعه القير العادي الفتك اذا كان ما يمشي بالخط فا المشكله دزق وكلتش
اما التفتفه فا اتوقع من خرطوش القربه والخارج للثلاجه فربما فيه تنسيم او شق خفيف ويسحب هواء من الخارج لذالك فكه وافحصه بنفسك فحص دقيق
بالنسبه للحراره مشكلتها مشكله وتحتاج فحص اشياء واجد ومن الاسهل للاصعب
لذالك ربما تحتاج وزن ديلكو
وكذالك التشييك على مقدمة السياره فربما هناك اوساخ كا الحشرات والاوراق فتمنع دخول الهواء وهذا الشي حصل لاحد الزملاء ويمكن ازلة ذالك عن طريق مغاسل السيارات
كذالك شيك على طرمبة المويه فربما ريش الطرمبة مستهلكه
برضو شيك على المروحه فا احينا اذا كانت تجاريه ما تدفع الهواء بالشكل السليم
الشي الاخير فك ماسورة الشكمان من عند القزوز وشغل واذا شفت الحراره كويسه وما ارتفعت فا المشكله من دبة التلوث او الدبه الكبيره فيها انسداد

[ls1.5700]

بالضبط مثل ماقال لك اخوي ابو سنـــد2
بس بضيف اشياء هي كالتالي
1 غير كلتش المروحه 00 هو احد الاسباب في ضعف العزم لانه شابك على طول وهذى غير طبيعي
2 شيك على حساس الماف اللي هو بنص الخرطوش 0 فكه ونظفه في بخاخ خاص للكترونيات
قبل تفك الحساس افصل صبع البطاريه السالب
3 الديلكو يحتاج وزن على الشراره 000 لتقوية العزم
4 0دبة التلوث فكها 00 تسبب ضعف وتموت الموتر
5 افحص ضغط طرنبة البانزين
عب بانزين 95 احمر
بالنسبه للحراره قد تكون من دبة البيئة او الكنداسه مسكره

[ابوالوليدخالد]

90 % من دبة التلوت
شيلها وريح دماغك

[منطفق بركاده]

عندك دائره التبريد هذا من ناحيه الحراره شيك عليها والحراره الطبيعيه ربع او ربع وشوي بس ماتوصل الثلث ابد واتوقع المشكله بتماتيك المروحه اذا انت مشيك على دائرة التبريد كلها
ثاني شي دائرة التهويه يمكن عندك سدد بدبات البيئه وهذا اغلب الظن والله اعلم او بمنظم الهواء او الفتر
ودائرة البانزين يمكن مر اي محل مستوبيشي وخذ منظف تانكي مستوبيشي اصلي ممتاز جدا من واقع تجربه عسى الله يفيد

[sgl2002]

الله واعلم ان مشكلتك كلها من الديلكو والاعراض اللي قلتها هي اعراض الديلكو او دبة التلوث

[Special Office]

شكرا لكل اللي تفاعلوا مع موضوعي ..

بس بالنسبه لدبة التلوث انا شايلها بالمره ومغير الدبه الكبيره ومركب بدالها حقة يوكن

و الفلتر وصفاية البنزين والبواجي مغيرها كلها

[sgl2002]

الديلكو ثم الديلكو ثم الديلكو

[Special Office]

بشوف عنه اليوم ان شاء الله وبعطيكم الخبر ..

ولاكن هل للديلكوا دخل بحرارة الموتر ؟

[4x4ofroad]

الديلكو يتدخل بعزم الموتر وصوت المكينه وحرارتها
السؤال اللي ماجاوبت عليه هل صوت المكينه ناعم؟
هل تسمع لقلقه اذا كبست الدعسه؟

[Special Office]

لا يالغالي مافيه لقلقه

[sgl2002]

الديلكو يلعب بالعزم والحرارة

[عاشق الساحل]

يااخي الكريم باالنسبة لعدم فصل المروحه والحراره شيك على تمتيك المروحه والضعف في العزم شيك على طرمبة البنزين اما الضعف في التشعيل شيك
على البطاريه وفحمات السلف وايضا شيك على الخرطوش اللي قريب من البخاخ وان شاء الله تستفيد