لأهل الخبرة ؛ استفسار عن افضل انواع الدبابات

[لاقط الغيد]

أسعد الله أوقاتكم ,,
ناوي ان شاء الله اشتري دباب نستمتع فيه في الاجواء الربيعية -الله يجيب الخير- ولكن لجهلي فيها .. ابي اسال عن افضلها:
رابتر
z400
yfz

من حيث:
قوة العزم -بدون تعديل-
مايسخن
اسعار قطع الغيار
قوة التحمل

وسلامتكم

[4x4ofroad]

حياك الله ياغالي
الرابتر عيبه انه رفيع وكفراته متقاربه يعني القلبه من اسهل مايكون وانتبه تشتري رابتر حجم 660 لانه شبه انتهى وقطعه بدت تنقرض
السزوكي z400 ممتاز للمكده وقطع غياره متوفره ومناسبه واسعاره مستعمل شاده نوعا ما وعزمه بطل بس صوته بايخ
الياماها ال yfz 450 ممتاز للمكده وقطعه معقوله ومتوفره وشكله رياضي اكثر من السزوكي وعزمه بطل
اتمنى اني اعطيتك معلومات كافيه واي خدمه حاضرين

[لاقط الغيد]

الله يعطيك العافية ..
ماني براعي مراقى ومقاوم .. تطعيس حق الفلة وسعة الصدر بس ..
من خلال المعلومات هذي تشوف ان YFZ افضل ؟

المحلات اللي تبيع المستخدم وين مكانها ؟ وهل في احد معروف ومشهور تنصحني فيه ؟

[4x4ofroad]

وين موقعك؟
فيه واحد من الشباب عنده دبابين للبيع اذكر انه عرضهم علي قبل شهر
بس مدري باعهم ولا لا
واحد سزوكي 400 موديل 2007 والثاني YFZ موديل 2009
طبعا هو بالشرقيه

[لاقط الغيد]

انا في الرياض ..
الشرقية قريبة كان اسعار الدبابات معقولة ونظيفة وتنصح فيها.

[عش حياتك]

طيب يا اخوان ع كم اسعارها yfz